Advertisement
 
 
 
 
 
 
 
 

Amakuru | Mu Ntara | Intara

Nyamasheke:Abarokotse Jenoside 8 bafite ikibazo cy’ihungabana rikabije   

  Yanditswe na BAHUWIYONGERA SYLVESTRE
 April 2016

 
 

Ubuyobozi bw’umuryango Ibuka mu murenge wa Bushekeri, mu karere ka Nyamasheke, buravuga ko butewe impungenge zikomeye n’abarokotse Jenoside yakorewe abatutsi bagera ku 8 bafite ihungabana rikabije.

Ubuyobozi bw’uyu muryango uharanira inyungu z’abarokotse Jenoside yakorewe abatutsi, buvuga ko bwakoze ibishoboka byose bukabavuza, ndetse abajyanama b’ihungabana bakabageraho, ariko bikanga, bakaba bifuza ko Akarere kabafasha bakagera mu bitaro bikomeye kurushaho.

Mu kiganiro n’Imvaho Nshya, Nyirahabimana Charlotte uhagarariye Ibuka muri uyu murenge, yagize ati:“Ni byo ingaruka za Jenoside yadukorewe ziracyari nyinshi cyane, zikomeje kugenda ku mfubyi n’abapfakazi, kuko nk’ubu kuri uyu munsi dufite abantu 8 bafite ihungabana rikomeye cyane navuga ko ryarenze urugero.

JPEG - 347.9 kb
Nyirahabimana Charlotte aratabariza abarokotse 8 bafite ihungabana rikabije (Foto Bahuwiyongera S).

Baravujwe, bitaweho n’abajyanama b’ihungabana batandukanye ku buryo bwose bushoboka ariko byaranze ntabwo bashoboye gukira, kugeza n’iyi saha turacyabafata nk’abarwayi bacu ariko nta bushobozi dufite bwo kubavuza.”

Avuga ko muri aba 8 harimo umugabo umwe n’abagore 7 b’abapfakazi, hafi ya bose bakaba baramaririje, basigaye ari incike zitagira n’akana na kamwe, kandi bamaze gukura, ku buryo iki ari ikibazo gikomereye Ibuka kuko ngo babajyanye mu bitaro bya Bushenge na Kibogora, bitabwaho biranga, bagasaba Akarere kubafasha kugera mu bitaro bikomeye kurusha ibi.

Yagize ati:“Muri abo hari n’abatagishobora kuvuga cyangwa ngo babe baguhereza n’ukuboko, tubahora hafi ariko ubushobozi bukaba buke, FARG yadufashije kubageza kuri ibi bitaro byombi, tukaba twasabye Nyakubahwa Meya wacu ko iki kibazo yakigira icye aba bantu bacu bakavurwa, kuko turacyakeneye inama zabo batugiraga buri munsi ariko ingaruka za Jenoside yaduhekuye zikomeje gushaka kubatuvutsa.”

Iki kibazo umuyobozi w’aka karere Kamari Aimé Fabien yacyumvise vuba ubwo yakigezwagaho mu gihe hashyingurwaga imibiri 11 y’abatutsi bazize Jenoside mu murenge wa Bushekeri, abizeza ko agiye kukigira icye aba bantu bakaba bashobora kujya kuvurizwa no kugirirwa inama mu bitaro bifite ubushobozi buruta ubw’aho bagiye bajyanwa.

Yagize ati:“Hari abantu 8 bavuzwe bafite ihungabana rikomeye, ntabwo ari ngombwa gutegereza uyu munsi kugira ngo mubivuge kuko ku karere iminsi yose imiryango irafunguye, ntibakwiye gukomeza kubabara gutyo duhari, tuzakora ibishoboka byose bavurwe, ndumva nta kibazo.”

 

Comments

Izina Ryanyu
IGITEKEREZO

 
 
Ngoma: Koperative yagaruje toni 80 z’umusaruro wari waguzwe n’abamamyi
Ngoma: Koperative yagaruje toni 80 z’umusaruro wari waguzwe n’abamamyi

Ubuyobozi bwa Koperative Rebakure Munyamurama_KOREMU, igizwe n’abanyamuryango 350 bahinga ibigori n’ibishyimbo mu murenge wa Murama, mu karere ka Ngoma, buratangaza ko mu mwaka wa 2016 gusa, (...)

Aborozi  b’i Nyagatare batewe impungenge n’indwara itazwi ituma inka zabo ziramburura
Aborozi b’i Nyagatare batewe impungenge n’indwara itazwi ituma inka zabo ziramburura

Bamwe mu borozi bo mu Kagali ka Ryeru mu Murenge wa Rwempasha mu karere ka Nyagatare, bahangayikishijwe n’igisa n’icyorezo cyateye mu nka zabo zihaka, zikaramburura zenda kubyara. Aba borozi (...)

Musanze:Basabye ko ubushakashatsi ku miyoborere bugera no mu bigo byigenga
Musanze:Basabye ko ubushakashatsi ku miyoborere bugera no mu bigo byigenga

Ubwo ikigo cy’igihugu gishinzwe imiyoborere, RGB, cyerekanaga igipimo cy’imiyoborere ibereye abaturage n’imitangire ya serivise, bamwe mu bayobozi b’inzego z’ibanze basabye ko ubu bushakashatsi bwajya (...)

Ngoma:Abadepite bashimye uko abaturage babyaza umusaruro ibikorwa by’iterambere begerejwe
Ngoma:Abadepite bashimye uko abaturage babyaza umusaruro ibikorwa by’iterambere begerejwe

Abagize Inteko Ishinga Amategeko umutwe w’abadepite bari mu gikorwa cyo gusura ibikorwa by’iterambere mu karere ka Ngoma, aho bagenzura akamaro byagiriye abaturage, bakanakira ibyifuzo (...)

Rusizi: Inyubako zangijwe n’umutingito zikorerwamo zitarasanwa ziteye impungenge
Rusizi: Inyubako zangijwe n’umutingito zikorerwamo zitarasanwa ziteye impungenge

Ubuyobozi bw’Akarere ka Rusizi bwasabwe gukurikiranira hafi ikibazo cya zimwe mu nyubako zihurirwamo n’abantu benshi zashegeshwe n’umutingitito, nyamara magingo aya zikaba zigikorerwamo kandi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.