Advertisement
 
 
 
 
 
 
 
 

Amakuru | Mu Ntara | Intara

Nyamasheke: Abantu 8 bagaragayeho ingengabitekerezo ya Jenoside   

  Yanditswe na BAHUWIYONGERA SYLVESTRE
 June 2016

 
 

Ubuyobozi bw’Akarere ka Nyamasheke buravuga ko kuva tariki 07 Mata 2016 ubwo hatangizwaga Kwibuka ku nshuro ya 22 Jenoside yakorewe Abatutsi 1994, abantu 8 bamaze gutahurwaho ingengabitekerezo ya Jenoside, bakaba barashyikirijwe ubutabera.

Muri abo bantu, harimo abasore 3 bo mu murenge wa Kirimbi bahamagawe ngo bajye kwifatanya n’abandi kwibuka bakabyanga ahubwo bigira nko muri metero 15 uvuye aho abandi bari batangira kwikinira urusimbi.

Umuyobozi w’akarere ka Nyamasheke, Kamali Fabien avuga ko mu murenge wa Kanjongo na ho hagaragaye abantu 2 babonye abavuye gushyingura imibiri y’abazize Jenoside, bakavuga ngo “barinitse, barinura, bashyira kuri shitingi none bavuye kongera kwinika.” Aba na bo bahise batabwa muri yombi.

Hari n’abandi bagore 2 n’umugabo bo mu murenge wa Kagano bari bagiye kwibuka, umwe mu barokotse Jenoside afatwa n’ihungabana, abo bantu bari mu kabari batangira kumuvugiraho.

Batangiye bavuga ko ngo yirizaga cyane atera imbabazi kugira ngo amafaranga ashyirwa mu gaseke mu gihe cyo kuremera abarokotse Jenoside batishoboye abantu barusheho kuyongera ahabwe menshi. Aba nabo bashyikirijwe inzego z’ubutabera.

JPEG - 204.3 kb
Meya Kamari Aimé Fabien avuga ko hadakwiye kuboneka n’umuntu umwe ugaragarwaho n’ingengabitekerezo ya Jenoside (Foto Bahuwiyongera S

Meya Kamari Aimé Fabien, yavuze ko aba bose bamaze guca imbere y’ubugenzacyaha n’ubushinjacyaha, hakaba hataramenyekana umwanzuro bafatiwe n’ubutabera.

Yagize ati “Birababaje kuba mu myaka 22 hari abakigaragaraho amagambo mabi yuzuyemo ingengabitekerezo ya Jenoside. Gusa iragenda igabanuka ikanagabanya ubukana ugereranije no mu myaka yashize.”

“ Mbere ho uretse amagambo habagaho n’ibindi bikorwa bibi byibasira abarokotse Jenoside yakorewe Abatutsi. Gusa turakomeza guhangana na yo kugeza igihe izarandukira burundu.”

Meya yavuze ko mu ngamba zafashwe harimo gukomeza kwigisha ngo n’ubwo bitoroshye ko abantu bashyizwemo ibitekerezo bibi igihe kirekire bahinduka mu munota umwe, ariko kwigisha no guhana bizakomeza kugeza igihe abatarumva bazumvira ko ibyo bakora cyangwa bavuga bidakwiriye.

 

Comments

 
 
Bamwe mu bacururiza ku mupaka wa Rusizi I bahawe amezi 2 yo kuba bimutse
Bamwe mu bacururiza ku mupaka wa Rusizi I bahawe amezi 2 yo kuba bimutse

Ubuyobozi bw’akarere ka Rusizi burasaba abagize urugaga rw’abikorera muri aka karere n’abacuruzi bakorera ku mupaka wa Rusizi ya mbere, kwicara hamwe bitarenze amezi 2 bakareba bimwe mu bicuruzwa (...)

Rusizi: Ubuyobozi bwahagurukiye abagabo bamarira umutungo w’urugo mu kabari
Rusizi: Ubuyobozi bwahagurukiye abagabo bamarira umutungo w’urugo mu kabari

Amakimbirane yo mu miryango mu karere ka Rusizi akenshi ashingira ku businzi bukabije bw’umwe mu bagize umuryango, aho hari aho usanga umugabo akorera amafaranga yose aho kuyacyura akayamarira mu (...)

Kirehe:Abaturage biyubakiye ivuriro rya miliyoni 83
Kirehe:Abaturage biyubakiye ivuriro rya miliyoni 83

Abaturage bo mu kagari ka Kiyanzi, umurenge wa Nyamugali, mu karere ka Kirehe bagorwaga no gukora ingendo ndende bajya kwivuza, ubu barishimira ko baruhutse, kuko biyujurije ivuriro ‘Poste de (...)

Ngoma: Amapfa yatije umurindi ubujura
Ngoma: Amapfa yatije umurindi ubujura

SSP Janvier Mutaganda, Umuyobozi wa Polisi y’u Rwanda mu karere ka Ngoma, avuga ko ubujura bwiganjemo ubw’umusaruro w’ibikomoka ku buhinzi n’amatungo, bwagaragaye cyane muri aka karere mu mwaka (...)

Musanze:Abahinzi b’ibigori bahangayikishijwe n’indwara yitwa Cyumya
Musanze:Abahinzi b’ibigori bahangayikishijwe n’indwara yitwa Cyumya

Ikigo cy’igihugu gishinzwe ubuhinzi n’ubworozi, RAB, kirakangurira abahinzi b’ibigori gukoresha imbuto y’indobanure no gusimburanya ibihingwa mu murima hagamijwe kurwanya indwara y’ibigori yitwa (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.