Advertisement
 
 
 
 
 
 
 
 

Amakuru | Mu Ntara | Intara

Nyamasheke: Abana barangiza amashuri abanza batazi gusoma no kwandika   

  Yanditswe na BAHUWIYONGERA SYLVESTRE
 June 2016

 
 

Ababyeyi bo mu karere ka Nyamasheke bavuga ko baremerewe n’umutwaro wo kuba abana babo barangiza amashuri abanza batazi gusoma no kwandika.

Ubwo basurwaga n’intumwa za rubanda, aba baturage bazisabye kubabariza Minisitiri w’Uburezi ikitagenda gituma amashuri bareresherezamo adatanga ubumenyi bufatika.

Musabyimana Esther utuye mu mudugudu wa Nyabitare, Akagari ka Kabuga, muri uyu murenge yagize avuga ko ababazwa no kuba abana be bamaze imyaka itanu biga, ariko bakaba bataramenya no kwandika amazina yabo.

Ati “Abana banjye babiri bose biga ku ishuri ribanza rya Rudaga bageze mu wa gatanu batazi gusoma no kwandika, badashobora no gusoma cyangwa ngo bandike amazina yabo, umuto twamusubije mu wa kane ngo turebe ko yabimenya n’ubundi biranga, bigeze aho atubwira ko amahirwe atari mu ishuri arivamo, none ubu abadepite baje ni bwo yemeye ko agiye kurisubiramo”.

JPEG - 327.7 kb
Musabyimana Esther yatanze ubuhamya mu ruhame ko uyu muhungu we yarangije imyaka 8 atazi gusoma no kwandika (Foto Bahuwiyongera S)

Nambaje Augustin utuye mu mudugudu wa Nyarugenge, mu kagari ka Gasovu, we umwana we yiga ku ishuri ribanza rya Kageyo yabwiye abadepite ko umwana we amaze imyaka 10 mu mashuri abanza no nubu ngo ntacyo ariyungura.

Ati “Umwana wanjye yageze mu mwaka wa 6 atazi gusoma no kwandika, musubiza mu mwaka wa 3 n’ubundi agera mu mwaka wa 6 ntacyo aramenya ubwo yizemo imyaka 10 nabwo arangiza ntacyo aramenya kandi ni umukobwa w’inkumi w’imyaka 17.”

Aba babyeyi bavuga ko intandaro ishobora kuba ari ukwiga amasomo atandukanye bakayigishwa n’abarimu benshi, umwana ntagire umwarimu umukurikirana, hakiyongeraho ubucucike mu mashuri.

Bakeka ko na gahunda yo kwimura umwana ntacyo azi ukugira ngo arangize amashuri vuba na yo hari aho ibizambya.

Abadepite na bo bavuze ko iki kibazo cyababereye ihurizo rikomeye bizeza abaturage ko bagiye kugishyikiriza Minisitiri w’uburezi kuko bibabaje cyane.

Umuyobozi ushinzwe uburezi muri aka karere Sinabajije Alphonse yemereye Imvaho Nshya ko iki kibazo gihari rwose kandi gishoboka, avuga ko we abona bishobora kuba biterwa n’ababyeyi batuma abana biga nabi basiba buri kanya bakadindira. Ibyo bigatuma abana barangiza amashuri abanza batazi gusoma no kwandika.

 

Comments

 
 
Rubavu:Kiliziya Gatolika yahagurukiye ikibazo cy’abasore n’inkumi bishyingira
Rubavu:Kiliziya Gatolika yahagurukiye ikibazo cy’abasore n’inkumi bishyingira

Ubuyobozi bwa Paruwasi Gatolika ya Gisenyi mu karere ka Rubavu, buravuga ko bwiteguye gufasha urubyiruko mu buryo bwose bushoboka, ariko rugacika ku muco wo kwishyingira ugenda ufata indi ntera. (...)

Karongi:Arasaba ubufasha bwo kwivuza kanseri yo mu maraso amaranye umwaka
Karongi:Arasaba ubufasha bwo kwivuza kanseri yo mu maraso amaranye umwaka

Nyiranshuti Venantie, umubyeyi w’imyaka 60 utuye mu mudugudu wa Kananira, akagari ka Birambo, umurenge wa Gashali mu karere ka Karongi, arasaba ubufasha bwo kwivuza Kanseri yo mu maraso amaranye (...)

Ubwato Perezida Kagame  yahaye abaturage bo ku Nkombo buratanga umusaruro ushimishije
Ubwato Perezida Kagame yahaye abaturage bo ku Nkombo buratanga umusaruro ushimishije

Abaturage bo mu murenge wa Nkombo mu karere ka Rusizi, barashimira cyane Perezida Paul Kagame wabahaye ubwato bwabakuye mu bwigunge, ubu bakaba banishimira ko umusaruro w’amafaranga arenga (...)

Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo
Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo

Nyuma y’aho mu karere ka Rubavu hagiye havugwa ikibazo gikomeye cy’abana basigwa ku mupaka n’ababyeyi babo, babareresha abandi bana bagenzi babo, mu gihe bo baba bagiye gucururiza Kongo, ubu (...)

Abaturage b’i Musanze barasaba iminara izabahesha ’rezo’ ya telefoni
Abaturage b’i Musanze barasaba iminara izabahesha ’rezo’ ya telefoni

Abaturage batuye mu Murenge wa Muko mu karere ka Musanze barasaba ubuyobozi bubishinzwe kubashakira iminara yabafasha kubona ihuzanzira rya telefoni (Network), ngo kuko bakomeje gusigara inyuma (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.