Advertisement
 
 
 
 
 
 
 
 

Amakuru | Mu Ntara | Intara

Nyamasheke:Abaholandi bahagaritse amafaranga bari bageneye gukora imihanda   

  Yanditswe na BAHUWIYONGERA SYLVESTRE
 27 April

 
 

Inama njyanama y’akarere ka Nyamasheke iherutse guterana yagaragaje ko hari amafaranga agera kuri miliyari na miliyoni 400 yagombaga gutangwa n’Abaholandi mu ngengo y’imari y’akarere agakora imihanda, ariko akaba ataraje kubera ukwifuza kw’abakora inyigo.

Ibi byabaye mu gihe abaturage bo muri aka karere bakomeje gutaka ikibazo cy’imihanda mibi ibaheza mu bwigunge n’ubukene bukabije.

Nk’uko byashimangiwe na Perezida w’inama njyanama y’aka karere, Dr Ndabamenye Télésphore, ngo ariya mafaranga yagombaga gukora imihanda ihuza abaturage hirya no hino, igafasha mu koroshya imigenderanire n’ubuhahirane hagati y’aba baturage.

JPEG - 241.7 kb
Dr Ndabamenye Télésphore (Hagati) avuga ko kudindira kw’iriya mihanda kwatewe n’abakora inyingo bazanyemo kwifuza (Foto Bahuwiyongera S)

Icyakora ngo abakoze inyigo y’isoko ngo batse miliyari na miliyoni 700, aba Baholandi basanga ari ukwifuza no gushaka indonke zikabije, kandi aya mafaranga arenze ayo bari bateganyije bituma bayihorera, abaturage bahomba batyo.

Yagize ati:“Kutabona ariya mafaranga byatewe n’abakoze inyigo yo kubaka iriya mihanda bashatse kwifuza, bituma umuterankunga yanga kurekura ayo yari yatugeneye,kuko bashakaga amafaranga menshi adahuye n’ubushobozi bw’umuterankunga.

Ariko igishimishije ni uko amasezerano dufitanye azageza mu kwa 12, bishoboka ko nihadashyirwamo kwifuza, bagasaba amafaranga abaterankunga bafite tuzayabona mu ngengo y’imari y’umwaka utaha.”

Avuga ko iyo abakora inyigo z’amasoko bazanyemo kwifuza hari ibipfa, kuko ngo hari abaza bashyizemo ibiciro biri hejuru cyane, hari nk’aho basanga bavuga ibizatwara miliyoni 50, wareba ibikoresho bavuga bazakoresha, wareba n’uko bazawukora ugasanga na miliyoni 30 zawukora kandi bikagenda neza.

Icyakora ngo inyigo itaha ikaba igomba kuzayagabanya byanze bikunze kugira ngo asohoke.

Ibi kandi ngo byagize n’ingaruka ku ngengo y’imari yose kuko bagombaga gukoresha miliyari 15 na miliyoni 700, bakaba bamaze kubona miliyari 11 na miliyoni 800 gusa, amwe mu yasigaye akaba yaraheze mu baterankunga batayarekura, harimo n’ariya miliyari na miliyoni 400.

Iyi mihanda ngo yareshyaga n’ibilometero 20, hategerejwe abazaza bazanye ibiciro bihuye n’amafaranga y’umuterankunga ikazabona gukorwa.

Dr Ndabamenye yagize ati:“Amafaranga asohoka ajyanye n’ibigiye gukorwa, ariko iyo badutera inkunga hari ibyo badusaba tubanza gukora, cyane cyane ibijyanye no kureba inyigo y’ibijyanye n’amasoko, abazikora bakagaragaza ko bizatwara amafaranga ari hejuru cyane kandi hari ayo abaterankunga bagennye babona azabikora, uku gushaka indonke zirenze bigatuma batayatanga.”

Abaturage baganiriye n’Imvaho Nshya bo mu mirenge ya Cyato, Rangiro, Kanjongo na Karambi baheze mu bwigunge kubera imihanda mibi, basaba Leta gukumira abashaka indonke mu byagenewe guteza imbere rubanda, rimwe na rimwe ugasanga banabavukije amahirwe nkuko bo byabagendekeye.

 

Comments

Who are you?
Your post
  • To create paragraphs, just leave blank lines.

 
 
Muhanga : Umushoferi afunzwe akurikiranweho guha umupolisi ruswa
Muhanga : Umushoferi afunzwe akurikiranweho guha umupolisi ruswa

Polisi ikorera mu karere ka Muhanga yafashe umushoferi ukurikiranyweho kugerageza guha ruswa y’amafaranga 5000, umupolisi wari mu kazi mu muhanda kubera amakosa yari akoze ku ya 7 Ukuboza 2016. (...)

Huye:Abahabwaga ingoboka barasaba gusubizwa imisanzu batanze ngo bubake igorofa
Huye:Abahabwaga ingoboka barasaba gusubizwa imisanzu batanze ngo bubake igorofa

Abahabwaga inkunga y’ingoboka mu murenge wa Mbazi mu karere ka Huye, barasaba ko amafaranga bagiye bizigamira ngo hazubakwe inzu y’igorofa n’amacumbi yo gukodeshwa bayasubizwa bakayikenuza, kuko ngo (...)

Rubavu: Inzu y’umuryango wa Rubangura yibasiwe n’inkongi y’umuriro
Rubavu: Inzu y’umuryango wa Rubangura yibasiwe n’inkongi y’umuriro

Inzu y’umuryango w’umushoramari nyakwigendera Rubangura iherereye mu kagari k’amahoro, umurenge wa Gisenyi mu karere ka Rubavu yibasiwe n’inkongi y’umuriro yangirikiramo ibintu byinshi mu ijoro (...)

Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Huye:Abakoreye ibyahoze ari amakomine barishyuza Akarere ka Huye asaga miliyoni 11
Huye:Abakoreye ibyahoze ari amakomine barishyuza Akarere ka Huye asaga miliyoni 11

Abahoze ari abakozi b’ibyahoze ari amakomine yahurijwe mu karere ka Huye, barishyuza aka karere amafaranga asaga miliyoni cumi n’imwe bakoreye mbere yo guhagarikwa ku mirimo bakoraga. Hashize (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.