Advertisement
 
 
 
 
 
 
 
 

Amakuru | Mu Ntara | Intara

Nyamasheke: 5 barimo abayobozi 3 bafungiwe uburiganya muri Girinka   

  Yanditswe na BAHUWIYONGERA SYLVESTRE
 4 months ago

 
 

Ubuyobozi bw’akarere ka Nyamasheke buratangaza ko bwahagurukiye gutahura uburiganya bwose buri muri gahunda ya Girinka muri aka karere, bakaba bamaze guta muri yombi abantu batanu.

Umuyobozi w’akarere ka Nyamasheke wungirije ushinzwe imibereho myiza y’abaturage, Mukamana Claudette, yabwiye Imvaho Nshya ko ubu buriganya ari bwinshi ndetse bamwe mu bayobozi n’abaturage bakaba baratangiye kubiryozwa, aho bamwe batawe muri yombi abandi bagacika.

Avuga ko abayobozi 3 n’abaturage 2 bo mu kagari kamwe ka Kigarama mu murenge wa Kanjongo muri aka karere bagiye kumara ukwezi mu maboko y’ubutabera, aho uwari umuyobozi w’aka kagari, ushinzwe iterambere ry’ubukungu n’imibereho myiza, Mudugudu n’abaturage 2 bashyikirijwe ubutabera.

JPEG - 486.7 kb
Aba baturage basabwe kujya bagaragaza kare umuyobozi ukekwaho uburiganya (Foto Bahuwiyongera S)

Aba bayobozi ngo bagiye babeshya ko boroje abaturage nyamara wababaza inka baboroje bakazibura, hakaba na bariya baturage 2 bo mu mudugudu wa Kirehe muri kariya kagari, babifashijwemo n’abayobozi bakoze impapuro mpimbano berekana ko bamaze kwitura kandi batarigeze bitura.

Mu bayobozi bacitse harimo uwari Gitifu w’akagari ka Murambi mu murenge wa Rangiro umaze amezi agera kuri 3 acitse na Gitifu w’akagari ka Mutongo muri Cyato wari waracitse mbere, mu byo basanze barabazwaga hakaba n’iyi gahunda ya Girinka, aho bavugaga ko bazitanze nyamara abaturage bakavuga ko nta zigeze zibageraho.

Yagize ati:“Twagiye tunabona aho abayobozi bakaga amafaranga 50.000 abaturage ngo ni ay’ikiziriko, ugasanga yariwe na benshi bayagabagabana ngo bahe umuturage inka.

Hakaba n’abaturage bahabwa inka bakazigurisha bakagura ibimasa akaba ari byo borora n’andi makosa menshi arimo, ariko yose twahagurukiye kuyarwanya, intego y’iriya gahunda ikagerwaho uko yatekerejwe n’Umukuru w’igihugu ngo ikure abaturage mu bukene no mu mirire mibi.”

Avuga ko mbere icyatumaga bamwe mu bayobozi n’abaturage bagira uburiganya muri iyi gahunda ari uko hari n’aho amabwiriza atabaga asobanutse neza, ariko ubu ngo arasobanutse ku buryo uwahawe inka mu buriganya wese agomba kuyamburwa.

Yagize ati:“Hari n’aho twagiye dusanga umuyobozi yaranditse ko ahaye umuturage inka, akavuga ko yamuhaye inka nziza izahita imugirira akamaro ako kanya, nyamara wareba ugasanga yamuhaye agatavu kazakura mu myaka 2, ukibaza impamvu yakoze ibyo bikakuyobera.

Ariko ubu hamwe n’amabwiriza mashyashya, urutonde ruzajya rukorerwa mu ruhame rw’abaturage, kandi umuyobozi uzongera kwivanga muri iyi gahunda agamije kuyiyobya azajya ahita abihanirwa.”

Ubwo yaganiraga n’abaturage b’akagari ka Gisoke mu murenge wa Mahembe, uyu muyobozi yababwiye ko bagomba kujya bakurikirana hakiri kare umuyobozi bakekaho kuyivangamo, bakamutangira amakuru ku gihe agahita abiryozwa.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Rusizi: Bamwe mu bakirisito binubira kubatirizwa mu mazi mabi
Rusizi: Bamwe mu bakirisito binubira kubatirizwa mu mazi mabi

Bamwe mu bayoboke b’amatorero ya gikirisitu akorera mu karere ka Rusizi mu binubira kubatirizwa mu mazi mabi y’ibishanga. Abaganiriye n’Imvaho Nshya bagaragaza ko iyo hateguwe umubatizo, bisaba ko (...)

Karongi:Abaturage 31 bajyanwe mu bitaro bazira ikigage banyoye mu bukwe
Karongi:Abaturage 31 bajyanwe mu bitaro bazira ikigage banyoye mu bukwe

Abaturage 31 bo mu mudugudu wa Nyagahinga, Akagari ka Ruhinga mu murenge wa Gitesi ho mu karere ka Karongi, bamaze iminsi mu bitaro, nyuma yo kunywa ikigage bikekwa ko gihumanye mu bukwe. Aba (...)

Uburengerazuba: Guverineri Munyantwari yasabwe kwihutisha iterambere
Uburengerazuba: Guverineri Munyantwari yasabwe kwihutisha iterambere

Abanyamuryango ba FPR Inkotanyi mu ntara y’Uburengerazuba, batoye Guverineri Munyantwari Alphonse nk’umuyobozi mushya w’uyu muryango muri iyi Ntara, bamusaba kwihutisha iterambere. Guverineri (...)

Kirehe:Imodoka bahawe na Perezida Kagame yabunguye miliyoni 6 mu mwaka umwe
Kirehe:Imodoka bahawe na Perezida Kagame yabunguye miliyoni 6 mu mwaka umwe

Abagize Koperative y’Abahinzi ba kawa mu murenge wa Musaza (COCAMU), mu karere ka Kirehe barishimira ko imodoka ya Fuso bahawe na Perezida wa Repubulika Paul Kagame, yatangiye kubaha inyungu (...)

Karongi:  Umuhanda wangiritse ubangamira ubuhahirane hagati y’imirenge
Karongi: Umuhanda wangiritse ubangamira ubuhahirane hagati y’imirenge

Abaturage bo mu murenge wa Rwankuba mu karere ka Karongi barasaba ubuyobozi ko bwabafasha kubona umuhanda Bwishyura –Rwankuba-Twumba kuko wangiritse bikaba bituma bagorwa n’ubuhahirane. Uyu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.