Advertisement
 
 
 
 
 
 
 
 

Amakuru | Mu Ntara | Intara

Nyamasheke: 1/3 cy’abaturage b’umurenge bari mu cyiciro cya mbere cy’ubudehe   

  Yanditswe na BAHUWIYONGERA SYLVESTRE
 July 2016

 
 

Ubuyobozi bw’umurenge wa Gihombo mu karere ka Nyamasheke buvuga ko mu baturage 24361 bawutuye, abagera ku 8500 bose bari mu cyiciro cya mbere cy’ubudehe, umubare n’ubuyobozi bwemeza ko uri hejuru cyane.

Mu kiganiro n’Imvaho Nshya, Gitifu w’uyu murenge Ndagijimana Jean Damascène, yemeje ko abaturage bakennye cyane bakiri benshi mu murenge ayobora, akurikije imibare ya vuba.

Yagize ati:“Ni byo koko abaturage bacu barakennye cyane kuko abarenga 1/3 bose bari mu cyiciro cya mbere cy’ubudehe, kuko bagera ku 8500 mu gihe abaturage bose hamwe dufite ari 24361.

JPEG - 185 kb
Abaturage bo muri Gihombo bemeza ko nta mishinga ibateza imbere babona (Foto Bahuwiyongera S)

Muri aba bose abaturage 7 gusa akaba ari bo bari mu cyiciro cya 4, urumva ko batageze no ku 10 bari mu cyiciro cya 4 mu murenge wose.”

Avuga ko iki kibazo giterwa n’uko nta mishinga igaragara y’iterambere iri muri uyu murenge, aho abaturage hafi ya bose bacyiziritse ku isuka kandi n’ubuhinzi bakora ukaba utavuga ko bwabateza imbere, kuko bahinga udusambu duto kandi dusharira, n’ugize icyo abona akawuhunga akigira ahandi.

Icyakora ngo hakaba hari icyizere ko hari ikizahinduka kuko bamaze kubona ishuri ry’imyuga abazayirangiza bakaba bashobora kubona akazi, hakaba n’icyambu cya Kibati gishobora kubahuza n’abanyekongo baza kugura ibintu bitandukanye ifaranga rikiyongera, bikabateza imbere.

Uyu murenge kandi umaze imyaka myinshi uza ku mwanya wa nyuma muri mituweli, ngo ibi byose biterwa n’ubu bukene, ariko mituweli yo ngo bigaterwa n’itekinika ryagiye riba imibare y’abari mu cyiciro cya mbere cy’ubudehe ikabeshywa ko ari mike, bigatuma abasigaye batagira ayo babona kandi nta n’icyakozwe ngo bayabone.

Ibi byose bikaba byarateye idindira, na bamwe kurwara ntibivuze bazize itekinika ry’abayobozi ngo babaga bagamije inyungu zabo bwite.

Kanyabungo Eliezer, utuye mu kagari ka Gitwa yagize ati’’Dufite ubukene bukabije si ukubeshya rwose kuko nkanjye mfite abana 4 mu rugo ntashobora kubonera mituweli, kuko mpinga agasambu k’akarondorondo, nta kindi mfite ndebaho kandi si jye jyenyine, nkaba mbona dukwiye kwitabwaho by’umwihariko na ho ubundi ubukene bukabije bwo tuzabuhoramo.”

Uyu murenge kandi ngo urimo n’ikibazo cy’abarokotse Jenoside yakorewe abatutsi benshi basigaye iheruheru, barimo benshi batishoboye, amasambu menshi y’abazize Jenoside atabyazwa umusaruro kubera ko bene yo bashize, n’ahakiri umwe cyangwa 2 ntibagire ubushobozi bwo kuyahinga, n’ibindi byinshi bituma batekereza ko hakwiye icyakorwa cyihariye ngo bakurwe muri ubu bukene bukabije bahoramo.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Ngoma: Koperative yagaruje toni 80 z’umusaruro wari waguzwe n’abamamyi
Ngoma: Koperative yagaruje toni 80 z’umusaruro wari waguzwe n’abamamyi

Ubuyobozi bwa Koperative Rebakure Munyamurama_KOREMU, igizwe n’abanyamuryango 350 bahinga ibigori n’ibishyimbo mu murenge wa Murama, mu karere ka Ngoma, buratangaza ko mu mwaka wa 2016 gusa, (...)

Aborozi  b’i Nyagatare batewe impungenge n’indwara itazwi ituma inka zabo ziramburura
Aborozi b’i Nyagatare batewe impungenge n’indwara itazwi ituma inka zabo ziramburura

Bamwe mu borozi bo mu Kagali ka Ryeru mu Murenge wa Rwempasha mu karere ka Nyagatare, bahangayikishijwe n’igisa n’icyorezo cyateye mu nka zabo zihaka, zikaramburura zenda kubyara. Aba borozi (...)

Musanze:Basabye ko ubushakashatsi ku miyoborere bugera no mu bigo byigenga
Musanze:Basabye ko ubushakashatsi ku miyoborere bugera no mu bigo byigenga

Ubwo ikigo cy’igihugu gishinzwe imiyoborere, RGB, cyerekanaga igipimo cy’imiyoborere ibereye abaturage n’imitangire ya serivise, bamwe mu bayobozi b’inzego z’ibanze basabye ko ubu bushakashatsi bwajya (...)

Ngoma:Abadepite bashimye uko abaturage babyaza umusaruro ibikorwa by’iterambere begerejwe
Ngoma:Abadepite bashimye uko abaturage babyaza umusaruro ibikorwa by’iterambere begerejwe

Abagize Inteko Ishinga Amategeko umutwe w’abadepite bari mu gikorwa cyo gusura ibikorwa by’iterambere mu karere ka Ngoma, aho bagenzura akamaro byagiriye abaturage, bakanakira ibyifuzo (...)

Rusizi: Inyubako zangijwe n’umutingito zikorerwamo zitarasanwa ziteye impungenge
Rusizi: Inyubako zangijwe n’umutingito zikorerwamo zitarasanwa ziteye impungenge

Ubuyobozi bw’Akarere ka Rusizi bwasabwe gukurikiranira hafi ikibazo cya zimwe mu nyubako zihurirwamo n’abantu benshi zashegeshwe n’umutingitito, nyamara magingo aya zikaba zigikorerwamo kandi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.