Advertisement
 
 
 
 
 
 
 
 

Amakuru | Mu Ntara | Intara

Nyagatare:Abaturage banenze abayobozi babo imbere ya Guverineri   

  Yanditswe na HAKIZIMANA YUSSUF
 3 months ago

 
 

Guverineri w’intara y’Uburasirazuba yihanangirije abayobozi b’inzego z’ibanze mu murenge wa Rwimiyaga mu karere ka Nyagatare, badakemura ibibazo by’abaturage, ntibite ku kababaro kabo, abasaba kwikosora mu maguru mashya cyangwa bagafatirwa ibihano.

Ubwo hatangizwaga ukwezi kw’imiyoborere myiza mu ntara y’Uburasirazuba, uyu muhango ukaba warabereye mu murenge wa Rwimiyaga mu kagari ka Rwimiyaga, Guverineri Uwamariya yatangajwe no kwakirizwa ibibazo by’akarengane, cyane cyane muri gahunda yo gutanga ibiribwa ku baturage bazahajwe n’izuba.

Mukarubuga Consessa, umukecuru uri mu kigero cy’imyaka 70 yemeza ko abayobozi banze kumuha ibiribwa, kandi yujuje ibisabwa byose ngo abihabwe yagize ati “Kuva batanga ibiryo mbifashe rimwe gusa, nohereje umwana ngo aze babimuhe barabimwima kugeza uyu munsi ntabwo ndongera gufata iyo myaka Leta yatugeneye.”

JPEG - 126 kb
Guverineri Uwamariya Odette yihanangirije abayobozi badakemura ibibazo by’abaturage

Nyirarukundo Rachel, undi muturage wo muri uyu murenge, yemeza ko we yatanze ruswa kugira ngo abone ibiryo, kandi ubusanzwe yakagombye kubihabwa nta kiguzi kuko bitangwa na Leta.

Yagize ati “Njye maze igihe baranze ko mfata ibyangombwa ubu nta ndangamuntu ngira, ibi bituma batanshyira ku rutonde rw’abantu bagomba guhabwa imyaka.

Nyuma naje kwegera umuyobozi w’umudugudu muha ibihumbi 2 banshyira ku mugereka nabwo naje gufata ibiribwa nza nakererewe nsanga ngo bigiye gushira.”

Ikibabaza aba baturage kandi ngo ni uko bimwa ibiribwa byagenewe abatishoboye, nyamara abishoboye bafite ubushobozi bwo gutanga ruswa bakabihabwa.

Gitifu w’akagari ka Rwimiyaga avuga ko ari byo koko hari abantu bafata ibiribwa batari mu cyiciro cy’abantu batishoboye, ariko ngo nabo babikoze kubera ko hari amabwiriza bahawe ko buri muturage wese bagomba kumuha ibiribwa.

Guverineri Uwamariya yasabye ko aya malisiti y’abahabwa ibiribwa asubirwamo ndetse hakagenwa umunsi uzwi abaturage bazajya bafatiraho ibiribwa nk’uko mu tundi turere babigenza.

Yagize ati “Ubu murumva atari ikimwaro kuri mwebwe, murebe ukuntu abaturage babashinja gukora nabi, ni iki mwabuze ngo mukorere abaturage neza?” ibi bibe ubwa mbere n’ubwa nyuma abaturage bongera kubagayira mu ruhame.

Kandi abayobozi bizagaragara ko bagize uruhare muri aya makosa abaturage bavuze bamenye ko tuzabafatira ibyemezo.”

Akarengane abaturage bakorerwa n’abayobozi ntikagaragajwe mu bijyanye no gutanga ibiryo by’ingoboka ku bazahajwe n’amapfa gusa, kuko abaturage banagaragaje ko muri rusange abayobozi b’imidugudu n’utugari batabaha serivisi nziza, kandi ibi byose ngo bakabikora kugira ngo ukeneye serivisi abahe ruswa.

.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Rusizi: Inyubako zangijwe n’umutingito zikorerwamo zitarasanwa ziteye impungenge
Rusizi: Inyubako zangijwe n’umutingito zikorerwamo zitarasanwa ziteye impungenge

Ubuyobozi bw’Akarere ka Rusizi bwasabwe gukurikiranira hafi ikibazo cya zimwe mu nyubako zihurirwamo n’abantu benshi zashegeshwe n’umutingitito, nyamara magingo aya zikaba zigikorerwamo kandi (...)

Rusizi: Ubuyobozi bwahumurije abaturage bafite abana biga mu mashuri ashaje
Rusizi: Ubuyobozi bwahumurije abaturage bafite abana biga mu mashuri ashaje

Ababyeyi barerera muri GS Ntura Protestant, ishuri riri mu murenge wa Giheke mu karere ka Rusizi, bafite impungenge z’uko abana babo bagiye gutangira amashuri, ibyumba by’amashuri bigiramo bishaje (...)

Kayonza:Bakusanyije miliyoni 6 ngo begerezwe amazi barayategereza baraheba
Kayonza:Bakusanyije miliyoni 6 ngo begerezwe amazi barayategereza baraheba

Abaturage bo muri Nyamugari mu murenge wa Ndego mu karere ka Kayonza bavuga ko bakusanyije amafaranga arenga miliyoni 6 ngo babone amazi meza, ariko ngo barayategereza baraheba. Igitekerezo cyo (...)

Rwamagana: Barasabwa gukumira ingengabitekerezo ya Jenoside bahereye mu bana
Rwamagana: Barasabwa gukumira ingengabitekerezo ya Jenoside bahereye mu bana

Umuyobozi w’akarere ka Rwamagana Mbonyumuvunyi Radjab, arasaba abaturage batuye muri aka karere kwirinda gukongeza ingengabitekerezo ya Jenoside mu bana bato, ahubwo bakayikumira kugira ngo (...)

Abaturage b’i Rubavu bishimiye ukwegura kwa bamwe mu bayobozi b’inzego z’ibanze
Abaturage b’i Rubavu bishimiye ukwegura kwa bamwe mu bayobozi b’inzego z’ibanze

Nyuma y’uko mu minsi ishize abayobozi b’utugari n’abakozi babungirije, n’abanyamabanga nshingwabikorwa b’imirenge mu turere tugize intara y’Uburengerazuba bagiye basezera ku mirimo yabo, bamwe mu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.