Advertisement
 
 
 
 
 
 
 
 

Amakuru | Mu Ntara | Intara

Nyabihu:N’ubwo yacitse ukuguru, abumba amatafari agatunga abagore 2 n’abana 9   

  Yanditswe na NGABOYABAHIZI PROTAIS
 5 months ago

 
 

Ntawuruhunga Noel, umugabo w’imyaka 56, wo mu murenge wa Mukamira, akagari ka Rugeshi, yagize ikibazo cyo gutakaza urugingo kuva mu myaka 30 ishize, abanza kubaho asabiriza abahisi n’abagenzi, ariko ubu yafashe icyemezo cyo kwihangira umurimo.

Nyuma yo kubona ko benshi bagendaga bamwinubira ndetse bakanamutoteza, yahisemo kwihangira umurimo yishora mu birombe abumba amatafari.

Avuga ko uyu mwuga akora umutunze we n’umuryango we ugizwe n’abagore babiri n’abana be 9, kuko ntaw’ugira icyo akenera ngo akibure.Arasaba bagenzi be bafite ubumuga kutirara no kwiheba.

Mu kiganiro kirambuye yagiranye n’Imvaho Nshya, Ntawuruhunga yagize ati:“Nkimara gucika akaguru, narihebye numva ko birangiye cyane ko nari mfite abagore babiri, nagize impungenge ko na bo bashobora kwigendera nkasigara njyenyine, kandi numvaga rwose ubuzima bwanjye bushingiye kuri bo.

Nanjye nagannye imihanda itandukanye mu masoko aho abantu bakundaga gusohokera yemwe no mu nsengero, uwampaga yongeragaho n’incyuro ambwira ko nsabiriza mu gihe nihaye gushaka abagore babiri, ibi ni ibintu byambabaje cyane, ariko byansabye gutekereza”.

JPEG - 346.6 kb
Kuba afite akaguru kamwe ngo ntibimubuza gukata urwondo(Foto Ngaboyabahizi P)

Akomeza avuga ko yatekereje umwuga wamutunga ngo ni bwo yatangiye ari umuhereza aho bubakaga amazu, bamwe ngo bamuhaga ayo biboneye akemera akayakira, nyuma yatekereje ko yabumba amatafari maze ajya mu kirombe cya Mukamira, aho ngo yatangiranye igishoro cy’amafaranga 3000, kuri ubu ngo akaba yinjiza buri kwezi agera ku bihumbi 200.

Yagize ati:“Mu by’ukuri nkubwiye ibyanjye wakumva ari inzozi, kuko natangije amafaranga ibihumbi 3, kuko naguze iforomo ndetse nkodesha akantu gato muri iki kirombe cy’ibihumbi 2.

Natangiye mbumba njyenyine, kugeza ubu mfite abakozi 4, kandi mbahemba neza, birantunze n’umuryango wanjye, aba bakozi nyuma yo kubahemba kuko buri wese ahembwa ibihumbi 30, nsagura nibura ibihumbi 200. Ndasaba abafite ubumuga kwikuramo kumva ko bazabaho ari uko basabirije bateze amaboko abandi, aho kwigira”.

Bamwe mu babumbira mu kirombe cya Mukamira bavuga Ntawuruhunga yababereye intangarugero, cyane ko n’ubwo ubuyobozi bumuha mituweli, we ngo abasha gushyiraho ake akarihira abana be ndetse akaba ngo yariyubakiye amazu 2, imiryango ye ibamo n’ikibanza k’umuhanda Nyabihu-Rubavu.

Gusa uyu mugabo nanone ngo aracyafite ikibazo cy’insimburangingo yemeza ko kiramutse gikemutse yarushaho gukora nta mbogamizi afite.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Kayonza:Bakusanyije miliyoni 6 ngo begerezwe amazi barayategereza baraheba
Kayonza:Bakusanyije miliyoni 6 ngo begerezwe amazi barayategereza baraheba

Abaturage bo muri Nyamugari mu murenge wa Ndego mu karere ka Kayonza bavuga ko bakusanyije amafaranga arenga miliyoni 6 ngo babone amazi meza, ariko ngo barayategereza baraheba. Igitekerezo cyo (...)

Rwamagana: Barasabwa gukumira ingengabitekerezo ya Jenoside bahereye mu bana
Rwamagana: Barasabwa gukumira ingengabitekerezo ya Jenoside bahereye mu bana

Umuyobozi w’akarere ka Rwamagana Mbonyumuvunyi Radjab, arasaba abaturage batuye muri aka karere kwirinda gukongeza ingengabitekerezo ya Jenoside mu bana bato, ahubwo bakayikumira kugira ngo (...)

Abaturage b’i Rubavu bishimiye ukwegura kwa bamwe mu bayobozi b’inzego z’ibanze
Abaturage b’i Rubavu bishimiye ukwegura kwa bamwe mu bayobozi b’inzego z’ibanze

Nyuma y’uko mu minsi ishize abayobozi b’utugari n’abakozi babungirije, n’abanyamabanga nshingwabikorwa b’imirenge mu turere tugize intara y’Uburengerazuba bagiye basezera ku mirimo yabo, bamwe mu (...)

Nyamasheke:Meya Kamari aramagana abadukanye ubugome bwo gutema inka
Nyamasheke:Meya Kamari aramagana abadukanye ubugome bwo gutema inka

Ubuyobozi bw’akarere ka Nyamasheke buravuga ko buhangayikishijwe n’abantu badukanye ingeso mbi yo gutema inka z’abaturage. Ni nyuma y’aho mu murenge wa Bushenge, mu karere ka Nyamasheke, umuturage (...)

Rubavu : Abubatse umudugudu w’icyitegererezo bamaze amezi ane bishyuza
Rubavu : Abubatse umudugudu w’icyitegererezo bamaze amezi ane bishyuza

Bamwe mu baturage bubatse inzu z’icyitegererezo mu kagari ka Muhira mu murenge wa Rugerero mu karere ka Rubavu, baravuga ko bamaze amezi ane bategereje kwishyurwa amafaranga agera kuri miliyoni 3 (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.