Advertisement
 
 
 
 
 
 
 
 

Amakuru | Mu Ntara | Intara

Nyabihu: Imvura idasanzwe yishe batatu yangiza inzu n’imyaka   

  Yanditswe na NGABOYABAHIZI PROTAIS
 April 2016

 
 

Imvura nyinshi cyane yaguye mu ijoro ryo kuwa 20 Mata 2016 yahitanye abantu batatu, isenya inzu zisaga 40 ndetse inangiza imyaka y’abaturage yari mu mirima, mu kagari ka Bukinanyana, mu murenge wa Jenda mu karere ka Nyabihu.

Abahitanwe n’iyi mvura ni uwitwa Nyirabwiza Chantal w’imyaka 20 wapfanye n’umwana we mu kagari ka Bukinanyana, ndetse n’uwitwa Niringiyamana Joseph w’imyaka 15, wari utuye mu mudugudu wa Kamatenge, akagari ka Kareba mu murenge wa Kabatwa.

JPEG - 26.7 kb
Urusengero rwarengewe n’umwuzure

Umunyamabanga Nshingwabikorwa w’akagari ka Bukinanyana Gakinakariwabo Gerard, yabwiye Imvaho Nshya ko mu kagari ayoboye konyine hapfuye abantu babiri, ndetse amazu 30 na hegitari 12 z’imyaka nabyo bikangirika cyane.

Uyu muyobozi yaboneyeho gusaba abaturage batuye aho bigaragara ko habateza ibibazo kuhimuka vuba na bwangu, kuko imvura iri kugwa muri iyi minsi bigaragara ko itoroshye.

JPEG - 40.7 kb
Iyi nzu yaguyemo umugore n’umwana

Umunyamakuru w’Imvaho Nshya wageze mu kagari ka Bukinanyana, avuga ko ibyangijwe n’iyi mvura bishobora kwiyongera cyane, kuko ubwo iyi nkuru yandikwaga hari hagikusanywa amakuru.

Kuva mu ntangiriro z’ukwezi kwa Mata, mu karere ka Nyabihu hakunze kugwa imvura mbi, igateza imyuzure yahiranye abantu, amatungo, inzu ndetse ikangiza imyaka y’abaturage.

Imibare igaragazwa n’ubuyobozi bw’akarere ka Nyabihu, igaragaza ko muri rusange abantu batandatu bamaze guhitanwa n’ibiza bishingiye ku mvura yaguye muri Mata 2016, bakaba banabarurwa inzu zisaga 100 zangijwe mu buryo butandukanye.

JPEG - 47.2 kb
Abaturage bitegura gushyingura abapfuye
 

Comments

Izina Ryanyu
IGITEKEREZO

 
 
Ngoma:Imiryango itishoboye hafi 7000 imaze korozwa muri gahunda ya Girinka
Ngoma:Imiryango itishoboye hafi 7000 imaze korozwa muri gahunda ya Girinka

Ubuyobozi bw’akarere ka Ngoma butangaza ko kuva gahunda ya Girinka munyarwanda yatangira mu mwaka wa 2006, kugeza ubu inka zimaze korozwa imiryango itishoboye muri aka karere zimaze kurenga 6928. (...)

Ruhango: Abakora muri VUP bamaze amezi 4 badahembwa
Ruhango: Abakora muri VUP bamaze amezi 4 badahembwa

Abaturage bakora mirimo yo gutunganya imihanda no gucukura imirwanyasuri muri gahunda ya VUP mu murenge wa Kinihira ho mu karere ka Ruhango, baravuga ko bamaze igihe kigera ku mezi ane (...)

Umugabo w’i Nyamasheke afungiwe kurya umugore we umunwa akawumira
Umugabo w’i Nyamasheke afungiwe kurya umugore we umunwa akawumira

Ntambabazi Emmanuel w’imyaka 57, wo mu kagari ka Kagarama, umurenge wa Karambi, mu karere ka Nyamasheke, akurikiranweho guhohotera umugore we Nyiranzabahimana Espérance w’imyaka 30, akamurya (...)

Nyamasheke:  Ikamyo y’Abashinwa yagonze veterineri w’umurenge arapfa
Nyamasheke: Ikamyo y’Abashinwa yagonze veterineri w’umurenge arapfa

Imodoka y’Abashinwa bakora umuhanda wa Nyamasheke-Karongi yari itwawe n’umushoferi witwa Nizeyimana Fabien w’imyaka 45 yagonze moto yari itwaye Veterineri w’ umurenge wa Karambi, Tuyizere Pontien, (...)

Gakenke: Babujijwe amahwemo n’insoresore zitwa ‘Abasongarere’
Gakenke: Babujijwe amahwemo n’insoresore zitwa ‘Abasongarere’

Abaturage bo mu kagari ka Rutenderi, umurenge wa Mugunga, akarere ka Gakenke, baratangaza ko babangamiwe n’insoresore zizwi ku izina ry’Abasongarere zibabuza amahwemo zibibira imyaka n’amatungo. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.