Advertisement
 
 
 
 
 
 
 
 

Amakuru | Mu Ntara | Intara

Nyabihu:Ikiraro cyacitse kimaze umwaka cyarahagaritse ubuhahirane   

  Yanditswe na NGABOYABAHIZI PROTAIS
 October 2016

 
 

Abaturage bo mu murenge wa Muringa mu karere ka Nyabihu n’abahagenda, kuri ubu baratangaza ko baheze mu bwigunge kubera ikiraro cya Kayanza, ahazwi nko kwa Jije mu kagari ka Mwiyanike cyasenyutse, ubu kikaba cyarahagaritse ubuhahirane.

Iki kiraro ngo cyasenyutse gitwawe n’amazi ku buryo mu bihe by’imvura batabona aho banyura bava cyangwa bajya mu mirimo yabo, ndetse n’abagana ku ivuriro rya Muringa riri hakurya y’icyo kiraro, bakaba basaba ubuyobozi kubafasha kububakira iki kiraro.

Ubuyobozi bw’akarere ka Nyabihu, bwo burizeza aba baturage ko iki kiraro kizubakwa mu minsi mike, kuko nabwo buzi akamaro cyari gifitiye abaturage bagikoreshaga.

JPEG - 289.1 kb
Mu gihe cy’imvura imihanda yo muri Muringa yuzura amazi(Foto Ngaboyabahizi P)

Dukundane Dismas, umuturage wo muri Muringa, avuga ko bamaze umwaka wose basa n’abari mu bwigunge batewe n’iki kiraro cyacitse, bakaba bifuza ko cyasanwa.

Yagize ati “Iki kiraro kimaze igihe cy’umwaka wose gitwawe n’amazi.Gusenyuka kwacyo byatugizeho ingaruka kuko mu gihe cy’imvura ntitubona uko dusura abavandimwe bacu, ntidushobora kubona uburyo tugera kwa muganga hano hakurya ku bitaro bikuru bya Kabaya.

Ndetse n’abarwayi kuri ubu hari ubwo bamwe bapfira mu ngo kubera ko tubura uburyo twakwambukana umurwayi mu ngobyi”.

Uyu muturage akomeza avuga ko ngo n’imbangukiragutabara ibura aho inyura iyo ije gutwara umubyeyi cyangwa se umurwayi wundi, yemwe ngo rimwe na rimwe n’abanyeshuri bajya kwiga mu rwunge rw’amashuri rwa Mutagatifu Agnès basiba ishuri, abahatirije bagatwarwa n’amazi k’uburyo ngo iki kiraro kimaze gutwara abanyeshuri bagera kuri 2.

Mugwiza Antoine, umuyobozi w’akarere ka Nyabihu wungirije ushinzwe ubukungu n’iterambere, yavuze ko hafashwe ingamba zikaze zo kubonera umuti urambye iki kiraro ngo kuko mu minsi iri imbere kizaba cyubatswe.

Akomeza asaba abaturage kujya bafata neza ibikorwa remezo baba begerejwe, kandi bagaharanira kubirinda uwabihungabanya kuko bifite uruhare rukomeye mu iterambere ryabo.

Uretse kuba aba baturage bavuga ko nta kiraro bafite cyubatse, n’imihanda myinshi yinjira muri uyu murenge ngo ntimeze neza, ibi bikaba imwe mu mpamvu zikomeye zituma iterambere ryabo rikomeza gusigara inyuma, ugereranyije n’umuvuduko w’iterambere abandi bariho.

 

Comments

 
 
Rusizi:Ikibazo cy’imbwa zizerera zikarya abaturage cyahagurukiwe
Rusizi:Ikibazo cy’imbwa zizerera zikarya abaturage cyahagurukiwe

Ikibazo cy’imbwa zizerera zirya abantu mu karere ka Rusizi ngo ntigihangayikishije abaturage gusa, ahubwo gihangayikishije n’ubuyobozi, bukaba busaba abaturage kuba bihanganye igihe cy’imvura (...)

Karongi:Depite Musabyimana yasabye abaturage gukomera kuri ‘Ndi Umunyarwanda
Karongi:Depite Musabyimana yasabye abaturage gukomera kuri ‘Ndi Umunyarwanda

Depite Samuel Musabyimana, yasabye abaturage bo mu karere ka Karongi gukomeza gushyigikira gahunda y’ubumwe n’ubwiyunge, kuko ari byo bizatuma igihugu gikomeza kwihuta mu iterambere, kikaba (...)

Rubavu:Abifuza kuva mu manegeka batuyemo bemerewe amabati
Rubavu:Abifuza kuva mu manegeka batuyemo bemerewe amabati

Ubuyobozi bw’akarere ka Rubavu bwemereye amabati abaturage batishoboye bagera ku 120, bashaka kuva mu manegeka, mu rwego rwo kubafasha gutura mu mudugudu. Ubuyobozi bw’aka karere buvuga ko (...)

Musanze: Umukobwa w’imyaka 20 yihangiye umurimo umwinjiriza 250,000 ku kwezi
Musanze: Umukobwa w’imyaka 20 yihangiye umurimo umwinjiriza 250,000 ku kwezi

Umuhire Catherine, ni umukobwa w’imyaka 20 utuye mu murenge wa Muhoza, mu karere ka Musanze, uvuga ko mu gihe cy’imyaka 2 amaze akora umwuga wo gucura ibyuma bikoreshwa muri feri z’imodoka, ubu (...)

Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.