Advertisement
 
 
 
 
 
 
 
 

Amakuru | Mu Ntara | Intara

Nyabihu:Ikibazo cy’abanyeshuri babwirirwa giteye inkeke   

  Yanditswe na NGABOYABAHIZI PROTAIS
 May 2016

 
 

Bamwe mu banyeshuri biga mu rwunge rw’amashuri rwa Jenda mu karere ka Nyabihu batatanze amafaranga yo kurya ku ishuri saa sita, bakaba batanemererwa n’ikigo kujya kurya iwabo muri aya masaha, baravuga ko kutabona ifunguro rya saa sita bibangamiye bikomeye imyigire yabo.

Ni mu gihe ubuyobozi bw’iri shuri buvuga ko iyo buretse aba banyeshuri ngo batahe saa sita batagaruka kwiga, naho ubuyobozi bw’umurenge wa Jenda iri shuri ryubatsemo bwo bugasaba ko aba bana baba basaranganya n’abandi ibiryo bike bihari, mu gihe hategerejwe umwanzuro urambye kuri iki kibazo.

Umwe mu banyeshuri batatanze amafaranga yo kurya ku ishuri saa sita mu rwunge rw’amashuri rwa Jenda, yabwiye Imvaho Nshya ko iki kibazo cyo kubura amafaranga y’ifunguro rya saa sita kandi ntibanemererwe kujya kurya iwabo, giteye inkeke.

Yagize ati:“Tubangamiwe bikomeye nuko ubuyobozi bw’ishuri butatwemerera kujya gufata ifunguro iwacu mu gihe cya saa sita, twagera mu ishuri tugasinzira kubera nyine nta kintu tuba twashyize ku munwa, ndasaba ni ba nta mafaranga twabonye y’ifunguro rya saa sita bajya batureka tukajya kurya mu rugo iwacu”.

JPEG - 48.5 kb
Abanyeshuri babasha kubona ifunguro rya saa sita biga neza (Foto archive)

Umuyobozi w’urwunge rw’amashuri rwa Jenda Maniteze Mediatrice, yavuze ko kuba babuza abana kujya mu rugo saa sita, ari bumwe buryo bwo kubafasha kudakererwa amasomo nyuma ya saa sita ngo kuko hari abajya bakererwa bagasanga amasomo yabacitse kubera kugera iwabo bakitegurira amafunguro.

Kuba rero ngo bibagiraho ingaruka ku myigire yabo ngo ibi na byo ni ikibazo ikigo gikomeje kwigana n’ababyeyi baharerera.

Mu bana 895 biga muri iryo shuri, 457 gusa nibo bashoboraga gufata ifunguro ku ishuri mu gihembwe cya mbere.Muri iki gihembwe cya kabiri rero baragabanutse cyane kuko ubu abafata ifunguro rya saa sita ku ishuri bamaze kugera kuri 236.

 

Comments

 
 
Rusizi:Ikibazo cy’imbwa zizerera zikarya abaturage cyahagurukiwe
Rusizi:Ikibazo cy’imbwa zizerera zikarya abaturage cyahagurukiwe

Ikibazo cy’imbwa zizerera zirya abantu mu karere ka Rusizi ngo ntigihangayikishije abaturage gusa, ahubwo gihangayikishije n’ubuyobozi, bukaba busaba abaturage kuba bihanganye igihe cy’imvura (...)

Karongi:Depite Musabyimana yasabye abaturage gukomera kuri ‘Ndi Umunyarwanda
Karongi:Depite Musabyimana yasabye abaturage gukomera kuri ‘Ndi Umunyarwanda

Depite Samuel Musabyimana, yasabye abaturage bo mu karere ka Karongi gukomeza gushyigikira gahunda y’ubumwe n’ubwiyunge, kuko ari byo bizatuma igihugu gikomeza kwihuta mu iterambere, kikaba (...)

Rubavu:Abifuza kuva mu manegeka batuyemo bemerewe amabati
Rubavu:Abifuza kuva mu manegeka batuyemo bemerewe amabati

Ubuyobozi bw’akarere ka Rubavu bwemereye amabati abaturage batishoboye bagera ku 120, bashaka kuva mu manegeka, mu rwego rwo kubafasha gutura mu mudugudu. Ubuyobozi bw’aka karere buvuga ko (...)

Musanze: Umukobwa w’imyaka 20 yihangiye umurimo umwinjiriza 250,000 ku kwezi
Musanze: Umukobwa w’imyaka 20 yihangiye umurimo umwinjiriza 250,000 ku kwezi

Umuhire Catherine, ni umukobwa w’imyaka 20 utuye mu murenge wa Muhoza, mu karere ka Musanze, uvuga ko mu gihe cy’imyaka 2 amaze akora umwuga wo gucura ibyuma bikoreshwa muri feri z’imodoka, ubu (...)

Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.