Advertisement
 
 
 
 
 
 
 
 

Amakuru | Mu Ntara | Intara

Nyabihu:Igare atwarisha ukuboko kumwe ryamukijije gusabiriza   

  Yanditswe na NGABOYABAHIZI PROTAIS
 May 2016

 
 

Imanirakiza Jean Pierre, umusore w’imyaka 22, ukomoka mu karere ka Nyabihu mu murenge wa Mukamira, yishimira ko yiteje imbere abikesha umwuga w’ubunyonzi, n’ubwo afite ukuboko kumwe.

Ukuboka kw’uyu musore kwaciwe n’abaganga ubwo yari afite imyaka 8 gusa, kukaba kwaraciwe bitewe n’uburwayi.

Imanirakiza yabwiye Imvaho Nshya ko ukuboko kwe kukimara gucibwa yumvise yihebye, atangira kubaho ubuzima budafite ibyiringiro by’ahazaza heza.

Yagize ati:“Nyuma y’uko kwa muganga bankuraho akaboko numvise ko byose bindangiranye, kuko nawe urabibona sinashoboraga guhinga, no kwiga nageze aho ndabireka.

JPEG - 114 kb
Imanirakiza avuga ko umurimo wo kunyonga wamukijije igisuzuguriro(Foto Ngaboyabahizi P)

Aho mariye kuba umusore wasangaga n’abajyaga bagira umutima wo kumfasha babikora biganyira, hakaba n’ubwo naburaga isabune, mbese naburaga uburyo bwo kwikenura”.

Uyu musore akomeza avuga ko nyuma yo kujya akusanya udufaranga duke yajyaga akura mu kuvomera abantu, yahisemo kujya atwara abagenzi n’imizigo maze agura igare ngo ryari rishaje, arigura amafaranga ibihumbi 15, nyuma yo kujya akodesha iry’abandi.

Yagize ati:“Mu mirimo yose nasanze nta kindi nageraho vuba cyampa amafaranga, mpitamo kwiga igare naryize na bwo nkoresheje udufaranga duke, nyuma yo gutangirira ku rya make nageze ubwo ngura iry’ibihumbi 70 na bwo nifashije ikimina.

Kuri ubu maze kugera ku bworozi bw’intama 8 za kijyambere, ndetse n’isambu ifite agaciro ka miliyoni 3, kandi nteganya no gushinga iduka mu minsi iri imbere”.

Uyu musore ufite ubumuga bw’akaboko, avuga ko anenga bamwe mu rubyiruko baba abafite ingingo zose n’abatazifite birirwa basabiriza, abandi bakiba, akabasaba gucika ku ngeso nk’izo kuko baba batihesha agaciro.

Umuyobozi w’abanyonzi mu murenge wa Mukamira Twizerimana Jean Baptiste, avuga ko uyu musore akinjira mu mwuga w’ubunyonzi babanje kugira impungenge ko yagusha abagenzi, ariko nyuma ngo yagaragaje ubuhanga batamukekagaho.

Yagize ati:“Imanirakiza mbere twabanje kujya tumugirira impungenge ko yakwitura hasi, cyangwa se akagusha abagenzi, ariko twaje gusanga ari umuhanga ndetse natwe aradusiga kandi ni umwe mu banyonzi b’inyangamugayo”.

Imanirakiza avuga ko ku kwezi yinjiza amafaranga atari munsi y’ibihumbi 30, ibi bigatuma abasha kubona imyambaro ndetse akizigama, ibi rero ngo akaba yarabikoze mu rwego rwo kwanga agasuzuguro.

 

Comments

Izina Ryanyu
IGITEKEREZO

 
 
Rusizi: Ubuyobozi bwahumurije abaturage bafite abana biga mu mashuri ashaje
Rusizi: Ubuyobozi bwahumurije abaturage bafite abana biga mu mashuri ashaje

Ababyeyi barerera muri GS Ntura Protestant, ishuri riri mu murenge wa Giheke mu karere ka Rusizi, bafite impungenge z’uko abana babo bagiye gutangira amashuri, ibyumba by’amashuri bigiramo bishaje (...)

Kayonza:Bakusanyije miliyoni 6 ngo begerezwe amazi barayategereza baraheba
Kayonza:Bakusanyije miliyoni 6 ngo begerezwe amazi barayategereza baraheba

Abaturage bo muri Nyamugari mu murenge wa Ndego mu karere ka Kayonza bavuga ko bakusanyije amafaranga arenga miliyoni 6 ngo babone amazi meza, ariko ngo barayategereza baraheba. Igitekerezo cyo (...)

Rwamagana: Barasabwa gukumira ingengabitekerezo ya Jenoside bahereye mu bana
Rwamagana: Barasabwa gukumira ingengabitekerezo ya Jenoside bahereye mu bana

Umuyobozi w’akarere ka Rwamagana Mbonyumuvunyi Radjab, arasaba abaturage batuye muri aka karere kwirinda gukongeza ingengabitekerezo ya Jenoside mu bana bato, ahubwo bakayikumira kugira ngo (...)

Abaturage b’i Rubavu bishimiye ukwegura kwa bamwe mu bayobozi b’inzego z’ibanze
Abaturage b’i Rubavu bishimiye ukwegura kwa bamwe mu bayobozi b’inzego z’ibanze

Nyuma y’uko mu minsi ishize abayobozi b’utugari n’abakozi babungirije, n’abanyamabanga nshingwabikorwa b’imirenge mu turere tugize intara y’Uburengerazuba bagiye basezera ku mirimo yabo, bamwe mu (...)

Nyamasheke:Meya Kamari aramagana abadukanye ubugome bwo gutema inka
Nyamasheke:Meya Kamari aramagana abadukanye ubugome bwo gutema inka

Ubuyobozi bw’akarere ka Nyamasheke buravuga ko buhangayikishijwe n’abantu badukanye ingeso mbi yo gutema inka z’abaturage. Ni nyuma y’aho mu murenge wa Bushenge, mu karere ka Nyamasheke, umuturage (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.