2017-08-18 14:28:59 clouds 27o High | Kigali Rwanda

Dukurikire:
 
 

Nyabihu:Barasaba ubufasha bwo gukumira umugezi wa Giciwe wabasatiriye

Yanditswe na IMVAHO NSHYA

Kuya 2016-08-22 10:59:20

 
Share on:
 
Yasuwe:4
 
Yavuzweho:200
 
10
 
10

Abaturiye umugezi wa Giciye baravuga ko ugenda urushaho gusatira ubutaka bwabo ndetse ngo bakaba bafite n’ubwoba ko uzagera ubwo usenya umuhanda wa Mukamira Ngororero, bityo bagasaba inkunga y’ubuyobozi mu rwego rwo kubona urukuta rwo kuwukumira.

Ubuyobozi bw’akarere ka Nyabihu uyu mugezi unyuramo buravuga ko iki kibazo bukizi kandi kiri mu nzira zoigushakirwa umuti.

Umwe mu baturiye uyu mugezi Muhire Rongin, yagize ati:«Mu bihe by’imvura tuba tugowe cyane, kuko uyu mugezi wa Giciye uruzura tukabura amahwemo imyaka iragenda, imikingo igatengagurika, amazu akagenda, iyo dushyizeho ibiti ngo turirwanaho mu gihe cyo kwambuka na byo umugezi urabijyana.

JPEG - 100 kb
Umugezi wa Giciye utwara ubutaka bwinshi

Ikindi kibazo dufite ahubwo ni uko tubona n’umuhanda Mukamira-Ngororero kandi ari mpuzamahanga uzagera ubwo ugenda, aha rero hakaba hakwiye gufatwa ingamba kugira ngo habe hakubakwa urukuta rukomeye rwabuza Giciye gukomeza gusatira imirima yacu ndetse n’aho dutuye».

Mugwiza Antoine, umuyobozi w’akarere ka Nyabihu wungirije ushinzwe imari n’ubukungu, avuga ko iki kibazo gihangayikishije ubuyobozi bw’akarere, ariko hakaba hari ibiri gukorwa ngo uyu mugezi ukumirwe.

Yagize ati :«Kuri ubu hatangiye gahunda yo gutera imigano n’ibiti kuri uyu mugezi kandi mu gihe cya vuba aha bizaba ngombwa hazubakwa urukuta rutangira amazi.

Biri muri gahunda z’akarere, kuko iki kibazo kirahangayikishije, nkaba nsaba rero abaturage gukomeza kurwanya isuri no gufata neza ibiti bimaze guterwa, ndetse banatera ibindi aho bitari, bakitabirira na gahunda yo gutura ku midugudu mu rwego rwo guhunga amanegeka».

Nyabihu:Barasaba ubufasha bwo gukumira umugezi wa Giciwe wabasatiriye

NGABOYABAHIZI PROTAIS

Abaturiye umugezi wa Giciye baravuga ko ugenda urushaho gusatira ubutaka bwabo ndetse ngo bakaba bafite n’ubwoba ko uzagera ubwo usenya umuhanda wa Mukamira Ngororero, bityo bagasaba inkunga y’ubuyobozi mu rwego rwo kubona urukuta rwo kuwukumira.

Ubuyobozi bw’akarere ka Nyabihu uyu mugezi unyuramo buravuga ko iki kibazo bukizi kandi kiri mu nzira zoigushakirwa umuti.

Umwe mu baturiye uyu mugezi Muhire Rongin, yagize ati:«Mu bihe by’imvura tuba tugowe cyane, kuko uyu mugezi wa Giciye uruzura tukabura amahwemo imyaka iragenda, imikingo igatengagurika, amazu akagenda, iyo dushyizeho ibiti ngo turirwanaho mu gihe cyo kwambuka na byo umugezi urabijyana.

Ikindi kibazo dufite ahubwo ni uko tubona n’umuhanda Mukamira-Ngororero kandi ari mpuzamahanga uzagera ubwo ugenda, aha rero hakaba hakwiye gufatwa ingamba kugira ngo habe hakubakwa urukuta rukomeye rwabuza Giciye gukomeza gusatira imirima yacu ndetse n’aho dutuye».

Mugwiza Antoine, umuyobozi w’akarere ka Nyabihu wungirije ushinzwe imari n’ubukungu, avuga ko iki kibazo gihangayikishije ubuyobozi bw’akarere, ariko hakaba hari ibiri gukorwa ngo uyu mugezi ukumirwe.

Yagize ati :«Kuri ubu hatangiye gahunda yo gutera imigano n’ibiti kuri uyu mugezi kandi mu gihe cya vuba aha bizaba ngombwa hazubakwa urukuta rutangira amazi.

Biri muri gahunda z’akarere, kuko iki kibazo kirahangayikishije, nkaba nsaba rero abaturage gukomeza kurwanya isuri no gufata neza ibiti bimaze guterwa, ndetse banatera ibindi aho bitari, bakitabirira na gahunda yo gutura ku midugudu mu rwego rwo guhunga amanegeka».

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE