Advertisement
 
 
 
 
 
 
 
 

Amakuru | Mu Ntara | Intara

Nyabihu: Bamwe mu bangirijwe n’ituritswa ry’intambi barasaba indishyi   

  Yanditswe na NGABOYABAHIZI PROTAIS
 April 2016

 
 

Abaturage bo mu murenge wa Bigogwe mu karere ka Nyabihu bagera kuri 94, bangirijwe imitungo mu gihe haturitswaga intambi mu gutunganya aho gutereka inkingi zizashyirwaho insinga z’amashanyarazi, barasaba guhabwa ingurane zikwiye ibyabo.

Bamwe muri aba baturage bavuga ko nta ngurane bahawe, mu gihe hari abandi 60 bavuga ko bishyuwe ibitajyanye n’ibyabo byangijwe.

Aba bose bakaba rero bifuza ko bakwishyurwa uko bikwiye, kuko ngo bazi neza ko uyu mushinga wo gukwirakwiza amashanyarazi mu bihugu byo mu burasrazuba bw’Afurika wateganyije ingurane y’ibizangizwa ushyirwa mu bikorwa.

Aba baturage harimo bamwe bo mu kagari ka Rwankuba, bavuga ko ikibazo cyabo uhereye igihe kimaze ngo usanga ubuyobozi bwarakirengagije nkana, kuko kimaze umwaka wose bakizi kandi ntacyo bagikoraho.

JPEG - 96.6 kb
Uyu muturage wo mu Bigogwe arerekana aho urutambi rwamusenyeye inzu (Foto Ngaboyabahizi P)

Nsengiyumva Leonidas, umwe mu bangirijwe yagize ati:“Urutambi rwanyangirije inzu ifite agaciro ka miliyoni zigera kuri 5, ariko natangajwe no kubona umuhinde wubaka uriya muyoboro ari na we waturitsaga ziriya ntambi yaranzaniye amafaranga 6000 gusa, kandi iyo urebye nawe usanga inzu yanjye ishobora kuzasubira hasi.Ndasaba ko ubuyobozi butwishyuriza ibyacu bigahabwa agaciro gakwiye”.

Mukamana Zipola, we yangirijwe inzu y’amategura k’uburyo ni yo umuntu yinjiyemo asanga muri ibi bihe by’imvura aretse amabase, akitwikira umutaka we n’abana be 3, avuga ko baje bakamutsindagira amafaranga ibihumbi 2.

Yagize ati:“Nagiye kubona mbona umuhinde azanye n’ushinzwe ubutaka ku karere bampatira gufata ibihumbi 2, ariko ntabwo nayanze kuko nzi ko nzabaza ahandi, ikintu gitangaje ni uko no mu nama twabajije Meya ,akatubwira ko iki kibazo we atakizi n’ubwo ari mushya bwose, ariko kuva atangiye imirimo yo kuyobora aka karere yagombye no kumenya ibibazo dufite”.

Umuyobozi w’akarere ka Nyabihu Uwanzwenuwe Theoneste, avuga ko iki kibazo cy’aba baturage ubuyobozi bukizi, hakaba hari gushakwa uburyo cyakemurwamo.

Yagize ati:“Ikibazo cya bariya baturage bo muri Bigogwe bangirijwe n’umuyoboro w’amashanyarazi muri gahunda yo gukwirakwiza umuriro w’amashanyarazi muri Afurika y’Uburasirazuba kirazwi, tugiye rero kubahuza na ba nyir’umushinga, bishyurwe, kimwe n’abumva barahohotewe barenganurwe”.

Uyu muyobozi avuga ko abangirijwe imitungo bose hamwe ari 94, ngo abagera kuri 60 bo bakaba barumvikanye ku bwishyu, ariko 34 nibo ngo ubu bagikomeza kunangira ku bijyanye n’ubwishyu bwabo, kubera ko ngo babariwe nabi.

 

Comments

 
 
Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Rusizi: Abataramenyekana bishe umusaza bamujugunya mu Kivu
Rusizi: Abataramenyekana bishe umusaza bamujugunya mu Kivu

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise (...)

Ngoma: Abarokotse Jenoside bifuza ko urwibutso rwa Zaza rwatwikiirwa
Ngoma: Abarokotse Jenoside bifuza ko urwibutso rwa Zaza rwatwikiirwa

Abacitse ku icumu rya Jenoside bafite ababo bashyinguwe mu rwibutso rwa Jenoside rwa Zaza, mu murenge wa Zaza, akarere ka Ngoma, baravuga ko bababazwa nuko uru rwibutso rudasakaye, bakifuza ko (...)

Rubavu:Abahoze ari abayobozi barokoye abatutsi muri Jenoside bashimiwe
Rubavu:Abahoze ari abayobozi barokoye abatutsi muri Jenoside bashimiwe

Ndabarinze Faustin wahoze ari Burugumesitiri w’icyahoze ari komini ya Mutura na Baributsa Juvenal wahoze ari Resiponsabure wa selile Hehu muri Segiteri ya Mutovu, akaba yari n’umuvugabutumwa, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.