Advertisement
 
 
 
 
 
 
 
 

Amakuru | Mu Ntara | Intara

Nyabihu:Bamaze imyaka 10 batarishyurwa ubutaka bwabo bwometswe kuri Gishwati   

  Yanditswe na NGABOYABAHIZI PROTAIS
 May 2016

 
 

Bamwe mu baturage bo mu karere ka Nyabihu bavuga ko bategereje amafaranga y’ingurane y’imirima yabo gakondo yometswe ku ishyamba rya Gishwati, ariko bakaba barategereje ko bahabwa ingurane amaso agahera mu kirere.

Aba baturage bavuga ko kuba hashize imyaka isaga icumi ikibazo cyabo kitarakemurwa nyamara kizwi n’ubuyobozi, bikomeje kubangamira iterambere ryabo, bakibaza igituma kidakemurwa bikabayobera.

Umuyobozi w’Intara y’Uburengerazuba Mukandasira Caritas, yemera ko habayeho gutinda gushyikiriza aba baturage ayo mafaranga, ariko ngo hagiye gukorwa ibishoboka byose iki kibazo gikemuke burundu.

Bazimaziki Augustin, umuturage wo mu murenge wa Bigogwe, avuga ko amasambu yabo ajya komekwa ku ishyamba bizezwaga guhabwa ingurane kandi vuba, bityo rero kuba amasezerano atarubahirijwe bikaba byarabagizeho ingaruka mbi.

Yagize ati:“Twari twifitiye amasambu yacu ya gakondo dukoreramo ubuhinzi, aza komekwa ku ishyamba rya Gishwati mu rwego rwo kuribungabunga, batwizeza ingurane ariko imyaka ibaye 10 batwijeje ingurane z’imirima yacu, ariko amaso yaheze mu nzira”.

JPEG - 142.4 kb
Abaturage bishimiye ko ishyamba rya Gishwati ryabungabunzwe

Uyu muturage kimwe na bagenzi be, bakomeza bavuga ko kandi iyo Umukuru w’igihugu ateguye uruzinduko muri iriya ntara aje gusura uturere twa Nyabihu na Rubavu, bishyura amafaranga make kuri bamwe mu baturage, nk’uburyo bwo kugaragaza ko batangiye kugikemura, yamara kugenda ikibazo kigasubira ibubisi.

Abafite iki kibazo basaba ubuyobozi bufite inshingano zo gukemura iki kibazo kugikemura kikava mu nzira, kuko ngo bitumvikana uburyo ikibazo nk’iki cyamara imyaka 10.

Guverineri w’Intara y’Uburengerazuba Mukandasira Caritas, avuga ko iki kibazo cy’abaturage kizwi, umuti wacyo ukaba witezwe mu myanzuro y’ibiganiro bizahura ubuyobozi bw’Intara na Minisiteri irebwa n’iki kibazo.

Yagize ati:“Ikibazo cya bariya baturage kirazwi koko amafaranga yabo yatinze kubageraho, ubu harategurwa ibiganiro hagati ya Minisiteri bireba n’Intara kugira ngo babiganireho, nkaba nsaba rero igihe iri tsinda rizazira kuganira nabo bazatange amakuru, kandi nkizeza ko nyuma y’ibyumweru 2 iki kibazo kiraba kimaze kuva mu nzira n’inzitizi zacyo”.

Aba baturage bemeza ko kuba iri shyamba rya Gishwati ryarabungabunzwe byabagiriye akamaro mu buryo bugaragarira buri wese, ariko ngo hejuru y’ibi bakwiye kwishyurwa vuba ingurane z’amasambu yabo kuko ariyo bahingagamo ibibatunga.

Aba baturage kandi bavuga ko bafite impungenge ko amafaranga bazahabwa ntacyo azabamarira, kuko agaciro k’ubutaka kagenda kiyongera uko iminsi ishira, ku buryo bishyuwe hagendewe ku gaciro ubutaka bwari bufite muri icyo gihe, ingurane bahabwa ntacyo yabamarira.

 

Comments

  • uwamahorotheophile November 2016

    nibyo abo baturage ntibahinga nukuri amafaranga yabo amaze intake isabato

    10 batarayabona batagiranaho guhinga bakabura nuko nishira ubwisungne mukwivuza na numerical ninzara ikabije kumiryango yabo cyane cyane mu bigogwe mukagari ka Rega na ngangare na kijote :mubakorere ubuvugizi peeeeeee ! amasomo nageze mukomere kandi barababaye ? kandi umukuru wigihugu ahora abadada gukemura ikibazo cya expropriation kuburana ariko mu bigogwe cyabaye ingorabahizi


 
 
Karongi:Arasaba ubufasha bwo kwivuza kanseri yo mu maraso amaranye umwaka
Karongi:Arasaba ubufasha bwo kwivuza kanseri yo mu maraso amaranye umwaka

Nyiranshuti Venantie, umubyeyi w’imyaka 60 utuye mu mudugudu wa Kananira, akagari ka Birambo, umurenge wa Gashali mu karere ka Karongi, arasaba ubufasha bwo kwivuza Kanseri yo mu maraso amaranye (...)

Ubwato Perezida Kagame  yahaye abaturage bo ku Nkombo buratanga umusaruro ushimishije
Ubwato Perezida Kagame yahaye abaturage bo ku Nkombo buratanga umusaruro ushimishije

Abaturage bo mu murenge wa Nkombo mu karere ka Rusizi, barashimira cyane Perezida Paul Kagame wabahaye ubwato bwabakuye mu bwigunge, ubu bakaba banishimira ko umusaruro w’amafaranga arenga (...)

Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo
Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo

Nyuma y’aho mu karere ka Rubavu hagiye havugwa ikibazo gikomeye cy’abana basigwa ku mupaka n’ababyeyi babo, babareresha abandi bana bagenzi babo, mu gihe bo baba bagiye gucururiza Kongo, ubu (...)

Abaturage b’i Musanze barasaba iminara izabahesha ’rezo’ ya telefoni
Abaturage b’i Musanze barasaba iminara izabahesha ’rezo’ ya telefoni

Abaturage batuye mu Murenge wa Muko mu karere ka Musanze barasaba ubuyobozi bubishinzwe kubashakira iminara yabafasha kubona ihuzanzira rya telefoni (Network), ngo kuko bakomeje gusigara inyuma (...)

Huye:  Abacikanwe n’amashuri barifuza kwiga indimi z’amahanga n’imyuga
Huye: Abacikanwe n’amashuri barifuza kwiga indimi z’amahanga n’imyuga

Abakuze bagana amasomero y’abakuze ngo bihugure mu gusoma no kwandika mu karere ka Huye, bagaragaje icyifuzo cy’uko bashakirwa uburyo bwihariye bwajya bubafasha gukomeza kwiga mu yandi mashuri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.