Advertisement
 
 
 
 
 
 
 
 

Amakuru | Mu Ntara | Intara

Nyabihu:Akagari kakodeshaga inzu yenda kugwa kagiye kubakirwa ibiro bya miliyoni 17   

  Yanditswe na NGABOYABAHIZI PROTAIS
 August 2016

 
 

Amafaranga miliyoni 17 niyo agiye kwifashishwa mu kubaka ibiro by’akagari ka Batikote mu murenge wa Kabatwa mu karere ka Nyabihu, aya yose akazava mu baturage, ubuyobozi bw’akarere n’abafatanyabikorwa babo.

Akagari ka Batikote mu murenge wa Kabatwa mu karere ka Nyabihu kakoreraga mu nzu ishaje cyane kandi gakodesha.

Kabitewemo inkunga na sosiyete rusange ishinzwe ubwikorezi no gucunga za parikingi z’amamodoka, COGAPT mu mgambo ahinnye, n’akarere ka Nyabihu, abaturage bo muri aka kagari bagiye kwiyubakira ibiro bigezweho.

JPEG - 57.3 kb
Iyi nyubako ishaje niyo akagari ka Batikote gakoreramo (Foto Ngaboyabahizi P)

Ngenzi Shiraniro Jean Paul, uyobora COGAPT, avuga ko nk’abantu bakorana bya hafi n’abaturage bo muri aka kagari batashimishwaga no kwakira serivisi mu nyubako itabahesha agaciro, bahitamo kubunganira mu mugambi wo kwiyubakira ibiro by’akagari.

Yagize ati:“Dukorana n’abahinzi b’ibirayi umunsi k’uwundi, ntibidushimisha rero mu gihe aba bavandimwe bacu babonera serivise ahantu hatari heza, ni muri urwo rwego tugendeye ku nama z’Umukuru w’igihugu mu kwigira twahisemo kubaka ibiro by’akagari ka Batikote.

Aha tukaba tuzashyiramo za mudasobwa ndetse tukayoboramo n’umuriro w’amashanyarazi, iyi nyubako rero ni ikimenyetso cy’imiyoborere myiza”.

Umuyobozi w’Akarere ka Nyabihu wungirije ushinzwe imibereho myiza y’abaturage Mukansanga Clarisse, washyize ibuye ry’ifatizo ahagiye kubakwa aka kagari, avuga ko iki ari igikorwa cy’indashyikirwa muri gahunda yo kwishakamo ibisubizo nk’abanyarwanda.

Aha nanone kuri we ngo ni igipimo cy’imizamukire y’imuyumvire y’abanyarwanda, akaba asaba abaturage gufata neza iriya nyubako no kwicungira umutekano.

Nsengiyumva Samuel, umuturage wo mu kagari ka Batikote yagize ati:“Kuba tubonye aho gukorera tutazajya dukodesha kandi hasobanutse ni ibintu by’ingenzi kuko na we urebye aho umuyobozi w’akagari akorera, ukareba uko yicara abisikana n’ibitagangurirwa n’ibinyabwoya wasanga serivise duhabwa itanoze kubera isuku nke y’aho tuyakira.

Kuba nanone tugiye kubakirwa hano ibiro by’akagari tugiye kuhabonera imirimo itandukanye nka njye w’umufundi ndashima ko batazanye ab’ahandi ba rwiyemezamirimo baturutse Kigali, akaba ari abaturage bo muri Batikote tuzakora hano”.

Biteganyijwe ko ibi biro by’akagari ka Batikote byubatse neza neza mu nkengero z’ikirunga cya Karisimbi, bizaba byuzuye mu gihe kitarenze ukwezi kumwe.Ngo bizaba birimo ibyangombwa byose byo mu biro ndetse n’iby’ikoranabuhanga.

 

Comments

 
 
Rubavu:Kiliziya Gatolika yahagurukiye ikibazo cy’abasore n’inkumi bishyingira
Rubavu:Kiliziya Gatolika yahagurukiye ikibazo cy’abasore n’inkumi bishyingira

Ubuyobozi bwa Paruwasi Gatolika ya Gisenyi mu karere ka Rubavu, buravuga ko bwiteguye gufasha urubyiruko mu buryo bwose bushoboka, ariko rugacika ku muco wo kwishyingira ugenda ufata indi ntera. (...)

Karongi:Arasaba ubufasha bwo kwivuza kanseri yo mu maraso amaranye umwaka
Karongi:Arasaba ubufasha bwo kwivuza kanseri yo mu maraso amaranye umwaka

Nyiranshuti Venantie, umubyeyi w’imyaka 60 utuye mu mudugudu wa Kananira, akagari ka Birambo, umurenge wa Gashali mu karere ka Karongi, arasaba ubufasha bwo kwivuza Kanseri yo mu maraso amaranye (...)

Ubwato Perezida Kagame  yahaye abaturage bo ku Nkombo buratanga umusaruro ushimishije
Ubwato Perezida Kagame yahaye abaturage bo ku Nkombo buratanga umusaruro ushimishije

Abaturage bo mu murenge wa Nkombo mu karere ka Rusizi, barashimira cyane Perezida Paul Kagame wabahaye ubwato bwabakuye mu bwigunge, ubu bakaba banishimira ko umusaruro w’amafaranga arenga (...)

Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo
Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo

Nyuma y’aho mu karere ka Rubavu hagiye havugwa ikibazo gikomeye cy’abana basigwa ku mupaka n’ababyeyi babo, babareresha abandi bana bagenzi babo, mu gihe bo baba bagiye gucururiza Kongo, ubu (...)

Abaturage b’i Musanze barasaba iminara izabahesha ’rezo’ ya telefoni
Abaturage b’i Musanze barasaba iminara izabahesha ’rezo’ ya telefoni

Abaturage batuye mu Murenge wa Muko mu karere ka Musanze barasaba ubuyobozi bubishinzwe kubashakira iminara yabafasha kubona ihuzanzira rya telefoni (Network), ngo kuko bakomeje gusigara inyuma (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.