Advertisement
 
 
 
 
 
 
 
 

Amakuru | Mu Ntara | Intara

Nyabihu:Abaturage barashinja abayobozi ruswa yiswe ‘Inzoga y’ikamba’   

  Yanditswe na NGABOYABAHIZI PROTAIS
 July 2016

 
 

Abaturage bo mu murenge wa Shyira mu karere ka Nyabihu, kuri ubu baratangaza ko babangamiwe na bamwe mu bayobozi babo babarembeje babaka ruswa mu gihe cyo gutangira inyubako, ruswa yiswe inzoga y’ikamba, bo bagereranya n’ikiziriko kizwi muri gahunda ya Girinka.

Aba baturage bavuga ko utayitanze asenyerwa inyubako nshya. Aya makuru ubuyobozi bw’umurenge wa Shyira buyahakana bwivuye inyuma, aho bwemeza ko nta ruswa ahubwo ngo inzu zisenywa mu rwego rw’isuku yo ku muhanda, n’ahari kubakwa ibitaro bya Shyira.

Abaturage bafite ikibazo cy’inzoga y’ikamba, ni abo mu kagari ka Nyamitana, barimo Nsengimana Adrien wabwiye Imvaho Nshya ko barambiwe aya mafaranga bakwa adasobanutse.

Yagize ati:“Ubu rwose twaragowe ntiwazamura itafari udatanze inzoga y’ikamba, ni ko ubuyobozi bwacu hano mu kagari buyita, njye ubwanjye ushinzwe iterambere muri aka kagari dore acumbitse mu nzu zanjye, mu gihe natangiye kubaka yansabye amafaranga ibihumbi 30, ngo ni inzoga y’ikamba ndetse no kubaka yanyeretse aho ntangirira mvuye ku muhanda ubwo yari yizeye ko ndayamuha.

PNG - 1.3 Mb
Uyu muturage ababajwe no kuba yarasenyewe nta kosa (Foto Ngaboyabahizi P.)

Ariko nyuma yo kuyamwima yazanye na Gitifu w’akagari n’umurenge inzu yanjye bayishyira hasi, rwose inzoga y’ikamba njye ngereranya n’amafaranga y’ikiziriko batwaka muri Girinka igiye kudusiga hanze”.

Uyu muturage kimwe n’abagenzi be icyo bahuriraho ngo ni uko kugeza ubu nta gishushanyo mbonera bari berekwa, ikindi kandi ngo ni uko mu gihe bamwe barimo basenyerwa abandi bo batanze inzoga y’ikamba bo bubaka.

Umwe mu bari bari kubaka mu kagari ka Nyamitana wanze ko amazina ye atangazwa, yabwiye Imvaho Nshya ati:“Ntumvemo ariko njyewe icyo nzi cyo ntabwo ushobora kuzamura hano inzu utagize icyo uha Gitifu wa Nyamitana, njye ubu bangezeho ejo bundi ubwo basenyeraga ba Fabien mbakubita ibihumbi 40 baragenda! Ubu twarumiwe abayobozi baratuzengereje n’inzoga y’ikamba”.

Umunyamabanga Nshingwabikorwa w’umurenge wa Shyira Kanamugire Daniel, yahakanye aya makuru atangwa n’abaturage, avuga ko abayatanga ari abashaka kubaka mu kajagari kandi bitemewe.

Yagize ati:“Hari bamwe mu baturage bamaze kubona ko ibitaro bikuru bya Shyira bije muri aka kagari batangira gupanga imishinga y’amacumbi, ni utuzu rwose tw’amafuti bubaka nijoro, ntidushoboa kubyemera rero kuko ari umwanda.

Ntabwo twakwemera ko abayobozi bakuru umunsi baje gutaha ibi bitaro bazahasanga utururi. oya! Gusa ikigiye gukorwa ni ubukangurambaga ku gishushanyo mbonera ndetse no gushaka icyangombwa mbere yo kubaka, gusa icyo nakubwira nkomeje ntabwo inzoga y’ikamba nyizi, ni bwo mbyumvise.”

Ikamba ubundi ni umugozi bapimisha ikibanza mbere y’uko inzu izamurwa mu murenge wa Shyira, rero ngo ushaka kubaka bimusaba kubanza kugura inzoga bayitiriye.

 

Comments

 
 
Abasukura ibiro by’intara y’Uburasirazuba barasaba ubuyobozi kubishyuriza rwiyemezamirimo
Abasukura ibiro by’intara y’Uburasirazuba barasaba ubuyobozi kubishyuriza rwiyemezamirimo

Abakozi bakora isuku mu nyubako y’ibiro by’Intara y’Uburasirazuba ikoreramo n’akarere ka Rwamagana, barasaba ubuyobozi kubakorera ubuvugizi rwiyemezamirimo ubakoresha akabishyura, kuko ngo bamaze (...)

Rusizi:Ba Agoronome bamaze amezi 7 bategereje moto z’akazi
Rusizi:Ba Agoronome bamaze amezi 7 bategereje moto z’akazi

Bamwe mu bagoronome n’abaveterineri bo mu karere ka Rusizi baravuga ko hari byinshi bikomeje kudindira muri serivisi baha abaturage bitewe nuko batabasha kubageraho, kuko moto batumije zimaze (...)

Burera:Ubuyobozi bwihanangirije ababyuka banywa inzoga  ngo zibatera imbaraga
Burera:Ubuyobozi bwihanangirije ababyuka banywa inzoga ngo zibatera imbaraga

Ubuyobozi bw’akarere ka Burera burasaba abaturage gucika ku muco wo kubyukira ku ntango y’inzoga n’ibigage, ahubwo bakimakaza umuco wo kubyukira k’umurimo, biteza imbere. Ubu butumwa bwatanzwe mu (...)

Rusizi: Ababyeyi barinubira abakobwa babo
Rusizi: Ababyeyi barinubira abakobwa babo "babaturaho" abuzukuru babyaye batiteguye

Bamwe mu babyeyi bo mu murenge wa Rwimbogo mu karere ka Rusizi, baravuga ko bahangayikishijwe bikomeye n’abana babo bata amashuri kubera inda zitateguwe ntibanavuge abazibatera, ugasanga barateza (...)

Muhanga:Hafunguwe ibyumba by’amashuri y’abafite ubumuga
Muhanga:Hafunguwe ibyumba by’amashuri y’abafite ubumuga

Umuganda ngarukakwezi ku rwego rw’Akarere ka Muhanga, wabereye hafi y’ishuri ry’abafite ubumuga, uhuzwa no gutaha ku mugaragaro ibyumba 6 yabo, byatwaye miliyoni 60 z’amafaranga y’u Rwanda. Senateri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.