Advertisement
 
 
 
 
 
 
 
 

Amakuru | Mu Ntara | Intara

Nyabihu: Abacuruzi barataka umwanda ukabije mu isoko rya Mukamira   

  Yanditswe na UMUTONI BEATHA
 June 2016

 
 

Abacuruzi bakorera mu isoko rya Mukamira mu Karere ka Nyabihu, barasaba ubuyobozi bw’akarere kugira icyo bwakora ku isuku nke iharangwa, kuko ngo bagiye babibwira abayobozi b’isoko ariko ntibagire icyo babikoraho.

Umwanda uboneka mu isoko rya Mukamira rimaze imyaka igera ku icumi uboneka mu isoko imbere no mu nkengero zaryo.

Kavamahanga Alphonse ucurira muri iri soko yagize ati: “Iri soko ni ryo abantu bahinduye ubwiherero, nawe dore turaza wajya gucuruza ugasanga abantu biherereye ku bitanda ducururizaho, munsi yabyo, yewe no mu mazu hariya hose bagiye bitumamo.

Ikitubabaza kandi wagira ngo niho hari ikimoteri cy’imyanda tukibaza icyo abakora isuku bakora, kandi buri kwezi dutanga amafaranga y’isuku. Twabibwiye abahagariye isuko ariko ntacyo babikoraho.”

JPEG - 406.3 kb
Isoko rya Mukamira rirangwamo isuku nke Foto ( Mutoni B)

Rubanandora Theoneste uhagariye abikorera mu murenge wa Mukamira, we yagize ati: “Ikibazo gituma uyu mwanda ugaragara muri iri soko, ni ubushobozi buke bwo kwishyura abaririndira umutekano bityo tukagira abazumu ba nijoro gusa, usanga rero ku manywa aribwo abantu baza kwihishamo bakahakorera ayo mahano.”

Umuyobozi w’Akarere ka Nyabihu Uwanzwenuwe Theoneste adutangariza ko iki kibazo cy’umwanda kizwi kuko iri soko rijya kubakwa batigeze batekereza kuryubakira ubwiherero n’ahandi hose hagenewe gushyirwa imyanda.

Ariko yongeraho ko birimo gushakirwa umuti kuko bibangamiye iri soko n’ubuzima bw’abarigana bose.

Yagize ati: “Iriya santire y’ubucuruzi ifite ikibazo cy’ubwinyagamburiro, kuko uko yagiye ikura nta gishushanyo mbonera hafite, bujuje amazu gusa, ariko ntibubaka ubwiherero, ubu rero twifashishije umukozi w’ubutaka ngo adukorere inyigo y’ahashyirwa ubwiherero rusange, ndetse n’ikimoteri ibi rero turi kubigira vuba kuko ubundi nta gucuruza udafite ubwiherero ndetse n’ikimoteri muri rusange.”

Hakwiye kubaho ubufatanye bw’abayobozi nabo bayobora mu rwego rwo kurushaho kugira imiyoborere myiza.

 

Comments

 
 
Karongi:Arasaba ubufasha bwo kwivuza kanseri yo mu maraso amaranye umwaka
Karongi:Arasaba ubufasha bwo kwivuza kanseri yo mu maraso amaranye umwaka

Nyiranshuti Venantie, umubyeyi w’imyaka 60 utuye mu mudugudu wa Kananira, akagari ka Birambo, umurenge wa Gashali mu karere ka Karongi, arasaba ubufasha bwo kwivuza Kanseri yo mu maraso amaranye (...)

Ubwato Perezida Kagame  yahaye abaturage bo ku Nkombo buratanga umusaruro ushimishije
Ubwato Perezida Kagame yahaye abaturage bo ku Nkombo buratanga umusaruro ushimishije

Abaturage bo mu murenge wa Nkombo mu karere ka Rusizi, barashimira cyane Perezida Paul Kagame wabahaye ubwato bwabakuye mu bwigunge, ubu bakaba banishimira ko umusaruro w’amafaranga arenga (...)

Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo
Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo

Nyuma y’aho mu karere ka Rubavu hagiye havugwa ikibazo gikomeye cy’abana basigwa ku mupaka n’ababyeyi babo, babareresha abandi bana bagenzi babo, mu gihe bo baba bagiye gucururiza Kongo, ubu (...)

Abaturage b’i Musanze barasaba iminara izabahesha ’rezo’ ya telefoni
Abaturage b’i Musanze barasaba iminara izabahesha ’rezo’ ya telefoni

Abaturage batuye mu Murenge wa Muko mu karere ka Musanze barasaba ubuyobozi bubishinzwe kubashakira iminara yabafasha kubona ihuzanzira rya telefoni (Network), ngo kuko bakomeje gusigara inyuma (...)

Huye:  Abacikanwe n’amashuri barifuza kwiga indimi z’amahanga n’imyuga
Huye: Abacikanwe n’amashuri barifuza kwiga indimi z’amahanga n’imyuga

Abakuze bagana amasomero y’abakuze ngo bihugure mu gusoma no kwandika mu karere ka Huye, bagaragaje icyifuzo cy’uko bashakirwa uburyo bwihariye bwajya bubafasha gukomeza kwiga mu yandi mashuri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.