Advertisement
 
 
 
 
 
 
 
 

Amakuru | Mu Ntara | Intara

Nta nkoramaraso irangiza neza ubuzima bwayo ku Isi - Meya Ndayisaba   

  Yanditswe na DUSINGIZUMUREMYI VESTINE
 April 2016

 
 

Umuyobozi w’Akarere ka Karongi Ndayisaba François, yibukije abaturage kwirinda ingengabitekerezo ya Jenoside n’ikindi cyose cyakurura amacakubiri, bagaharanira kuba intwari mu gihe cyose bazabaho ku Isi.

Ubu butumwa uyu muyobozi yabutangiye mu muhango wo gusoza icyumweru cyo kwibuka, wabereye mu murenge wa Ruganda, ku rwego rw’Akarere ka Karongi. Meya Ndayisaba yanenze cyane abayobozi bahamagariye abaturage kwica bagenzi babo, aho kubatoza kunga ubumwe no guharanira iterambere.

Yagarutse ku buryo Sindikubwabo yashimiye cyane abayobozi b’icyahoze ari Perefegitura ya Kibuye ko bakoze ‘Jenoside cyane’, bahamagarira abaturage kwica Abatutsi.

JPEG - 85.2 kb
Abaturage bo mu karere ka Karongi basabwe kwima amatwi uwabatoza amacakubiri (Foto Vestine D)

Abaturage bibukijwe ko badakwiye kumvira umuyobozi ubashora mu bwicanyi, kuko iki cyaha gikomeye cyane, ku buryo uwagikoze bidashobora kumugwa amahoro.

Yagize ati “Amaraso buri gihe arahama, nta nkoramaraso irangiza neza ubuzima bwayo ku isi, nta nkoramaraso yigira yitwa intwari, ubuse interahamwe ni intwari?

Wakwica umwana ukica umubyeyi nawe warabyawe ukavuga ngo uzitwa intwari, ni byiza ko twese duharanira gushyira hamwe kugira ngo turusheho kubaka igihugu muri gahunda zitandukanye.”

Mutabazi Jean Pierre, umwe mu barokotse Jenoside yakorewe Abatutsi utuye mu murenge wa Ruganda, avuga ko aho u Rwanda rugeze rwiyubaka ko ntawakwifuza ko rwasubira inyuma.

Ati “Tujye tuzirikana aho tuvuye, dufite ubuyobozi bwiza, inzego z’umutekano, ku buryo n’amahanga atwigiraho, twirinde ingengabitekerezo ya Jenoside, duharanire icyaduteza imbere.”

Ku rwibutso rwa Ruganda hasorejwe icyumweru cy’icyunamo, hashyinguwe imibiri isaga ibihumbi 15.

Abaturage bo mu murenge wa Ruganda, basanga kwirinda ingengabitekerezo ya Jenoside, ari kimwe mu byabafasha kwimakaza ubumwe n’ubwiyunge kandi bagatera imbere mu buryo bwihuse.

 

Comments

 
 
Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Rusizi: Abataramenyekana bishe umusaza bamujugunya mu Kivu
Rusizi: Abataramenyekana bishe umusaza bamujugunya mu Kivu

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise (...)

Ngoma: Abarokotse Jenoside bifuza ko urwibutso rwa Zaza rwatwikiirwa
Ngoma: Abarokotse Jenoside bifuza ko urwibutso rwa Zaza rwatwikiirwa

Abacitse ku icumu rya Jenoside bafite ababo bashyinguwe mu rwibutso rwa Jenoside rwa Zaza, mu murenge wa Zaza, akarere ka Ngoma, baravuga ko bababazwa nuko uru rwibutso rudasakaye, bakifuza ko (...)

Rubavu:Abahoze ari abayobozi barokoye abatutsi muri Jenoside bashimiwe
Rubavu:Abahoze ari abayobozi barokoye abatutsi muri Jenoside bashimiwe

Ndabarinze Faustin wahoze ari Burugumesitiri w’icyahoze ari komini ya Mutura na Baributsa Juvenal wahoze ari Resiponsabure wa selile Hehu muri Segiteri ya Mutovu, akaba yari n’umuvugabutumwa, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.