Advertisement
 
 
 
 
 
 
 
 

Amakuru | Mu Ntara | Intara

Nta musore ukwiye guterwa ipfunwe no kwivuza ihungabana - Jeannette Kagame   

  Yanditswe na HAKIZIMANA YUSSUF
 5 months ago

 
 

Umufasha wa Perezida wa Repubulika , Jeannette Kagame, yasabye abanyarwanda kutagira ipfunwe ryo kwivuza ihungabana n’ubwo bwose mu muco nyarwanda bidakunze koroha ko abagabo bavuga akababaro kabo.

Ubwo yari mu muhango wo gutangiza ihuriro ry’ibiganiro bigamije kwiyubaka kw’abana b’abahungu barokotse Jenoside yakorewe Abatutsi mu 1994 mu kigo cy’amahugurwa cya Avega i Rwamagana, Jeannette Kagame yabasabye kudatinya kugaragaza ibibazo byabo ngo ni uko ari abasore.

Ati “Kwivuza ihungabana n’ihahamuka ntibikwiye kuzafatwa nka kirazira kuko ntimwabyiteye nta nubwo bikwiye kubaherana, ntidukwiye kumva ko nta musore ukwiye kwerekana ko afite ikibazo, cyangwa se ko yahungabanye abantu bose no ku myaka yose batekereze ku kibazo maze bakagana abafite ubumenyi n’ubushobozi kugira ngo bakire, kwivuza ihungabana iryo ari ryo ryose ntibikwiye kugira uwo bitera ipfunwe kuko kuribana ni byo bikomeye kurusha kwivuza.”

JPEG - 362.8 kb
Madamu Jeannette Kagame atangiza ihuriro ry’urubyiruko rworokotse Jenoside

Iryo huriro ryatangijwe ku bufatanye na Imbuto Foundation nyuma y’imyaka 3 hatangijwe iry’abakobwa ndetse aba bakobwa ni bo basabye Imbuto Foundation kuzashyiraho ihuriro ry’abahungu.

Madamu Jeannette Kagame yasabye rubyiruko kuzirikana ko urugendo rwo kwiyubaka rugikomeje, bahangana n’ingaruka za Jenoside yakorewe Abatutsi mu 1994 ndetse ko uruhare runini ari urwabo mu gukira ibikomere.

Mu itangizwa ry’iri huriro hatanzwe ibiganiro nyunguranabitekerezo byibanze ku butwari bwo kwiyubaka ndetse no gushyira hamwe nyuma ya Jenoside yakorewe Abatutsi mu 1994 dore abenshi bari muri iryo huriro mu gihe cya Jenoside bari bato ubu bakaba bamaze gukura.

Iryo huriro rigizwe n’abasore 200 bibumbiye muri AERG baturutse muri kaminuza atandukanye bakaba bagiye kuzafashwa uburyo bwo kuganirizwa no kubaka umwana w’umuhungu warokotse Jenoside utabasha kubona uwo yabwira ibibazo bye bakazabifashwamo n’inzobere zo mu bitaro bya kaminuza bya Kigali CHUK.

 

Comments

 
 
Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Rusizi: Abataramenyekana bishe umusaza bamujugunya mu Kivu
Rusizi: Abataramenyekana bishe umusaza bamujugunya mu Kivu

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise (...)

Ngoma: Abarokotse Jenoside bifuza ko urwibutso rwa Zaza rwatwikiirwa
Ngoma: Abarokotse Jenoside bifuza ko urwibutso rwa Zaza rwatwikiirwa

Abacitse ku icumu rya Jenoside bafite ababo bashyinguwe mu rwibutso rwa Jenoside rwa Zaza, mu murenge wa Zaza, akarere ka Ngoma, baravuga ko bababazwa nuko uru rwibutso rudasakaye, bakifuza ko (...)

Rubavu:Abahoze ari abayobozi barokoye abatutsi muri Jenoside bashimiwe
Rubavu:Abahoze ari abayobozi barokoye abatutsi muri Jenoside bashimiwe

Ndabarinze Faustin wahoze ari Burugumesitiri w’icyahoze ari komini ya Mutura na Baributsa Juvenal wahoze ari Resiponsabure wa selile Hehu muri Segiteri ya Mutovu, akaba yari n’umuvugabutumwa, (...)

Rubavu:Igiciro cy’ibirayi cyavuye ku mafaranga 200 kigera kuri 350 mu byumweru 2
Rubavu:Igiciro cy’ibirayi cyavuye ku mafaranga 200 kigera kuri 350 mu byumweru 2

Abaturage batuye mu mujyi wa Rubavu n’inkengero zawo mu karere Rubavu bavuga ko bahangayikishijwe n’izamuka ry’igiciro cy’ibirayi muri iyi minsi. Aba baturage bavuga ko mu gihe kitarenze ibyumweru (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.