Advertisement
 
 
 
 
 
 
 
 

Amakuru | Mu Ntara | Intara

Nkombo: Ntibatinya guharika abagore bane, bakababyaza abana hafi 30   

  Yanditswe na BAHUWIYONGERA SYLVESTRE
 September 2016

 
 

Ikibazo cy’ubuharike gikomeje gufata intera ndende mu murenge wa Nkombo, mu karere ka Rusizi aho usanga umugabo afite abagore bane kandi bikamutera ishema.

Abagabo bamwe bafite abagore 3 hakaba n’abafite 4, ibi bitera ubwinshi bw’abana bukabije, aho hari abagabo usanga umugabo umwe bafite abana babarirwa abana 20, kandi no mu bakiri bato bikaba bigaragara.

Musenyeri Bimenyimana Jean Damascène, umushumba wa Diyoseze gatulika ya Cyangugu, ubwo yahaga abakirisitu baho paruwasi nshya yasabye padiri mukuru yayishinze gufasha Leta guhangana n’ubu buharike bwugarije aka gace.

Yagize ati “ Uhuze abubatse ingo muganire, wumve ibibazo byabo, ba bagabo bafite abagore benshi, hano bakunda kuhaba, umenye uko biteye ufashe ubuyobozi kubikemura, ufashe abashinga ingo ubu ntibagakurikize abo bagabo.”

JPEG - 117.2 kb
Abana bariyongera ubutitsa ku kirwa cya Nkombo (KT)

Umwe mu bavuga rikijyana muri uyu murenge utarashatse ko izina rye ritangazwa yagize ati “ Ubuharike burahari. Burahari rwose, tukumva dukeneye kubiganiraho na Gitifu mushya, agafatanya n’amadini bakabuca. Burahari cyane kandi ababukora ntibihisha.”

Yakomeje agira ati “Dusanga byaratewe no kujenjeka k’ubuyobozi bwariho mu myaka ishize, kuko muri 2008, gitifu wari uhari yari atangiye kubuhagurukira ariko ubu bwarasubiriye cyane. Hano hari abagabo bafite abagore 4 ku mugaragaro, ugasanga afite nk’abana 30, ari yo mpamvu usanga hano hari abana benshi cyane bagiye kurenga n’ubushobozi bw’amashuri y’incuke n’abanza ahari.”

Padiri mukuru mushya Manirakiza Placide na we yagize ati “turifuza ko bakunda Imana bagakora icyo amahame ya Kiliziya ateganya, cyane cyane mu bijyanye n’amasakaramentu. Abantu ba hano ku Nkombo harimo abagiye batunze abagore benshi, bigatera ubwiyongere bukabije. Tugiye kubegera nk’uko twabihawemo inshingano.”

Umunyamabanga Nshingwabikorwa w’uyu murenge Rwango Jean de Dieu avuga ko atamaze igihe awuyobora ariko ko na we iki kibazo bakimusanganije n’ingaruka zacyo zikomeje kwigaragaza, agashima inkunga ya Kiliziya ihafite abayoboke barenga 51% by’abaturage bose, akizera ko ku bufatanye bw’izi nzego zose, bigiye kugabanuka.

 

Comments

 
 
Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Rusizi: Abataramenyekana bishe umusaza bamujugunya mu Kivu
Rusizi: Abataramenyekana bishe umusaza bamujugunya mu Kivu

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise (...)

Ngoma: Abarokotse Jenoside bifuza ko urwibutso rwa Zaza rwatwikiirwa
Ngoma: Abarokotse Jenoside bifuza ko urwibutso rwa Zaza rwatwikiirwa

Abacitse ku icumu rya Jenoside bafite ababo bashyinguwe mu rwibutso rwa Jenoside rwa Zaza, mu murenge wa Zaza, akarere ka Ngoma, baravuga ko bababazwa nuko uru rwibutso rudasakaye, bakifuza ko (...)

Rubavu:Abahoze ari abayobozi barokoye abatutsi muri Jenoside bashimiwe
Rubavu:Abahoze ari abayobozi barokoye abatutsi muri Jenoside bashimiwe

Ndabarinze Faustin wahoze ari Burugumesitiri w’icyahoze ari komini ya Mutura na Baributsa Juvenal wahoze ari Resiponsabure wa selile Hehu muri Segiteri ya Mutovu, akaba yari n’umuvugabutumwa, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.