Advertisement
 
 
 
 
 
 
 
 

Amakuru | Mu Ntara | Intara

Nkombo: Afungiwe gukubita umwana byo gupfa akekako atereta umukobwa we   

  Yanditswe na BAHUWIYONGERA Sylvestre
 4 months ago

 
 

Nyiramanza Thérèse w’imyaka 36 na musaza we Habimana Theogene, w’imyaka 24 bakubise umwana wiga mu mashuri abanza w’umuturanyi wabo bamugira intere bamuziza ko yaba ateretera umukobwa wabo bigana.

Nyiramanza utuye mu mudugudu wa Nyawenya, akagari ka Bigoga, mu murenge wa Nkombo, mu karere ka Rusizi, yahise atabwa muri yombi naho musaza we aburirwa irengero, umwana wakubiswe arwariye ku kigo nderabuzima cya Nkombo.

Umunyamabanga Nshingwabikorwa w’umurenge wa Nkombo, Rwango Jean Claude, yabwiye Imvaho Nshya ko hari saa kumi n’ebyiri z’umugoroba, ubwo Nshimiyimana Samuel w’imyaka 14, wiga mu mwaka wa gatanu mu ishuri ribanza rya Mparwe yavanaga ku ishuri n’umukobwa banganya imyaka.

JPEG - 306.8 kb
Umunyamabanga nshingwabikorwa w’umurenge wa Nkombo asaba abaturage kwirinda urugomo (Bahuwiyongera S.)

Rwango asobanura ko nyina w’umukobwa, Nyiramanza na musaza we bahise baza baramufata bamuzingira mu mwenda bamujyana mu nzu yabo, baramukingirana baramuhondagura ku buryo bukomeye cyane nawe ariko asakuza.

Abaturanyi bumvise urusaku baza gutabara basanga umwana yanegekaye bamwihutana ku kigo nderabuzima yenda gushiramo umwuka.

Gitifu Rwango ati “Tuvuye kumureba aho arembeye ku kigo nderabuzima cya Nkombo, umwana n’ubu amerewe nabi cyane, ibigaragara inyuma yakubiswe cyane inkoni nyinshi anashwaraturwa inzara ariko dufite impungenge ko yaba yanaviriye imbere kuko ubona ko amerewe nabi cyane, akomeje kwitabwaho n’abaganga n’umuryango we,igihe yaba akomeje kumererwa nabi yahita agezwa byihuse ku bitaro bya Gihundwe ni byo tugikurikirana.’’

Yongeyeho ati’’ Uwo mugore yafashwe azanwa hano ku murenge aho dutegereje ko polisi iza kumutwara akajya kubazwa iby’iri hohotera yakoreye uyu mwana, musaza we aracyashakishwa n’inzego zishinzwe umutekano,kuko igihe bafataga mushikiwe undi yakomeje kwikingirana mu nzu yanga gukingura,tugakeka ko yaba yaducitse cyangwa akihishe aho munzu,inzego zibishinzwe ziracyabikurikirana.’’

Uyu muyobozi avuga ko uyu mugore bamubajije akavuga ko yahoye uriya mwana ko yasanze amurangariza umukobwa baganira, gusa aba bana bombi bigana kuri ririya shuri ribanza, ngo nta bundi burara babazi ho, cyane cyane ko ari na bwo bari bakivana ku ishuri.

Ati’’ Twahise duhumuriza abaturage n’umuryango w’umwana wakubiswe, tubabwira ko kwihanira ari ikosa rikomeye,ko igihe habaye n’ikibazo umunyamakosa ashyikirizwa ubuyobozi bukagikurikirana aho kugira ngo umuntu yadukire umwana w’umuturanyi we ashake kumwica amuziza ubusa,kuko bishobora kuvamo amakimbirane akomeye hagati y’abaturanyi yabyara n’urupfu.’’

 

Comments

 
 
Abaturage b’i Musanze barasaba iminara izabahesha ’rezo’ ya telefoni
Abaturage b’i Musanze barasaba iminara izabahesha ’rezo’ ya telefoni

Abaturage batuye mu Murenge wa Muko mu karere ka Musanze barasaba ubuyobozi bubishinzwe kubashakira iminara yabafasha kubona ihuzanzira rya telefoni (Network), ngo kuko bakomeje gusigara inyuma (...)

Huye:  Abacikanwe n’amashuri barifuza kwiga indimi z’amahanga n’imyuga
Huye: Abacikanwe n’amashuri barifuza kwiga indimi z’amahanga n’imyuga

Abakuze bagana amasomero y’abakuze ngo bihugure mu gusoma no kwandika mu karere ka Huye, bagaragaje icyifuzo cy’uko bashakirwa uburyo bwihariye bwajya bubafasha gukomeza kwiga mu yandi mashuri (...)

Rwamagana:Abaturage basabwe kurwanya ihohoterwa rishingiye ku gitsina
Rwamagana:Abaturage basabwe kurwanya ihohoterwa rishingiye ku gitsina

Abaturage bo mu ntara y’Uburasirazuba barasabwa kurwanya ihohoterwa rishingiye ku gitsina n’irikorerwa abana, batanga amakuru y’abahohotewe ku gihe, bakanirinda kuzimangatanya ibimenyetso. Ubu ni (...)

APR FC   irasabwa intsinzi    ku mukino wa Zanaco FC
APR FC irasabwa intsinzi ku mukino wa Zanaco FC

APR FC-Zanaco FC (Amahoro-15h30) Ikipe ya APR FC irakina umukino wo kwishyura n’ikipe ya Zanaco FC yo muri Zambia mu mikino y’Afurika y’amakipe yabaye aya mbere iwayo “Total Caf Champions League (...)

Abaturage bo mu Ngororero babaga mu manegeka bahawe inzu zirimo televiziyo
Abaturage bo mu Ngororero babaga mu manegeka bahawe inzu zirimo televiziyo

Abagize imiryango 11 yari ituye mu manegeka mu murenge wa Kabaya mu karere ka Ngororero barashimira Leta yabavanye mu kaga k’ibiza byahoraga bibasenyera ubu bakaba batuye mu nzu nziza zirimo na (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.