Advertisement
 
 
 
 
 
 
 
 

Amakuru | Mu Ntara | Intara

Ngororero:Umuyoboro ugeza amazi ku baturage 8 000 warangiritse ntiwasanwa   

  Yanditswe na DUSINGIZUMUREMYI VESTINE
 2 months ago

 
 

Ubuyobozi bw’akarere ka Ngororero burasaba ikigo cy’igihugu gishinzwe gukwirakwiza amazi, WASAC, gukora ibishoboka byose umuyoboro w’amazi w’ibirometero 22 wadindiye mu isanwa ukihutishwa, kugira ngo abaturage ibihumbi umunani babashe kubona amazi.

Ibi ubuyobozi bw’akarere ka Ngoreroro bwabisabiye mu nama nyunguranabitekerezo y’Intara y’Uburengerazuba yabaye tariki ya 18 Ukwakira 2016, mu karere ka Karongi, igamije kwiga kuri serivise z’amazi isuku n’isukura.

Kanyange Christine, umuyobozi wungirije ushizwe iterambere ry’ubukungu mu karere ka Ngororero yasabye WASAC kubatabara ikabahera abaturage amazi.

Yagize ati “Mudufashe ku kibazo cy’umuyoboro wangiritse muri santere ya kabaya bitewe n’umuhanda wahakorewe, santere ya kabaya ifite abaturage ibihumbi umunani, ikagira Centre de santé n’ibitaro bya Kabaya.

JPEG - 355.9 kb
Abaturage bamaze umwaka bavoma amazi mabi (Foto Vestine D)

Kugeza ubu muri iyo santere nta mazi ahari, abaturage bameze nabi ku buryo ikibazo cy’umwanda kiramutse kije muri iyo santere byaba ari ibicika, twagiye muri RTDA batubwira ko umukozi ubishinzwe ari muri konje umwungiririje akaba ari mu butumwa hanze y’igihugu”.

Yongeraho ko bafite indi miyoboro ishaje ku buryo burenze ubushobozi bw’akarere, ariko ngo umuyoboro w’amazi Kageyo-Ngororero ungana n’ibirometero 22, akarere kamaze kwishyura miliyoni 180 zo kuwukora kazihaye WASAC kugeza ubu ikaba itarawukora.

Yongeraho ko uwo muyoboro wari mu mihigo ya 2015/2016 ari nabwo wari wateganyijwe kuzura, aho wagombaga kumara umwaka umwe.

Umuyobozi wa WASAC ushinzwe serivise z’amazi mu cyaro Mukanyamwasa Marie Josée, yavuze ko uwo muyoboro ugiye gukorwa.

Yagize ati “Koko akarere kagiranye amasezerano na WASAC kubakorera umuyobora Kageyo-Ngororero, navuganye n’abahubatse bavuga ko habayemo ibibazo ariko ko bari bashigaje ikigega, bagiye kucyubaka”.

Umunyamabanga nshingwabikorwa w’Intara y’Uburengerazuba Jabo Paul, agira inama uturere yo kujya bashyiraho amande y’ubukererwe kuri ba rwiyemezamirimo batubahirije igihe.

Yagize ati “Ni mujya mujya mu nzego bakababwira ko ubishinzwe ari muri konje cyangwa ari hanze mujye mukomeza mugere ku wamwohereje muri konje abereke uwo mwareba nibinanirana mugere ku muyobozi w’ikigo.

Ubutaha mujye musoma neza amasezerano mugiye gukorana na WASAC mushyireho n’amande y’ubukererwe kuko ni abacuruzi, kandi akarere uwo muhigo ushobora gutuma kaba aka nyuma.”

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Abaturage b’i Rubavu bishimiye ukwegura kwa bamwe mu bayobozi b’inzego z’ibanze
Abaturage b’i Rubavu bishimiye ukwegura kwa bamwe mu bayobozi b’inzego z’ibanze

Nyuma y’uko mu minsi ishize abayobozi b’utugari n’abakozi babungirije, n’abanyamabanga nshingwabikorwa b’imirenge mu turere tugize intara y’Uburengerazuba bagiye basezera ku mirimo yabo, bamwe mu (...)

Nyamasheke:Meya Kamari aramagana abadukanye ubugome bwo gutema inka
Nyamasheke:Meya Kamari aramagana abadukanye ubugome bwo gutema inka

Ubuyobozi bw’akarere ka Nyamasheke buravuga ko buhangayikishijwe n’abantu badukanye ingeso mbi yo gutema inka z’abaturage. Ni nyuma y’aho mu murenge wa Bushenge, mu karere ka Nyamasheke, umuturage (...)

Rubavu : Abubatse umudugudu w’icyitegererezo bamaze amezi ane bishyuza
Rubavu : Abubatse umudugudu w’icyitegererezo bamaze amezi ane bishyuza

Bamwe mu baturage bubatse inzu z’icyitegererezo mu kagari ka Muhira mu murenge wa Rugerero mu karere ka Rubavu, baravuga ko bamaze amezi ane bategereje kwishyurwa amafaranga agera kuri miliyoni 3 (...)

Ngoma:Imiryango itishoboye hafi 7000 imaze korozwa muri gahunda ya Girinka
Ngoma:Imiryango itishoboye hafi 7000 imaze korozwa muri gahunda ya Girinka

Ubuyobozi bw’akarere ka Ngoma butangaza ko kuva gahunda ya Girinka munyarwanda yatangira mu mwaka wa 2006, kugeza ubu inka zimaze korozwa imiryango itishoboye muri aka karere zimaze kurenga 6928. (...)

Ruhango: Abakora muri VUP bamaze amezi 4 badahembwa
Ruhango: Abakora muri VUP bamaze amezi 4 badahembwa

Abaturage bakora mirimo yo gutunganya imihanda no gucukura imirwanyasuri muri gahunda ya VUP mu murenge wa Kinihira ho mu karere ka Ruhango, baravuga ko bamaze igihe kigera ku mezi ane (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.