Advertisement
 
 
 
 
 
 
 
 

Amakuru | Mu Ntara | Intara

Ngororero: Perezida Kagame yatumye abaminisitiri batatu kwihanganisha abaturage   

  Yanditswe na NGORORERO DISTRICT
 May 2016

 
 

Minisitiri w’Ubutegetsi bw’Igihugu, Minisitiri ushinzwe Ibiza no gucyura Impunzi na Minisitiri w’Imirimo y’Inama y’Abaminisitiri ku wa 18 Gicurasi basuye abaturage bo mu karere ka Ngororero bahuye n’ibiza by’imvura n’inkangu zagwiriye amazu, babashyikiriza ubutumwa bwo kubihanganisha bwa Perezida Kagame.

Aba bayobozi bakiriwe na Guverineri w’Intara y’uburengerazuba, Mukandasira Caritas, Komite nyobozi y’Akarere n’abaturage b’aka karere.

Minisitiri Kaboneka Francis wari umushyitsi mukuru yabwiye abaturage ko Perezida Kagame yifatanyije nabo mu byago bahuye nabyo.

Yagize ati “Twazanye ubutumwa bwa Nyakubahwa Perezida wa Repubulika bwo kubihanganisha. Yongeyeho ko n’ubwo yasubitse uruzinduko yari yabageneye abijeje kuzaza nta kabuza.”

Minisitiri w’ibiza no gucyura impunzi Mukantabana Seraphine nawe yihanganishije ababuze ababo mu biza biherutse kwibasira imirenge inyuranye; avuga ko Guverinoma yose yifatanije n’abahuye n’ibibazo. Yaboneyeho kwibutsa abaturage kwita ku mabwiriza ajyanye no kuva mu manegeka.

Yagize ati “ Ndihanganisha abahuye n’ibiza nkaba nizeza abasenyewe bazasubizwa mu buzima bahozemo naho abakeneye ubundi bufasha bo batangiye kububona.”

Umuyobozi w’Akarere ka Ngororero, Ndayambaje Godefroid, yavuze ko ibiza bimaze guhitana abantu batandatu abenshi muri bo bagwiriwe n’inkuta z’inzu barimo. Ingo zasenyutse zigera kuri 450, imyaka yangiritse ku buso bwa hegitari 75, imihanda nayo yarangiritse nk’uwa Gatumba- Ndaro-Nyange ntukiri nyabagendwa.

Minisitiri Kaboneka yagarutse ku mirire mibi ikigaragara yemeza ko iyo abana bagwigingira bigira ingaruka ku muryango nyarwanda muri rusange.
Ati “Bishoboka bite ko abana bakigwigingira kandi gahunda ya Girinka imaze gukwira hirya no hino, abantu barigishijwe kurya indyo yuzuye no kugira uturima tw’igikoni. Hari n’imiryango itunze inka, hari ifite ubuhinzi busobanutse ariko ikarangwa n’imiririe mibi.”

Hagaragajwe ibibazo bya ba rwiyemezamirimo bambuye abaturage ku bikorwa remezo nk’imihanda, basabwa kubahiriza amasezerano bagirana n’abaturage.

Abayobozi b’akarere basabwe gusuzuma ako karengane kakava mu nzira. Ibindi byakunze kugaruka ni ibijyanye n’amakimbirane mu ngo ashingiye kw’ihohotrewa rishingiye ku mutungo no ku gitsina.

Hon. Kaboneka yibukije abaturage ko bagomba gukorana n’inzego zibegereye zikabakemurira ibibazo. Yabasabye kwivanamo ko Minisitiri runaka ariwe kamara kandi ubuyobozi bwarabagereye.

 

Comments

 
 
Rusizi:Ikibazo cy’imbwa zizerera zikarya abaturage cyahagurukiwe
Rusizi:Ikibazo cy’imbwa zizerera zikarya abaturage cyahagurukiwe

Ikibazo cy’imbwa zizerera zirya abantu mu karere ka Rusizi ngo ntigihangayikishije abaturage gusa, ahubwo gihangayikishije n’ubuyobozi, bukaba busaba abaturage kuba bihanganye igihe cy’imvura (...)

Karongi:Depite Musabyimana yasabye abaturage gukomera kuri ‘Ndi Umunyarwanda
Karongi:Depite Musabyimana yasabye abaturage gukomera kuri ‘Ndi Umunyarwanda

Depite Samuel Musabyimana, yasabye abaturage bo mu karere ka Karongi gukomeza gushyigikira gahunda y’ubumwe n’ubwiyunge, kuko ari byo bizatuma igihugu gikomeza kwihuta mu iterambere, kikaba (...)

Rubavu:Abifuza kuva mu manegeka batuyemo bemerewe amabati
Rubavu:Abifuza kuva mu manegeka batuyemo bemerewe amabati

Ubuyobozi bw’akarere ka Rubavu bwemereye amabati abaturage batishoboye bagera ku 120, bashaka kuva mu manegeka, mu rwego rwo kubafasha gutura mu mudugudu. Ubuyobozi bw’aka karere buvuga ko (...)

Musanze: Umukobwa w’imyaka 20 yihangiye umurimo umwinjiriza 250,000 ku kwezi
Musanze: Umukobwa w’imyaka 20 yihangiye umurimo umwinjiriza 250,000 ku kwezi

Umuhire Catherine, ni umukobwa w’imyaka 20 utuye mu murenge wa Muhoza, mu karere ka Musanze, uvuga ko mu gihe cy’imyaka 2 amaze akora umwuga wo gucura ibyuma bikoreshwa muri feri z’imodoka, ubu (...)

Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.