Advertisement
 
 
 
 
 
 
 
 

Amakuru | Mu Ntara | Intara

Ngororero: 21 bafungiwe kwangiza ishyamba rya Leta   

  Yanditswe na RNP
 April 2016

 
 

Abantu 21 bafungiwe kuri Sitasiyo ya Polisi ya Kavumu mu karere ka Ngororero, aho bakurikiranweho gucukura amabuye y’agaciro mu buryo butemewe n’amategeko bakanatema ibiti mu ishyamba rya Leta riri mu kagari ka Rugeshi, mu murenge wa Kavumu.

Umuyobozi wa Polisi mu karere ka Ngororero, Senior Superintendent of Police (SSP) Marc Gasangwa, yavuze ko aba bagabo bari barimo gucukura amabuye y’agaciro kandi batabifitiye uburenganzira, banatema ishyamba rya Leta ngo babone uko bakomeza gucukura amabuye nta nkomyi.

SSP Gasangwa yavuze ko aba bagabo bamaze gufatwa bavuze ko hari umuturage bakorera akaba ariwe wabahaye akazi ko gucukura aya mabuye.

Akaba yagize ati:”Uyu muturage nawe twamubajije niba afite icyangombwa kimwemerera gucukura amabuye y’agaciro, avuga ko yagishyikirije umurenge, tukaba turi gukorana n’ubuyobozi bw’umurenge ngo turebe ko koko icyo cyangombwa gihari.”

Yasobanuye ko gucukura amabuye y’agaciro mu buryo bunyuranyije n’amategeko ari icyaha kandi gihanwa n’amategeko y’u Rwanda.

Yabwiye abagitekereza ko bashobora kwitwikira ijoro bakajya gukora icyo cyaha nta mahirwe bafite kuko Polisi ifatanije n’abaturage yahagurukiye guta muri yombi ababikora ndetse no kubashyikiriza ubutabera.

Yagiriye inama abifuza kwinjira muri ako kazi ko gucukura amabuye y’agaciro kubanza kubisabira uburenganzira inzego zibishinzwe kugirango batangire kugakora mu mutuzo ntacyo bikanga.

Yavuze kandi ko imirimo yo gucukura amabuye y’agaciro mu buryo bunyuranyije n’amategeko bigira uruhare mu kwangiza ibidukikije ubusanzwe bifitiye akamaro gakomeye abanyarwanda bose.

Akaba yavuze ati:”gusarura ishyamba mu buryo bunyuranyije n’amategeko biri mu byangiza ibidukikije, kandi kwangirika kwabyo bigira ingaruka mbi ku buzima bw’abantu, ku rusobe rw’ibinyabuzima, no ku bukungu bw’igihugu muri rusange. Uwo ari we wese uzabikora amenye ko azafatwa akaryozwa ibyo yakoze."

Ingingo ya 438 y’igitabo cy’amategeko ahana ibyaha mu Rwanda, ivuga ko umuntu wese ukora imirimo y’ubushakashatsi cyangwa iy’ubucuruzi bw’amabuye y’agaciro mu buryo butemewe n’amategeko, ahanishwa igifungo kuva ku mezi atandatu kugeza ku mwaka umwe n’ihazabu y’amafaranga y’u Rwanda kuva kuri miliyoni eshatu kugeza kuri miliyoni icumi cyangwa kimwe gusa muri ibyo bihano.

Naho Ingingo ya 416 y’icyo gitabo yo ikavuga ko umuntu wese, mu buryo butubahiriza amategeko abigenga, utwika, utema cyangwa utemesha ibiti n’uwica inyamaswa mu mashyamba arinzwe, mu byanya birinzwe no muri Pariki z’Igihugu, ahanishwa igifungo kuva ku mezi atandatu (6) kugeza ku myaka ibiri (2) n’ihazabu y’amafaranga y’u Rwanda kuva ku bihumbi magana atatu (300.000) kugeza kuri miliyoni ebyiri (2.000.000) cyangwa kimwe gusa muri ibyo bihano.

 

Comments

 
 
Nyamasheke: Ba Gitifu b’utugari basabye moto zo kuborohereza akazi
Nyamasheke: Ba Gitifu b’utugari basabye moto zo kuborohereza akazi

Ikibazo cy’uburyo bwo kugera ku baturage hirya no hino mu midugudu igize utugari mu karere ka Nyamasheke ngo gikomeje kubera ihurizo abanyamabanga nshingwabikorwa b’utugari. Bavuga ko kugira ngo (...)

Ngoma: Abanywera itabi mu ruhame bazajya bacibwa amande y’amafaranga 5000
Ngoma: Abanywera itabi mu ruhame bazajya bacibwa amande y’amafaranga 5000

Ubuyobozi bw’akarere ka Ngoma buvuga ko mu rwego rwo kurengera ubuzima bw’abaturage hafashwe ingamba zo kubuza abanywi b’itabi kurinywera mu ruhame, uzabirengaho akazajya acibwa amande y’ibihumbi 5 (...)

Rusizi: Abaturage bo mu tugari 4 barinubira kubura ubavura
Rusizi: Abaturage bo mu tugari 4 barinubira kubura ubavura

Abaturage b’utugari twa Cyendajuru, Ntura, Rwega na Gakomeye bivuriza kuri poste de santé ya Ntura mu murenge wa Giheke, mu karere ka Rusizi, baravuga ko umuforomokazi umwe iri vuriro rifite (...)

Gakenke:Bajujubijwe n’abasore birirwa bicaye, bwakwira bakiba imyaka n’amatungo
Gakenke:Bajujubijwe n’abasore birirwa bicaye, bwakwira bakiba imyaka n’amatungo

Abaturage bo mu murenge wa Gakenke, akarere ka Gakenke, baratangaza ko babangamiwe na zimwe mu nsoresore zo muri uyu murenge ngo zirirwa zicaye bwakwira zikirara mu ngo zikiba amatungo mu biraro, (...)

Rubavu:  Batewe inkeke n’insoresore zitegera abantu mu nzira zikabambura
Rubavu: Batewe inkeke n’insoresore zitegera abantu mu nzira zikabambura

Bamwe mu baturage batuye mu murenge wa Gisenyi mu karere ka Rubavu cyane mu mujyi wa Rubavu, bavuga ko hari uduce dutandukanye batagipfa kunyuramo mu masaha ya nijoro kubera insoresore z’amabandi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.