Advertisement
 
 
 
 
 
 
 
 

Amakuru | Mu Ntara | Intara

Ngoma: Yishe umugabo we amuta mu musarani bimenyekana nyuma y’imyaka itanu   

  Yanditswe na Manishimwe Noël
 May 2016

 
 

Nyamvura Claudine wo mu mudugudu w’Urutare, akagari ka Karaba, umurenge wa Karembo, mu karere ka Ngoma akurikiranweho kwica umugabo we, Mutsindashyaka Prosper, akamuta mu musarani akajya abwira abantu ko yagiye gupagasa imahanga

Hari hashize igihe kingana n’imyaka hafi itanu abaturage bibaza aho nyakwigendera Mutsindashyaka yagiye, ngo babaza umugore we akabasubiza ko yagiye gushakisha imibereho muri Uganda.

Mutabazi Kennedy, Umunyamabanga Nshingwabikorwa w’ Umurenge wa Karembo yabwiye Imvaho Nshya ko umuvandimwe wa nyakwigendera Mutsindashyaka ari we watanze amakuru ko yaburiwe irengero mu buryo budasobanutse.

Mutabazi yasobanuye ko guhanahana amakuru byavuyemo ko umugore wa nyakwigendera, Nyamvura Claudine, yabonye byamurangiranye akemera gutangariza ubuyobozi ko ariwe wiyiciye umugabo we mu kwezi kwa Kamena mu 2011 aho yamutaye mu musarani hanyuma agahita uwusiba agacukuza undi

Yagize ati “Nyuma y’uko amakuru tuyamenye tuyabwiwe n’umuvandimwe we bavukana, twasabye ko polisi itwemerera tukajya mu rugo rw’uwo mugore, twaracukuye, nubwo ayo makuru atayemeraga , tumaze gukoresha umuganda w’umudugudu turacukura tugera ku mubiri w’umugabo we yishe mu myaka 5, kubera ko na we twari twamuzanye, nibwo yatubwiye ati ‘ mureke noneho mbambwize ukuri uko byagenze.’

Mutabazi yakomeje ati” Yatubwiye ko nyuma y’uko yashwanaga n’umugabo, abavandimwe ngo bamugiriye inama yuko yamwica, amwicira mu nzu, twe twari tuzi ko yamwifashije ariko tumubajije amakuru turi kumwe na Polisi yatubwiye ko yafatanyije n’abandi bagabo babiri aribo yanadutungiye agatoki bafatirwa aho bari mu muganda; ni abaturanyi barimo na muramu we.”

Nyamvura yatawe muri yombi kuwa 30 Mata 2016. Aramutse ahamwe n’icyaha cyo kwica yabigambiriye akurikiranweho, yahanwa n’ingingo 140 yo mu gitabo cy’amategeko ahana ibyaha mu Rwanda giteganya igifungo cya burundu.

Umunyamabanga Nshingwabikorwa w’Umurenge wa Karembo yasabye abaturage kwirinda amakimbirane, kwicungura umutekano no kujya bihutira gutanga amakuru ku gihe.

 

Comments

 
 
Barasaba Akarere ka Nyanza  kubishyuriza asaga miliyoni bambuwe na Rwiyemezamirimo
Barasaba Akarere ka Nyanza kubishyuriza asaga miliyoni bambuwe na Rwiyemezamirimo

Abaturage bo mu karere ka Nyanza bahawe akazi mu bikorwa byo kubaka isoko ry’amatungo, ibagiro n’ubwiherero mu isoko rya Rurangazi riherereye mu mu murenge wa Nyagisozi, barasaba ubuyobozi (...)

Rubavu:Barasaba ubufasha bwo kubaka inzu 25 zangijwe n’imvura ivanze n’umuyaga
Rubavu:Barasaba ubufasha bwo kubaka inzu 25 zangijwe n’imvura ivanze n’umuyaga

Mu gihe cy’icyumweru kimwe inzu zigera kuri 25 mu tugari tubiri tw’umurenge wa Busasamana mu karere ka Rubavu yibasiriwe bikomeye n’imvura ivanze n’umuyaga, yagurukanye ibisenge byazo. Abafite inzu (...)

Abadindiza Girinka barye bari menge - Guverineri Musabyimana
Abadindiza Girinka barye bari menge - Guverineri Musabyimana

Mu gihe hatangizwaga gahunda y’icyumweru cyahariwe Girinka Munyarwanda mu ntara y’Amajyaruguru, Guverineri Musabyimana Jean Claude, yihanangirije bamwe mu bayobozi bagira uruhare mu kudindiza iyi (...)

Kirehe: Bugarijwe n’ubujura bakeka ko bukorwa n’abari mu nkambi ya Mahama
Kirehe: Bugarijwe n’ubujura bakeka ko bukorwa n’abari mu nkambi ya Mahama

Abaturage bo mu kagari ka Munini, umurenge wa Mahama mu karere ka Kirehe baravuga ko babangamiwe n’abajura babiba mu ngo ibyiganjemo imyaka n’amatungo, no mu mirima, bagatanguranwa gusarura imyaka (...)

Akarere ka Ngoma kiyemeje gukurikirana ikibazo cy’abubatse ibiro by’akagari ntibishyurwe
Akarere ka Ngoma kiyemeje gukurikirana ikibazo cy’abubatse ibiro by’akagari ntibishyurwe

Ubuyobozi bw’akarere ka Ngoma buvuga ko bwohereje agagenzuzi gukurikirana ikibazo cy’abaturage bavuga ko bahawe akazi ko kubaka ibiro by’akagari k’Akagarama ntibishyurwe. Aba baturage bo mu (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.