2017-10-18 07:01:40 clouds 27o High | Kigali Rwanda

Dukurikire:
 
 

Ngoma:Urubyiruko rusaga 20,000 ruzatora Perezida wa Repubulika ku nshuro ya mbere

Yanditswe na IMVAHO NSHYA

Kuya 2017-06-19 15:15:59

 
Share on:
 
Yasuwe:50
 
Yavuzweho:200
 
10
 
10

Umuhuzabikorwa wa Komisiyo y’igihugu y’amatora mu ntara y’Uburasirazuba, Rwigamba Frank, avuga ko amatora ya Perezida wa Repubulika azaba muri Kanama, azitabirwa n’urubyiruko rusaga ibihumbi 20 ruzaba rugiye gutora ku nshuro ya mbere.

Rwigamba avuga uru rubyiurko rwujuje imyaka 18 irwemerera kwitabira amatora, ariko rudafite indangamuntu, mu gihe ubusanzwe indangamuntu ari kimwe mu byangombwa utora asabwa kuba afite, ariko aba bo ngo bazoroherezwa gutora, bityo badakwiye kubigiraho impungenge.

Avuga ko mu matora ya Perezida wa Repubulika y’u Rwanda ateganyijwe ku matariki ya 3 na 4 Kanama 2017, ngo uwo imyirondoro ye izaba iri ku lisiti y’itora azemererwa gutora.

Yagize ati “Kuri lisiti y’itora byagaragaye ko dufiteho abantu n’imyirondoro yabo, ariko batarabona amarangamuntu. Ejobundi turi kubigenzura twari twafashe umwanzuro ko abantu bagiye gutora bwa mbere, tubaha ikarita z’itora, kuko icyari cyagaragaye ni uko hari abantu byagaragaye ko bagejeje imyaka 18 ariko twareba tugasanga nta bwo barafotorwa ngo bahabwe amarangamuntu, kandi nabo bafite uburenganzira bwabo bwo gutora.”

JPEG - 217 kb
Umuhuzabikorwa wa Komisiyo y’Igihugu y’Amatora mu ntara y’u Burasirazuba, RwigambaFrank

Akomeza avuga ko mu karere ka Ngoma, hakozwe amakarita y’itora agera ku bihumbi 23 y’abantu bazatora bwa mbere.

Yagize ati “Mu karere ka Ngoma hari abantu barenga ibihumbi 20 bagejeje igihe cyo gutora, badafite amarangamuntu.Icyo twakoze, twakoreye amakarita y’itora y’abantu bagiye gutora bwa mbere, twazanye agera ku bihumbi 23.Twizeye ko ibyo bizadufasha kuri wa muntu wari uri mu karer , agejeje igihe cyo gutora.”

Rwigamba Frank anavuga ko umuntu udafite ikarita y’itora bitewe n’impamvu zitandukanye zirimo nk’abazitaye, abazibuze mu buryo butandukanye ariko akaba ari kuri lisiti y’itora, afite n’indangamuntu, na we yemerewe gutora, kubera ko kuri lisiti y’itora haba hariho izina rye, nomero y’indangamuntu n’ifoto.

Icyo Komisiyo y’amatora isaba abajeje imyaka yo gutora batarafata amakarita y’itora yabo, ni ukwihutira kuyafata.

Kugeza ubu mu karere ka Ngoma, mu rubyiruko rusaga ibihumbi 20 rugejeje igihe cyo gutora (imyaka 18), abamaze gufata amakarita yabo y’itora bagera kuri 81%.

MANISHIMWE NOËL

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE