Advertisement
 
 
 
 
 
 
 
 

Amakuru | Mu Ntara | Intara

Ngoma: Umusore afungiwe kwiba ibendera ry’akagari   

  Yanditswe na Manishimwe Noël
 1 month ago

 
 

Inzego z’umutekano mu karere ka Ngoma zataye muri yombi uwitwa Niyigena Methode w’imyaka 27, ukekwaho kwiba ibendera ry’igihugu ryari ku kagari ka Mvumba, mu murenge wa Murama, mu karere ka Ngoma ku mugoroba wo kuwa 27 Ukwakira 2016.

Mu gitondo cyo kuri uyu wa 28 Ukwakira 2016, hacicikanye amakuru y’uko ibendera ry’igihugu ryari ku biro by’akagari ka Mvumba ryibwe, nyuma y’uko abaraye irondo bagereye kuri ibyo biro ahagana i saa tatu z’ijoro bagasanga ridahari.

Mu kiganiro n’Imvaho Nshya, Buhiga Josué, Umunyamabanga Nshingwabikorwa w’umurenge wa Murama yavuze ko kugeza ubu ibendera ryari ku kagari ka Mvumba ritaraboneka, gusa ngo hatawe muri yombi ukekwaho kuryiba.

JPEG - 239.7 kb
Ibendera ni ikirango gikomeye cy’igihugu kigomba gucungirwa umutekano (Manishimwe N.)

Avuga ko hari n’abaturage bavuga ko bamubonye yizerereza ku kagari ku mugoroba ryibweho.

Yagize ati “ Ryakomeje kubura. Twakoze inama n’abaturage bose, hazagukekwa umuntu witwa Niyigena Methode wo mu mudugudu wa Rugarama. Ni umuntu bari basanzwe baziho amanyanga no kunywa urumogi. Hari umuturage wari ugiye guhaha uhamya ko yamuboye ku kagari saa moya, aramubaza bati urakora iki aho ku ibendera? amusubiza ko ngo hari utubooro (utuntu) yahasize. Agarutse, asanga ibendera ridahari”

Akomeza avuga ko nyuma yo kumenya ayo makuru bihutiye kujya gushaka ukekwa, yabona imodoka, agahungira mu ishyamba.

Agira ati “Nyuma yo kutubwira ko yahasize uwitwa Niyigena Methode, kandi twari dusanzwe tumuziho gukora ibyaha, twagiye kumushaka turi kumwe n’inzego z’umutekano, atubonye ariruka, yinjira mu ishyamba”

Gitifu Buhiga akomeza avuga ko ko ahagana i saa sita z’ijoro kuri uyu wa 28 Ukwakira 2016, aribwo irindo ryakajijwe cyane rigata muri yombi Niyigena.

Yashyikirijwe inzego za Polisi ngo zikorere iperereza, ubu ari mu maboko ya Polisi kuri sitasiyo ya Kibungo, gusa ngo we arabihakana.

Buhiga Josué avuga ko kwiba ibendera byagaragaje ko irondo ryo mu kagari ka Mvumba ryagize intege nkeya. Kuko ibendera ryibwe hagati ya saa moya na saa tatu z’umugoroba, kandi abagombaga kurirara bari batarahagera, bahageze nyuma basanga ryamaze kwibwa.

Zimwe mu ngamba zafashwe zirimo ko saa kumi n’ebyiri z’umugoroba abarara irondo bagomba kuba baritangiye kandi ku nyubako za Leta zose bakaba bahari.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Karongi:Abatuye i Mutuntu bategereje bisi bijejwe amaso ahera mu kirere
Karongi:Abatuye i Mutuntu bategereje bisi bijejwe amaso ahera mu kirere

Bamwe mu baturage bo mu murenge wa Mutuntu mu karere ka Karongi, barasaba ubuyobozi bwabo kubafasha kubona imodoka ziborohereza mu ngendo, by’umwihariko bisi bemerewe na n’ubu bagitegereje. Aba (...)

Bafungiye kunyereza miliyoni 58 za koperative y’abajyanama b’ubuzima
Bafungiye kunyereza miliyoni 58 za koperative y’abajyanama b’ubuzima

Abantu batandatu bafungiye kunyereza amafaranga arenga miliyoni 58 ya koperative y’abajyanama b’ubuzima bo mu murenge wa Bweyeye mu karere ka Rusizi. Abafunze barimo umuyobozi n’umucungamutungo (...)

Rusizi: Yatemberejwe umujyi wose ahetse ihene yibye
Rusizi: Yatemberejwe umujyi wose ahetse ihene yibye

Bamwe mu baturage b’umurenge wa Bugarama, mu karere ka Rusizi, baravuga ko bakomeje kubabazwa no kubyuka bagasanga amatungo yabo cyane cyane ihene n’ingurube zibwe, ndetse zimwe zigateshwa abajura (...)

Ngoma:Ntibiyumvisha uburyo bahendwa n’amashanyarazi ‘utanacomekaho radiyo ngo ivuge’
Ngoma:Ntibiyumvisha uburyo bahendwa n’amashanyarazi ‘utanacomekaho radiyo ngo ivuge’

Abaturage bo mu kagari ka Karenge, umurenge Jarama bavuga ko umuriro w’amashanyarazi bahawe ntacyo ubamariye uretse kubahombya, kuko ngo bawutangaho ikiguzi cy’amafaranga menshi kandi nta musaruro (...)

Rubavu: Abaturage bashinja abunzi bita ’abanyenzara’ kwaka ruswa
Rubavu: Abaturage bashinja abunzi bita ’abanyenzara’ kwaka ruswa

Bamwe mu baturage bo mu mirenge itandukanye mu karere ka Rubavu, baratunga urutoki abunzi kurangwa na ruswa mu mikirize y’imanza, bakifuza iki kibazo cyashakirwa umuti. Aba baturage banuganuga (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.