Advertisement
 
 
 
 
 
 
 
 

Amakuru | Mu Ntara | Intara

Ngoma: Umusaza yatemaguye abana be yicamo umwe, na we agerageza kwiyahura   

  Yanditswe na Noel MANISHIMWE
 September 2016

 
 

Munyemana Alphonse wo mu kagari ka Ntovi, umurenge wa Rukumberi, akarere ka Ngoma yadukiriye abana be abatemaguza isuka mu mitwe yica umwe w’ imyaka itatu, undi arakomereka, nawe yiyahuza ibinini by’imbeba ariko ntiyapfa ku wa 2 Nzeri 2016.

Abaturage bo muri ako gace bavuga ko byabaye umugore wa Munyemana yagiye guhinga mu masaha ya mbere ya saa sita, uyu mugabo agategeka umwana we mukuru w’imyaka 12 n’umuto w’imyaka 3 kwinjira mu nzu.

Aba bombi bamaze kwinjira mu nzu, se yinjirana isuka, abasangamo atangira kubatemagura atababariye mu mutwe, umukuru aramucika ariruka, asigarana umuto.

Abaturanyi b’uyu muryango nyuma yo kumva urusaku n’amarira, basanze umwana muto akiri muzima, ariko ari kuvirirana bikomeye, yihutishwa ku kigo nderabuzima cya Rukumberi, naho ntiyahatinda, yoherezwa ku bitaro bikuru bya Kibungo, aho yaje gupfira mu ijoro ryo ku wa 2 Nzeri 2016.

JPEG - 62.3 kb
Munyemana Alphonse w’imyaka 70 nyuma yo gutemagura abana be , umwe agapfa, nawe yagerageje wkiyahura ntiyahita apfa , aha ari mu bitaro bya Kibungo

Munyemana Alphonse w’imyaka 70 ntasobanura impamvu nyakuri yamuteye kwirara mu bana be no kubatemagura, gusa ngo ntiyari abanye neza n’umugore we witwa ‘Kanzayire Sylvanie’ ku buryo ngo ari na we yahoraga agambirira kwica.

Ngo icyo yajyaga apfa n’aba bana be, ni uko hari ubwo bajyaga bamena ibitaka (umukungungu) mu biryo yatetse.

Akimara gutemagura aba bana be Munyemana yanyoye umuti wica imbeba zo mu nzu, agerageza kwiyahura, gusa asangwa atarapfa, ahita ajyanwa kwa muganga, ubu arwariye mu bitaro bikuru bya Kibungo.

Kanzayire Slyvanie, umugore w’uyu mugabo, na we yemeza ko bari bafitanye amakimbirane kuko yari aheruse gutanga amakuru ko uyu mugabo we yibye, agatabwa muri yombi.

JPEG - 77.7 kb
Uyu mwana yishwe n’ibikomere nyuma yo gutemagurwa na se

Gusa agaragaza ko atari azi ko umugabo we afite umugambi wo kumwambura ubuzima no kuba yakorera ubugome abana be yibyariye bene ako kageni.

Nshimiyimana Protais, umukozi ushinzwe iterambere n’imibereho myiza y’abaturage mu kagari ka Ntovi yabwiye Imvaho Nshya ko uyu muryango wimukiye muri aka kagari vuba, waje uturutse mu Ruhengeri, ku buryo n’ibibazo by’amakimbirane wari ufitanye bitari byakamenyekanye.

Avuga ko ibibazo by’amakimbirane, bivamo n’ubwicanyi mu miryango y’abimukira atari ubwa mbere bibaye muri ako gace, kuko hari n’undi mugabo uherutse gutema umugore we agapfa.

Munyemana Alphonse nubwo akiri mu bitaro bikuru bya Kibungo, aho ari kwitabwaho n’abaganga, ari mu burinzi bukomeye, kugira ngo nakira azashyikirizwe ubutabera, ahanirwe ibyaha yakoze , hakurikijwe amategeko.

 

Comments

 
 
Rusizi:Ikibazo cy’imbwa zizerera zikarya abaturage cyahagurukiwe
Rusizi:Ikibazo cy’imbwa zizerera zikarya abaturage cyahagurukiwe

Ikibazo cy’imbwa zizerera zirya abantu mu karere ka Rusizi ngo ntigihangayikishije abaturage gusa, ahubwo gihangayikishije n’ubuyobozi, bukaba busaba abaturage kuba bihanganye igihe cy’imvura (...)

Karongi:Depite Musabyimana yasabye abaturage gukomera kuri ‘Ndi Umunyarwanda
Karongi:Depite Musabyimana yasabye abaturage gukomera kuri ‘Ndi Umunyarwanda

Depite Samuel Musabyimana, yasabye abaturage bo mu karere ka Karongi gukomeza gushyigikira gahunda y’ubumwe n’ubwiyunge, kuko ari byo bizatuma igihugu gikomeza kwihuta mu iterambere, kikaba (...)

Rubavu:Abifuza kuva mu manegeka batuyemo bemerewe amabati
Rubavu:Abifuza kuva mu manegeka batuyemo bemerewe amabati

Ubuyobozi bw’akarere ka Rubavu bwemereye amabati abaturage batishoboye bagera ku 120, bashaka kuva mu manegeka, mu rwego rwo kubafasha gutura mu mudugudu. Ubuyobozi bw’aka karere buvuga ko (...)

Musanze: Umukobwa w’imyaka 20 yihangiye umurimo umwinjiriza 250,000 ku kwezi
Musanze: Umukobwa w’imyaka 20 yihangiye umurimo umwinjiriza 250,000 ku kwezi

Umuhire Catherine, ni umukobwa w’imyaka 20 utuye mu murenge wa Muhoza, mu karere ka Musanze, uvuga ko mu gihe cy’imyaka 2 amaze akora umwuga wo gucura ibyuma bikoreshwa muri feri z’imodoka, ubu (...)

Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.