Advertisement
 
 
 
 
 
 
 
 

Amakuru | Mu Ntara | Intara

Ngoma: Umuriro muke wahejeje imashini z’uruganda mu bubiko   

  Yanditswe na MANISHIMWE NOËL
 1 month ago

 
 

Abanyamuryango ba Koperative COPROVIBA ifite uruganda rukora divayi iva mu bitoki, mu murenge wa Mutenderi, akarere ka Ngoma bavuga ko bakomerewe nuko bazanye imashini zigezweho ngo zibafashe gutunganya neza umusaruro w’ibitoki ariko bakaba bafite ikibazo cy’umuriro w’amashanyarazi ukiri muke.

Koperative itunganya divayi yo mu bitoki, yitwa ‘Ibanga’; Igizwe n’abanyamuryango 20, igakorana n’abahinzi b’urutoki basaga 200, bo mu turere twa Kirehe na Ngoma bayigemurira ibitoki.

Nk’ubu bigaragazwa n’abanyamuryango bayo, ngo Ikigo cy’Ubuziranenge (RSB) giherutse kubasaba ko bakoresha imishini zisumbuyeho, kugira ngo banoze imitunganyirize y’inzoga bakora, ibe yujuje ubuziranenge.

JPEG - 138 kb
Amashanyarazi yo muri ako gace afite ingufu zitahagurutsa izo mashini (ububiko)

Gatabazi Célestin Ushinzwe gutunganya iyi nzoga avuga ko bihutiye kugura no kuzana imashini, nyamara ngo ubu bahangayikishijwe nuko bazibitse gusa, nyuma basanga umuriro w’amashanyarazi bafite mu gace bakoreramo mu murenge wa Mutenderi, ari muke, ku buryo utabasha kuzikoresha.

Yagize ati “Ubuziranenge bwadusabye ko twakoresha iterambere, tugakoresha imashini, ubu imashini twamaze kuzibona, twaranazizanye, ariko twagize imbogamizi y’umuriro udahagije ku buryo utabasha gukoresha izo mashini. Twifuza ko ubuyobozi bwadufasha, tukabona umuriro uhagije, tukabasha gukoresha izo mashini icyo zigomba gukora , kuko ubu zirabitse gusa, kuko ntacyo tubasha kuzikoresha”

Umuyobozi w’Akarere ka Ngoma, Nambaje Aphrodise, yemera ko umuriro uri i Mutenderi ushobora kuba udahagije koko; gusa agira inama iyi Koperative yo kwegera ahacururizwa ingufu z’amashanyarazi kuko bashobora kubafasha, bakabaha igikoresho bacomeka kuri izo mashini bafite, zikabasha gukoresha wa muriro muke uhari.

Yagize ati “Hari utundi twuma bacomeka kuri izo mashini baguze zikabasha gukoresha wa muriro bita muke uhari, bajya mu bacuruza izo ngufu z’amashanyarazi babafasha kugira ngo zibashe gukoresha wa muriro muke, hari akuma kagura miliyoni 3, ariko yazaza no ku biro byacu tukamufasha, twamuhuza n’ababishinzwe”

Ubuyobozi bw’akarere ka Ngoma buvuga ko muri rusange, muri aka karere hari ikibazo cy’uko umuriro w’amashanyarazi bahawe na Leta binyuze mu mufatanyabikorwa witwa STEG imbaraga zawo zidahagije, bukagira inama abagura ibikoresho bikoreshwa n’amashanyarazi kujya babanza kureba niba ibyo bagiye kugura, byakoreshwa n’uwo muriro.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Huye:Abahabwaga ingoboka barasaba gusubizwa imisanzu batanze ngo bubake igorofa
Huye:Abahabwaga ingoboka barasaba gusubizwa imisanzu batanze ngo bubake igorofa

Abahabwaga inkunga y’ingoboka mu murenge wa Mbazi mu karere ka Huye, barasaba ko amafaranga bagiye bizigamira ngo hazubakwe inzu y’igorofa n’amacumbi yo gukodeshwa bayasubizwa bakayikenuza, kuko ngo (...)

Rubavu: Inzu y’umuryango wa Rubangura yibasiwe n’inkongi y’umuriro
Rubavu: Inzu y’umuryango wa Rubangura yibasiwe n’inkongi y’umuriro

Inzu y’umuryango w’umushoramari nyakwigendera Rubangura iherereye mu kagari k’amahoro, umurenge wa Gisenyi mu karere ka Rubavu yibasiwe n’inkongi y’umuriro yangirikiramo ibintu byinshi mu ijoro (...)

Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Huye:Abakoreye ibyahoze ari amakomine barishyuza Akarere ka Huye asaga miliyoni 11
Huye:Abakoreye ibyahoze ari amakomine barishyuza Akarere ka Huye asaga miliyoni 11

Abahoze ari abakozi b’ibyahoze ari amakomine yahurijwe mu karere ka Huye, barishyuza aka karere amafaranga asaga miliyoni cumi n’imwe bakoreye mbere yo guhagarikwa ku mirimo bakoraga. Hashize (...)

Rusizi: Bamwe mu bakirisito binubira kubatirizwa mu mazi mabi
Rusizi: Bamwe mu bakirisito binubira kubatirizwa mu mazi mabi

Bamwe mu bayoboke b’amatorero ya gikirisitu akorera mu karere ka Rusizi mu binubira kubatirizwa mu mazi mabi y’ibishanga. Abaganiriye n’Imvaho Nshya bagaragaza ko iyo hateguwe umubatizo, bisaba ko (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.