Advertisement
 
 
 
 
 
 
 
 

Amakuru | Mu Ntara | Intara

Ngoma: Umunyeshuri yamize agafuniko k’ikaramu arapfa   

  Yanditswe na Manishimwe Noël
 5 months ago

 
 

Batamuriza Jeannine, w’imyaka 13, wigaga mu mwaka wa kane mu kigo cy’amashuri abanza cya Rukira, mu karere ka Ngoma yapfuye nyuma yo kumira agafuniko k’ikaramu, atangira kuruka, ajyanwa kwa muganga ikitaraganya ariko ahita ashiramo umwuka.

Umunyamabanga Nshingwabikorwa w’umurenge wa Murama, ishuri ribanza rya Rukira riherereyemo, Buhiga Josué yabwiye Imvaho Nshya ko byamenyekanye ahagana saa cyenda z’umugoroba kuri uyu wa 04 Ukwakira 2016.

Yagize ati “Uwo mwana afite imyaka 13, yigaga mu mwaka wa 4, mu ishuri ribanza rya Rukira, byabaye saa munani n’iminota 50 gutyo, abarimu batubwiye ko umwana yamize umufuniko w’ikaramu (bouchon), nyuma babona ko umwana aruka, bahita batabaza kuko abana bari begeranye bari babonye icyo yariye.”

JPEG - 47.9 kb
Yari yabanje guhekenya ako gafuniko

Akomeza avuga ko nyuma yo kubona bikomeye abarimu bihutiye kumugeza ku kigo nderabuzima cya Rukira, kiri muri metero zirenga 12 uvuye kuri icyo kigo cy’amashuri abanza, akihagezwa ahita apfa.

Gitifu ati “Abana bavuga ko yari yabanje kuwukanjakanja, ku buryo bikekwa ko yawumize bimutunguye, nyuma rero baramwihutanye, bakimugeza kwa muganga bakoze ibishoboka byose, ariko mu minota itarenze 3, umwana aba aracikanye (arapfuye)”

Nyuma y’urupfu rwa Batamuriza Jeannine, ubuyobozi bw’umurenge wa Murama n’ ubuyobozi bw’ishuri ribanza rya Rukira bahumirije abanyeshuri n’ababyeyi ba nyakwigendera.

Nyakwigendera Batamuriza avuka kuri Hategekimana Petero na Nyirabagenzi Jeannette, batuye mu murenge wa Rukira, akagari ka Buriba. Umurambo we urashyingurwa ku gicamunsi cyo kuri uyu wa 05 Ukwakira 2016.

 

Comments

 
 
Kirehe: Abafashwa na FARG Bifuza kugabanyirizwa amafaranga bashoraga mu mushinga
Kirehe: Abafashwa na FARG Bifuza kugabanyirizwa amafaranga bashoraga mu mushinga

Abarokotse Jenoside yakorewe Abatutsi bagera kuri 49, bo mu kagari ka Nyabitare, umurenge wa Nyarubuye bagenerwa inkunga binyujijwe mu kigega gifasha abarokotse Jenoside yakorewe Abatutsi mu 1994 (...)

Rubavu: Abatuye mu mbago z’ikibuga cy’indege cya Gisenyi basonewe imisoro
Rubavu: Abatuye mu mbago z’ikibuga cy’indege cya Gisenyi basonewe imisoro

Inama Njyanama y’akarere ka Rubavu yafashe umwanzuro wo gusonera imisoro abaturage baturiye ikibuga cy’indege cya Gisenyi, nyuma y’imyaka irenga 8 barahagaritswe kugira ibikorwa by’iterambere (...)

Amajyaruguru: Hari kwigwa itegeko rihana abakora uburobyi mu buryo butemewe
Amajyaruguru: Hari kwigwa itegeko rihana abakora uburobyi mu buryo butemewe

Minisiteri y’Ubuhinzi n’Ubworozi iratangaza ko hari kwigwa itegeko rihana ba rushimusi mu biyaga byo mu Rwanda kuko batuma umusaruro w’amafi utiyongera bigatera igihombo abakora ubu bworozi. Intara (...)

Rubavu: Abamaze imyaka itatu batagira amazi bagiye gusubizwa
Rubavu: Abamaze imyaka itatu batagira amazi bagiye gusubizwa

Akarere ka Rubavu karahumuriza abaturage bamaze imyaka igera kuri 3 batagira amazi mu ngo zabo bakavuga ko bamaze gukora amasezerano n’ikigo cy’igihugu cy’amazi, isuku n’isukura, WASAC, ku buryo (...)

Bamwe mu bacururiza ku mupaka wa Rusizi I bahawe amezi 2 yo kuba bimutse
Bamwe mu bacururiza ku mupaka wa Rusizi I bahawe amezi 2 yo kuba bimutse

Ubuyobozi bw’akarere ka Rusizi burasaba abagize urugaga rw’abikorera muri aka karere n’abacuruzi bakorera ku mupaka wa Rusizi ya mbere, kwicara hamwe bitarenze amezi 2 bakareba bimwe mu bicuruzwa (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.