Advertisement
 
 
 
 
 
 
 
 

Amakuru | Mu Ntara | Intara

Ngoma: Umugore yishwe akubiswe ikintu mu mutwe   

  Yanditswe na Manishimwe Noël
 May 2016

 
 

Umugore witwa Nyirakimonyo Gaudence w’imyaka 55 yishwe n’abantu bataramenyekana kugeza ubu mu mudugudu wa Nyamabuye, akagari ka Kibatsi, umurenge wa Rukira, ku mugoroba wo ku wa 4 Gicurasi.

Mu kiganiro n’Imvaho Nshya Umunyamabanga Nshingwabikorwa w’umurenge wa Rukira Ngenda Mathias yatangaje ko Nyakwigendera Nyirakimonyo yishwe akubitswe ikintu kitazwi mu mutwe avuye kucyura amatungo hafi yo murugo rwe ari kumwe n’umukobwa we Uwimana Florence w’imyaka 21 we wabashije kurokoka.

Yagize ati “Yari agiye kuzitura ihene aho aba yazishyize hafi y’agashyamba kari hafi yo mu rugo, ajyana n’umukobwa we kuko bwari bwije, bazitura ihene uko bisanzwe noneho mu kugaruka batashye, umwana yari imbere n’ihene mama we ari inyuma, umwana gusa yumvise mama we ataka ati ‘ndapfuye’.

Yakomeje agira ati “Uwo muntu uko biri kose yari yateze igico, ni ahantu yari yihishe, ahita amukubita icyo yamukubise ntitwamenya niba ari icyuma niba ari inkoni, umwana ahindukiye abona mama we aguye hasi, aza atabara mama we agiye kumugeraho wa wundi aza amusanga ati ‘ngino nawe nkurangize’.

Umwana yagize ubwoba ariruka aratabaza. Wa muntu yanamwirutseho kuko nabazaga umwana ambwira ako yamwirutseho , umwana amusizeho gato nibwo yasubiye inyuma akubita bwa nyuma yica umuntu”

Nyuma y’uko abatuye aka gace batabarije ubuyobozi n’inzego zishinzwe umutekano ngo basanze Nyirakimonyo Gaudence yamaze gupfa, umurambo we uhita ujyanwa gukorerwa isuzumwa mu bitaro bikuru bya Kibungo.

Ubuyobozi muri uyu murenge n’inzego zishinzwe umutekano ingabo na polisi mu karere ka Ngoma bagiranye inama n’abaturage bo muri aka gace ku wa 5 Gicurasi babasaba kujya batangira amakuru ku gihe by’umwihariko ku miryango ishobora kuba ifitanye amakimbirane kugira ngo hajye hakumirwa ibyaha mbere y’uko biba.

Umunyamabanga Nshingwabikorwa w’umurenge wa Rukira avuga ko inzego zishinzwe umutekano zikomeje iperereza kugira ngo hatabwe muri yombi abihishe inyuma y’ubu bwicanyi gusa ngo haracyekwako uru rupfu rwaba rwaraturutse ku makimbirane yari mu muryango wa Nyakwigendera.

Mu gihe iperereza rigikomeje hatawe muri yombi, abahungu 2 Nyakwigendera Nyirakimonyo Gaudence yari abareye mukase bakaba bafungiwe kuri Sitayiyo ya polisi i Rukira.

 

Comments

 
 
Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Rusizi: Abataramenyekana bishe umusaza bamujugunya mu Kivu
Rusizi: Abataramenyekana bishe umusaza bamujugunya mu Kivu

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise (...)

Ngoma: Abarokotse Jenoside bifuza ko urwibutso rwa Zaza rwatwikiirwa
Ngoma: Abarokotse Jenoside bifuza ko urwibutso rwa Zaza rwatwikiirwa

Abacitse ku icumu rya Jenoside bafite ababo bashyinguwe mu rwibutso rwa Jenoside rwa Zaza, mu murenge wa Zaza, akarere ka Ngoma, baravuga ko bababazwa nuko uru rwibutso rudasakaye, bakifuza ko (...)

Rubavu:Abahoze ari abayobozi barokoye abatutsi muri Jenoside bashimiwe
Rubavu:Abahoze ari abayobozi barokoye abatutsi muri Jenoside bashimiwe

Ndabarinze Faustin wahoze ari Burugumesitiri w’icyahoze ari komini ya Mutura na Baributsa Juvenal wahoze ari Resiponsabure wa selile Hehu muri Segiteri ya Mutovu, akaba yari n’umuvugabutumwa, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.