Advertisement
 
 
 
 
 
 
 
 

Amakuru | Mu Ntara | Intara

Ngoma: Umugabo afungiwe kwica umugore we   

  Yanditswe na Manishimwe Noël
 July 2016

 
 

Umugabo witwa Hagenimana Sylvain afungiwe kuri sitasiyo ya polisi ya Rukira akurikiranweho icyaha cyo kwica umugore we Mukanumviyubusa Annociata mu kagari ka Nyaruvumu, mu murenge wa Rukira, ho mu karere ka Ngoma.

Umunyamabanga Nshingwabikorwa w’umurenge wa Rukira Ngenda Mathias, yatangarije Imvaho Nshya ko amakuru y’urupfu rwa Mukanumviyubusa Annociatta wari ufite imyaka 35 n’abana 3 , yamenyekanye mu ku wa 15 Nyakanga 2016.

Avuga ko uyu muryango wari ufite akabari k’urwagwa, byagera nimugoroba umugore agataha, asize umugabo acuruza, ariko ngo yagera mu rugo akabona ijoro rirakuze, umugabo yatinze gutaha. Byageze mu masaha ashyira saa tanu z’ijoro, umugore afata umwanzuro wo kujya gushaka umugabo we, bahurira mu nzira amuhirika hasi, amererwa nabi mu gitondo arapfa.

Yagize ati “ Ngo bahuriye mu nzira aramubaza ati ese ko wirije cyane ( watinze), umugabo ngo aramusubiza ati’ ese ushinzwe kugenda unshakisha? Urumva bari banyoye, bombi bari basinze, aramusunika, umugore agwa hasi, hanyuma arahaguruka, ibindi nta wamenye uko byagenze.”

Gitifu Ngenda yongeyeho ko bageze mu rugo muri iryo joro umugore aga komeza kumera nabi, umugabo agira ubwoba, afata moto, amujyana ku kigo nderabuzima cya Rukira, abaturanyi batabizi mu gitondo nka saa kumi n’ebyiri umugore agapfa.

Gitifu w’umurenge wa Rukira avuga ko ubwo bajyanaga umurambo ku bitaro bikuru bya Kibungo ngo nta bikomere wari ufite ku buryo wenda hakekwa ko hari ikintu yaba yaramukubise.

Agira ati “burya iyo unyoye ukarenza igipimo, uyoborwa n’ibyo wanyoye, ku buryo ubusinzi aribwo dukeka bwatumye ibi bibaho, kuko njyana umurambo ku bitaro nta bikomere wari ufite.”

Umurambo wa nyakwigendera Mukanumviyubusa Annociatta wahise ujyanwa gukorerwa isuzuma mu bitaro bikuru bya Kibungo.

Hagenimana Sylvain wiyiciye umugore we, aracyakorwaho iperereza n’inzego zishinzwe umutenako nyuma akazashyikirizwa ubutabera.

Ubuyobozi bw’umurenge wa Rukira bwasabye abaturage kwirinda ubusinzi, amakimbirane no kutagorobereza mu tubari, nibura ntibarenze saa moya z’umugoroba bakiri mu tubari.

Ingingo ya 142 mu gitabo cy’amategeko ahana ibyaha mu Rwanda ateganya igifungo cya burundu k’uwahamwe n’icyaha cyo kwica uwo bashyingiranywe .

 

Comments

 
 
Abaturage b’i Nyabihu bakomerewe b’igiciro cy’inkwi gikomeje kuzamuka
Abaturage b’i Nyabihu bakomerewe b’igiciro cy’inkwi gikomeje kuzamuka

Abaturage bo mu karere ka Nyabihu baratangaza ko izamuka ry’ibiciro by’ibicanwa bikomoka ku biti ari inzitizi ikomereye abenshi mu batishoboye. Bavuga ko ngo nta mashyamba ahari bashobora kubonamo (...)

Rubavu: Umufuka wa karoti waguraga 70 000 frw uragura 5000
Rubavu: Umufuka wa karoti waguraga 70 000 frw uragura 5000

Abahinzi b’imboga by’umwihariko abahinga karoti bo mu Karere ka Rubavu, bavuga ko bahuye n’ikibazo cy’ibura ry’isoko cyatumye igiciro kimanuka ku buryo umufuka wajyaga ugura amafaranga ibihumbi 70 (...)

Inyubako y’abamotari b’i Rusizi yatwaye miliyoni 450 yatangiye kubyara inyungu
Inyubako y’abamotari b’i Rusizi yatwaye miliyoni 450 yatangiye kubyara inyungu

Abamotari bagera 270 bibumbiye muri koperative COMORU ikorera mu mujyi wa Rusizi, barishimira ko ibibazo inyubako yabo yari ifite mu bihe bishize byakemutse, ubu ikaba yaratangiye gukorerwamo (...)

Babangamiwe n’akajagari amakamyo yongeye guteza mu mujyi wa Rusizi
Babangamiwe n’akajagari amakamyo yongeye guteza mu mujyi wa Rusizi

Abakorera mu mujyi wa Rusizi n’abahagenda bongeye kwinubira akajagari gatezwa n’imodoka usanga ziparitse mu buryo bw’akavuyo, bagasaba ubuyobozi ko bwakongera gushakira umuti iki kibazo. Hari (...)

Congo yasubijwe umusirikare wayo wafatiwe mu Rwanda ashaka guhohotera umugore
Congo yasubijwe umusirikare wayo wafatiwe mu Rwanda ashaka guhohotera umugore

U Rwanda rwasubije Repubulika Iharanira Demokarasi ya Congo abasirikare bayo babiri bafashwe mu bihe bitandukanye barenze umupaka umwe ashaka guhohotera umugore, undi yasinze. Abo basirikare (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.