Advertisement
 
 
 
 
 
 
 
 

Amakuru | Mu Ntara | Intara

Ngoma: Ingengabitekerezo ya Jenoside iracyashinze imizi muri bamwe   

  Yanditswe na MANISHIMWE NOËL
 April 2016

 
 

Pariti Emmanuel, umugabo wagize uruhare muri Jenoside yakorewe Abatutsi, utuye mu kagari ka Kamvumba, umurenge wa Remera, mu karere ka Ngoma, avuga ko nubwo yireze akamemera icyaha ndetse agahabwa imbabazi, ngo abona hari bagenzi be bagifite ingengabitekerezo ya Jenoside bakwiye kwigishwa.

Pariti Emmanuel ni umwe mu bagize uruhare muri Jenoside yakorwe Abatutsi, nyuma yo gufungurwa, atuzwa mu mudugudu w’ubumwe n’ubwiyunge, watujwemo abarokotse Jenoside yakorewe Abatutsi n’abayigizemo uruhare.

Abarokotse Jenoside bo muri uyu mudugudu bamutangaho urugero ku kuba yarahindutse bitewe n’imyitwarire ye myiza, n’ibikorwa byimakaza ubumwe n’ubwiyunge agaragaza.

JPEG - 90.7 kb
Pariti Emmanuel uvuga ko hari abakifitemo ingengabitekerezo ya Jenoside bakwiye kwigishwa (Foto Manishimwe N)

Uyu mugabo ariko avuga ko nubwo we yateye intambwe agahinduka, akitandukanya n’ivangura n’ingengabitekerezo ya Jenoside, ngo hari bamwe mu baturanyi be bafunguwe ndetse bagatuzwa mu mudugudu w’ubumwe n’ubwiyunge kugeza ubu batarahinduka, akaba asanga bakeneye kongera kwigishwa by’umwihariko.

Yagize ati:“N’ubwo twigeze kujya mu ngando tugahugurirwayo, ariko usanga bagikeneye andi mahugurwa kuko imyumvire yabo itandukanye n’iyo njye mfite.Iyo umuntu akigerageza kuvuga ngo ‘bana nabo! amaherezo uzareba ibibi byabo, ngo kubana nabo wagize ngo si ugukomeza umutsi’ k’umuntu ukivuga ibyo kugendana nawe biragoye.”

Pariti yatangarije Imvaho Nshya ko n’ubwo bitoroshye ko we ubwe yabahindura, agerageza kubabera uregero n’ubwo bo basa n’abafunze amaso n’amatwi.

Yagize ati:“Ubimbwiye nk’uko mubwira ko amazi atari ya yandi, nkamubwira nti ‘warireze, wemera icyaha, ujya mu rukiko uraburana, wari uzi neza ko uje kubana n’abanyarwanda. Nkagerageza kubabwira ko iyo myumvire mibi bagomba kuyikuramo.
Akenshi usanga tutanahuza kuko imitekerereze yanjye ntiguhuye n’iyabo, njye mba nshaka ko tujya mu byiza ariko bo bagashaka ngo ibyo bavugiye mu nzoga bibe byo,”

Nubwo bimeze bityo, Pariti Emmanuel nyuma yo kwirega akemera icyaha, agafungurwa, ashimira Nyakubahwa Perezida wa Repubulika Paul Kagame washyizeho gahunda y’ubumwe n’ubwiyunge, akagaragaza ko byatanze umusaruro kuko ngo ubu aho yatujwe mu mudugudu w’ubumwe n’ubwiyunge ashimishwa n’uko abo yahemukiye bamubabariye kandi bakaba babanye mu mahoro.

Ku bwe ngo ‘ibyo yakoze muri Jenoside yakorewe Abatutsi ntabwo byakabaye bishoboka ko babana n’abacitse ku icumu rya Jenoside yakorewe Abatutsi’.

Makombe Jean Marie Vianney, Umunyamabanga Nshingwabikorwa w’Intara y’Uburasirazuba, ubwo yatangizaga icyumweru cy’icyunamo mu karere ka Ngoma, yasabye inzego zose z’akarere ka Ngoma kuva mu mudugudu gufatanyiriza hamwe kurwanya ingengabitekerezo ya Jenoside, dore ko ngo imibare igaragza ko mu mwaka ushize wa 2015 akarere ka Ngoma kaje imbere mu turere twagaragayemo ibyaha b’ingengabitekerezo ya Jenoside.

 

Comments

 
 
Hamuritswe igishushanyombonera cy’umujyi wa Bugarama
Hamuritswe igishushanyombonera cy’umujyi wa Bugarama

Mu gihe kiri imbere igice kinini cy’umurenge wa Bugarama kigiye kuba umujyi wunganira umujyi wa Rusizi, igishushanyombonera cyawo kikaba cyaramurukiwe abatekinisiye b’akarere n’ubuyobozi bw’uyu (...)

Rusizi:Abaturage bafashe ingamba zo kwicungira umutekano
Rusizi:Abaturage bafashe ingamba zo kwicungira umutekano

Nyuma y’aho mu rukerera rwo ku wa 12 uku kwezi abantu bataramenyekana bateye mu kagari ka Ryankana mu murenge wa Bugarama bakaharasira abaturage 3 babiri bagahita bahasiga ubuzima, abaturage b’uyu (...)

Guverineri Mureshyankwano yasabye urubyiruko kwirinda ibiyobyabwenge
Guverineri Mureshyankwano yasabye urubyiruko kwirinda ibiyobyabwenge

Ubwo hizihizwaga umunsi ngarukamwaka witiriwe Mutagatifu Yozefu, Guverineri w’Intara y’Amajyepfo Mureshyankwano Marie Rose yasabye abanyeshuri biga mu rwunge rw’amashuri rwitiriwe Mutagatifu Yozefu (...)

Gakenke-Muyongwe: Kubona ‘rezo’ ya telefone biracyari ingorabahizi
Gakenke-Muyongwe: Kubona ‘rezo’ ya telefone biracyari ingorabahizi

Abaturage bo mu murenge wa Muyongwe mu karere ka Gakenke, bavuga ko bababajwe no kuba burira imisozi bajya gushaka ihuzanzira (rezo) rya telefone ngendanwa, bagasaba ubuyobozi kubafasha gukemura (...)

Ngoma:Batewe impungenge n’igiciro cy’amakara cyazamutse cyane
Ngoma:Batewe impungenge n’igiciro cy’amakara cyazamutse cyane

Bamwe mu batuye umujyi wa Ngoma, mu ntara y’Uburasirazuba, baravuga ko bakomerewe n’ikibazo cy’ibura ry’amakara yo gutekesha, n’aho bayabona bakayabona ku giciro bavuga ko gihanitse bagereranyije (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.