Advertisement
 
 
 
 
 
 
 
 

Amakuru | Mu Ntara | Intara

Ngoma: Hatoraguwe umurambo w’umuntu watewe icyuma mu rubavu   

  Yanditswe na Manishimwe Noël
 May 2016

 
 

Umurambo w’umuntu kugeza ubu utaramenyekana watoraguwe ku muhanda mu mudugudu wo Mumahoro, mu kagari ka Nyaruvumu, mu murenge wa Rukira, akarere ka Ngoma mu gitondo cyo kuri uyu wa 20 Gicurasi 2016

Umunyamabanga Nshingwabikorwa w’umurenge wa Rukira, Ngenda Mathias yabwiye Imvaho Nshya ko bamenye ayo makuru saa kumi n’ebyiri n’igice za mu gitondo, bikaba byabereye ahazwi nko mu makorosi ya Kibaya.

Yagize ati “ Ni umurambo w’umusore utazwi watoraguwe, ugereranyije ari mu kigero cy’imyaka 35 na 37, bawunaze munsi y’umuhanda wa kaburimbo, ni ahakunze kwita mu makorosi ya Kibaya, mu bigaragarira amaso hari icyuma bamuteye mu rubavu, twahageze na polisi dusanga ibyangombwa byose abamwishe babitwaye, iperereza riracyakomeje, polisi iracyari gukurikirana”

Akomeza agaragaza ko bagerageje gukusanwa amakuru mu baturage kugira ngo umurambo w’uwo muntu umenyekane abaturage bagasanga batamuzi.

Ati “Abaturage twaganiriye nabo dushaka kugira ngo tumenye uwo muntu uwo ari we , batubwira ko batamuzi, muri ako gace, turongera tuganira nabo tubahumuriza”

Ubuyobozi bw’umurenge bwahise bwihutira kugeza uyu umurambo ku bitaro bikuru bya Kibungo kugira ngo ukorerwe isuzuma .

Umunyambanga Nshingwabikorwa w’umurenge wa Rukira avuga ko ubugome nk’ubu butari busanzwe muri uyu muhanda gusa abaturage bakaba basabwe gukaza amarondo, bakayakora ku buryo buhorahoro mu rwego rwo kwicungira umutekano.

Abakoze ubu bwicanyi kugeza ubu ntibaramenyekana inzego zishinzwe umutekano n’ubuyobozi mu karere ka Ngoma zikomeje iperereza.

 

Comments

 
 
Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Rusizi: Abataramenyekana bishe umusaza bamujugunya mu Kivu
Rusizi: Abataramenyekana bishe umusaza bamujugunya mu Kivu

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise (...)

Ngoma: Abarokotse Jenoside bifuza ko urwibutso rwa Zaza rwatwikiirwa
Ngoma: Abarokotse Jenoside bifuza ko urwibutso rwa Zaza rwatwikiirwa

Abacitse ku icumu rya Jenoside bafite ababo bashyinguwe mu rwibutso rwa Jenoside rwa Zaza, mu murenge wa Zaza, akarere ka Ngoma, baravuga ko bababazwa nuko uru rwibutso rudasakaye, bakifuza ko (...)

Rubavu:Abahoze ari abayobozi barokoye abatutsi muri Jenoside bashimiwe
Rubavu:Abahoze ari abayobozi barokoye abatutsi muri Jenoside bashimiwe

Ndabarinze Faustin wahoze ari Burugumesitiri w’icyahoze ari komini ya Mutura na Baributsa Juvenal wahoze ari Resiponsabure wa selile Hehu muri Segiteri ya Mutovu, akaba yari n’umuvugabutumwa, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.