Advertisement
 
 
 
 
 
 
 
 

Amakuru | Mu Ntara | Intara

Ngoma: Hashize imyaka 7 bishyuza ingurane y’ibyabo byangijwe   

  Yanditswe na MANISHIMWE NOEL
 3 months ago

 
 

Bamwe mu baturage bo mu kagari ka Cyasemakamba, Umurenge wa Kibungo baravuga ko babangamiwe no guhora basiragira mu buyobozi busaba guhabwa indishyi y’imitungo yabo yangirikiye mu bikorwa byo kwagura umuhanda uva Kibungo werekeza i Kazo mu mwaka wa 2009.

Abaganiye n’Imvaho Nshya bagaragaje ko bamaze imyaka 7 basaba ubuyobozi bw’Akarere kubishyura imitungo irimo inzu zabo zasenywe, n’ibikoresho bitandukanye byahangirikiye.

Bavuga ko mu kwezi kwa Gicurasi mu mwaka wa 2009 aribwo uwari umuyobozi w’akarere ka Ngoma icyo gihe yavuze ko inzu zabo zari hafi y’umuhanda imbere y’ibitaro bikuru bya Kibungo, zisenywa, umuhanda ukagurwa; icyo gihe ngo basezeranyijwe kuzahabwa indishyi.

JPEG - 196.4 kb
Gahondogo Yozefu wari umucuruzi inzu igasenywa n’ibyarimo bikinangirika (Foto Manishimwe N)

Ngarambe Zenock w’imyaka isaga 70 utuye mu mudugudu w’Amarembo, Akagari ka Cyasemakamba avuga ko yasenyewe amazu 2, hakanangirikiramo imashini yigishirizagaho imyuga.

Agaragaza inyandiko nyinshi yagiye yandikira ubuyobozi abusaba kumukemura iki kibazo, kugeza magingo aya; akagaragaza ko byamuteye ubukene.

Ati “Nigishaga abana imyuga ariko ubu byarahagaze kubera ko nta bikoresho nkigira. Ikiduhangayikishije ni uko bataza ngo batubarire, twifuzaga inyandiko zigaragaza igihe runaka bazatwishyurira, tukanamenya n’ingurane bazaduha uko ingana; nk’imashini zanjye, imwe yapfuye nari narayiguze ibihumbi 700, bakwiye kubyihutisha kuko byaratinze cyane, nk’ubu mfite umwana watsinze yabaye uwa mbere, ubu yicaye mu rugo kuko nabuze amafaranga yo kumutangira”

Gahondogo Yozefu na we uri mu kigero cy’imyaka 70 avuga ko yasenyewe inzu y’amatafari ahiye y’ubucuruzi yari yubatse imbere y’ibitaro bikuru bya Kibungo, ntiyishyurwe yaba iyo nzu n’ibyangirikiyemo.

Yagize ati “Twagiye kubona, mu gihe cya saa kumi n’ebyiri za mu gitondo, inzu bayikubise hasi, nta nteguza, icyo gihe barambwiye ngo umuhanda ubaye muto, ngo bagiye kuwagura; iyo nzu yari intungiye abana, nari umucuruzi mfite ububiko n’amafirigo, byose baraza bakubita hasi. Ubu rero, bakongera kunyubakira inzu y’amatafari ahiye, bampa amafaranga, ubwo tuzareba.”

Umuyobozi w’Akarere ka Ngoma ushinzwe iterambere ry’ubukungu Rwiririza Jean Marie Vianney avuga ko ikibazo cy’aba baturage kiri gukurikiranwa kuko hamaze gushyirwaho umugenagaciro w’imitungo yabo, ngo bikorwe vuba birangire, bazishyurwe.

Yagize ati “Akarere kashyizeho umugenagaciro w’iyo mitungo yose, ari kubikora, twumvikanye ko mu byumweru 2 azaba abirangije, kugira ngo dushobore kwishyura ba nyir’ibikorwa bigomba kwishyurwa, namara kuduha raporo tuzabahamagara bose kuko ni benshi hari aba hariya imbere y’ibitaro bya Kibungo n’abo mu murenge wa Mugesera”

Avuga ko umuturage afite uburenganzira bwo kutemera iby’umugenagaciro washyizweho n’akarere yakoze, akishakira undi, nyuma hakabaho kugirana amasezerano, amafaranga yabo bakayahabwa

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Rubavu : Abubatse umudugudu w’icyitegererezo bamaze amezi ane bishyuza
Rubavu : Abubatse umudugudu w’icyitegererezo bamaze amezi ane bishyuza

Bamwe mu baturage bubatse inzu z’icyitegererezo mu kagari ka Muhira mu murenge wa Rugerero mu karere ka Rubavu, baravuga ko bamaze amezi ane bategereje kwishyurwa amafaranga agera kuri miliyoni 3 (...)

Ngoma:Imiryango itishoboye hafi 7000 imaze korozwa muri gahunda ya Girinka
Ngoma:Imiryango itishoboye hafi 7000 imaze korozwa muri gahunda ya Girinka

Ubuyobozi bw’akarere ka Ngoma butangaza ko kuva gahunda ya Girinka munyarwanda yatangira mu mwaka wa 2006, kugeza ubu inka zimaze korozwa imiryango itishoboye muri aka karere zimaze kurenga 6928. (...)

Ruhango: Abakora muri VUP bamaze amezi 4 badahembwa
Ruhango: Abakora muri VUP bamaze amezi 4 badahembwa

Abaturage bakora mirimo yo gutunganya imihanda no gucukura imirwanyasuri muri gahunda ya VUP mu murenge wa Kinihira ho mu karere ka Ruhango, baravuga ko bamaze igihe kigera ku mezi ane (...)

Umugabo w’i Nyamasheke afungiwe kurya umugore we umunwa akawumira
Umugabo w’i Nyamasheke afungiwe kurya umugore we umunwa akawumira

Ntambabazi Emmanuel w’imyaka 57, wo mu kagari ka Kagarama, umurenge wa Karambi, mu karere ka Nyamasheke, akurikiranweho guhohotera umugore we Nyiranzabahimana Espérance w’imyaka 30, akamurya (...)

Nyamasheke:  Ikamyo y’Abashinwa yagonze veterineri w’umurenge arapfa
Nyamasheke: Ikamyo y’Abashinwa yagonze veterineri w’umurenge arapfa

Imodoka y’Abashinwa bakora umuhanda wa Nyamasheke-Karongi yari itwawe n’umushoferi witwa Nizeyimana Fabien w’imyaka 45 yagonze moto yari itwaye Veterineri w’ umurenge wa Karambi, Tuyizere Pontien, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.