Advertisement
 
 
 
 
 
 
 
 

Amakuru | Mu Ntara | Intara

Ngoma: Batunguwe no gusanga hari abiherera aho barara   

  Yanditswe na MANISHIMWE NOEL
 June 2016

 
 

Abayobozi n’abaturage bo mu kagari ka Nyagatugunda, mu murenge wa Zaza, i Ngoma batunguwe no gusanga abaturage babiri baturanye bombi barara hasi, mu nzu batekamo, bakihereramo, ku buryo muri izo nzu hagaragaraga umwanda ukabije.

Ibi byamenyekanye mu muganda wabaye mu cyumweru gishize tariki 25 Kamena 2016, ubwo urubyiruko rwibumbiye mu muryango Youth Volunteers na Polisi yo mu karere ka Ngoma bifatanyaga n’abaturage mu gikorwa cyo kurwanya indwara ya kirabiranya mu rutoki.

Abaturage bo muri aka kagari ka Nyagatugunda baganiriye n’Imvaho Nshya bose bahuriza ku kuba aba baturage bafite umwanda ukabije. Ngo imiryango bakomokamo yagerageje kubitaho uko ishoboye gusa yageraho igacika intege.

JPEG - 140.5 kb
Abatuye Zaza batewe ipfunwe no kubona abaturanyi babo barara hasi ndetse bakaniherera mu nzu imwe(Foto Manishimwe N)

Mukandaruhutse ni umugore ufite n’umwana umwe, wibana mu nzu wenyine naho Habimana Jean Baptiste nta mugore agira, bombi bavuga ko kuba batamesa, kurara hasi, kurwara amavunja kwiherera aho barara n’ubuzima bubi barimo babiterwa n’ubukene.

Mahirane Jean de Dieu umuturanyi w’aba baturage bombi avuga ko bafatwa nk’abafite ikibazo cyo mu mutwe, gusa asanga ubuyobozi bukwiye kubitaho.

Ati “Ikibazo arateka yamara guteka, akarira aho yitumye, akaba ari naho aryama, ni umurwayi, afite na bakuru be baramufasha ntako batagira.”

Ndaruhutse Melchior ni umuvandimwe wa Habimana Jean Baptiste avuga ko yamufashije uko ashoboye gusa ngo ageraho akananirwa

Yagize ati “Mu buzima busanzwe, mu nzira mbona ari muzima, hambere aha haje abavandimwe twese turaterana, hariho n’uwamubwiye ati ‘tugushyirireho umuntu uzajya ukubuza kwihagarika mu nzu aranga, ntajya abura icyo kumutunga , kuko ntahinga.”

Habyarimana Cyprien, Umuyobozi w’Umudugudu wa Rebero asobanura ikibazo cya Mukandaruhutse nk’ikimaze igihe kinini.

Ati” Maze umwaka ariko icyo kibazo naragisanze, uriya mugore, twabanje kujya tumufasha noneho mukuru we w’umunyabuzima yiyememera kujya amufasha kuko afite n’umwana, niwe unahinga hano, numvaga nta kibazo ariko ubu kuba twabonye ikibazo uko kimeze, urumva yaratubeshye.”

Umunyamabanga Nshingwabikorwa w’Umurenge wa Zaza Nyamihana Philippe yagaragaje ko atunguwe no gusanga mu murenge ayoboye harimo abantu babayeho mu buzima nk’ubu kuko ngo atari azi ibibazo by’ubuzima bubi aba baturage 2 babayemo.

Maitre Vuguziga Valerie ushinzwe ubutabera mu ntara y’Uburasirazuba, akaba no mu nama y’igihugu y’abagore ku rwego rw’iyi ntara yasabye abatuye Zaza gushyira imbaraga mu mugoroba w’ababyeyi mu rwego rwo kurwanya ibi bibazo.

Ati “Tuzabafasha umugoroba w’ababyeyi, izo ngo tuzishyiremo imbaraga, tugiye gushyiraho komite yihariye izajya igenzura urugo ku rundi.”

Ubuyobozi bw’Umurenge wa Zaza bwagaragaje ko bugiye kwita ku kibazo cya Mukandaruhutse na Habimana Jean Baptiste bakabanza guhabwa Mituweli kandi bagakomeza kwitabwaho by’umwihariko.

 

Comments

 
 
Kirehe: Bugarijwe n’ubujura bakeka ko bukorwa n’abari mu nkambi ya Mahama
Kirehe: Bugarijwe n’ubujura bakeka ko bukorwa n’abari mu nkambi ya Mahama

Abaturage bo mu kagari ka Munini, umurenge wa Mahama mu karere ka Kirehe baravuga ko babangamiwe n’abajura babiba mu ngo ibyiganjemo imyaka n’amatungo, no mu mirima, bagatanguranwa gusarura imyaka (...)

Akarere ka Ngoma kiyemeje gukurikirana ikibazo cy’abubatse ibiro by’akagari ntibishyurwe
Akarere ka Ngoma kiyemeje gukurikirana ikibazo cy’abubatse ibiro by’akagari ntibishyurwe

Ubuyobozi bw’akarere ka Ngoma buvuga ko bwohereje agagenzuzi gukurikirana ikibazo cy’abaturage bavuga ko bahawe akazi ko kubaka ibiro by’akagari k’Akagarama ntibishyurwe. Aba baturage bo mu (...)

Rusizi:Imvura yashenye ibiro by’akagari yangiza n’imyaka y’abaturage
Rusizi:Imvura yashenye ibiro by’akagari yangiza n’imyaka y’abaturage

Ubuyobozi bw’umurenge wa Nyakarenzo mu karere ka Rusizi buravuga ko imvura ivanze n’urubura n’umuyaga mwinshi yaguye kuwa kabiri, yashenye ku buryo bukomeye ibiro by’akagari ka Gatare muri uyu (...)

Urubyiruko rw’i Rusizi rugiye guhabwa inkoko 18 000
Urubyiruko rw’i Rusizi rugiye guhabwa inkoko 18 000

Ubuyobozi bw’akarere ka Rusizi buravuga ko mu mezi make ari imbere inkoko 18.000 zigiye guhabwa urubyiruko rwibumbiye mu makoperative. Ni umushinga munini kandi urambye uzarukura mu bukene (...)

Rubavu:Kiliziya Gatolika yahagurukiye ikibazo cy’abasore n’inkumi bishyingira
Rubavu:Kiliziya Gatolika yahagurukiye ikibazo cy’abasore n’inkumi bishyingira

Ubuyobozi bwa Paruwasi Gatolika ya Gisenyi mu karere ka Rubavu, buravuga ko bwiteguye gufasha urubyiruko mu buryo bwose bushoboka, ariko rugacika ku muco wo kwishyingira ugenda ufata indi ntera. (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.