Advertisement
 
 
 
 
 
 
 
 

Amakuru | Mu Ntara | Intara

Ngoma: Abaturage barinubira cy’igiciro gihanitse cy’amazi   

  Yanditswe na MANISHIMWE NOËL
 1 week ago

 
 

Abaturage bo mu mudugudu wa Kabimba, Akagari ka Karama, Umurenge wa Kazo babwiye ubuyobozi bw’Akarere ka Ngoma ko babagamirwa nuko mu mudugudu wabo nta mazi meza bagira bigatuma bagorwa no gukora urugendo rw’igihe gisaga isaha bajya kuyavoma, kandi n’aho bayavoma bakayagura ku giciro gihanitse.

Izi mbogamizi abatuye Kabimba bazigaragaje, ubwo hatangizwaga ukwezi kwahariwe ubukangurambaga ku isuku n’ubwisungane mu kwivuza mu karere ka Ngoma.

Aba baturage bavuga ko amazi bayabona baguze ijerekani ku mafaranga y’u Rwanda 25 ku ivomero riri mu wundi mudugudu bahana imbibi.

JPEG - 459.7 kb
Abatuye Kabimba bavuga ko kutagira amazi bibangamira isuku n’iterambere ry’abaturage (Manishimwe N)

Bavuga ko bagerageje kubaza impamvu bahendwa ku ijerekani, ubuyobozi bubabwira ko ari uko aho amazi bakoresha aturuka ku isooko ya Nyamuhinda azamurwa hakoreshejwe imashini ikoresha peteroli, gusa ngo ubuyobozi bwagiye bubizeza ko amashanyarazi nagezwayo, agatangira kwifashishwa mu kuzamura amazi, n’igiciro ku ijerekani kizagabanuka.

Munyehirwe William utuye mu mudugudu wa Kabimba avuga ko kuba batagira amazi meza hafi kandi n’aho bayagura bituma batubahiriza isuku.

Yagize ati “Twe ijerekani tuyigura ku mafaranga 25 kandi ubona ukuntu hano ari mu cyaro. Usanga isuku itubahirizwa kuko kubona amazi biratugora, n’isuku ntikorwa uko bikwiye. Nkanjye mfite umugisha wo kuba mfite igare; ugenda n’amaguru arenga kilimetero 2 ajya gushaka amazi. Nk’iki gihe nta mvura ihari kubona amazi, ntibyoroshye.”

Mukarugwiza Penina na we yagize ati “Tuvoma kure kandi n’iyo utabonye ayo mafaranga, tujya muri iyo mu mibande ahitwa Kagusa kandi naho haza utuzi dukeya, ikibido kikuzurira iminota iri hagati ya 15-20. Kugenda no kugaruka ni isaha. Kutagira amazi rero bibangamira isuku, kuko niba mvoma amabido 2 ninyatekesha, nkanoza ibyombo, arabashize; kumesa ntibizakunda…isuku ntiyagerwaho neza tutaregerezwa amazi. Kugeza ubu isuku twayikora, iraduhenda.”

Umuyobozi w’Akarere ka Ngoma wungirije ushinzwe imibereho myiza Kirenga Providence avuga ko ikibazo cy’amazi n’igiciro cyayo kiri hejuru abatuye i Kazo bagaragaza kizwi kandi kiri mu byo akarere kari gushakira igisubizo muri iyi minsi.

Yagize ati “Amazi meza barayabona ariko bakayabona bakoze ingendo ndende, icyo rero nyuma yo kukibona twaguye isooko y’amazi ya Nyamuhinda, dufatanyije na REG ubu hari gushyirwayo amashanyarazi kuko ubusanzwe bakoreshaga mazutu, bakurayo amazi, ari nabyo byatumaga amazi agera ku muturage ahenze”.

Akomeza avuga ko ahari isooko hamaze kugezwa amashanyarazi kandi ibikorwa byo kuyifashisha mu kuzamura amazi nabyo biri gukurikiranwa vuba, ku buryo igiciro cy’amazi abaturage bagaragaza nk’imbogamizi kizakemuka bidatinze.

Ati “Gushyiramo amashanyarazi bigeze kure, hasigaye guhuza amashanyarazi n’isooko, ku buryo twezeye ko bizaba ari igisubizo kandi twasabye ikigo gishinzwe iby’amazi WASAC ko aricyo kizagenzura uyu muyoboro; ku buryo twizeye ko amazi azagera ku baturage ari meza kandi adahenze.”

Biteganyijwe ko muri iki gihe cy’ukwezi kwahariwe ubukangurambaga ku isuku abaturage bazita ku bikorwa by’ibanze mu ngo zabo mu kwimakaza isuku birimo: isuku mu ngo zabo no ku mubiri, kubaka no gutunganya ubwiherero bwabo, gukurungira amazu, kugira agatanda k’amasahani, umugozi wo kwanikaho imyenda; no gutandukanya imyanda ibora n’itabora kandi igashyirwa ahabugenewe.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Nyamasheke:Uruganda rutunganya icyayi abahinzi bijejwe ruruzura mu mezi 5
Nyamasheke:Uruganda rutunganya icyayi abahinzi bijejwe ruruzura mu mezi 5

Hari hashize imyaka igera kuri 6 abahinzi b’icyayi bibumibye muri koperative y’abahinzi b’icyayi ba COTHEGA bagihinga mu mirenge ya Karambi na Cyato mu karere ka Nyamasheke, kitababyarira umusaruro (...)

Ngoma: Koperative yagaruje toni 80 z’umusaruro wari waguzwe n’abamamyi
Ngoma: Koperative yagaruje toni 80 z’umusaruro wari waguzwe n’abamamyi

Ubuyobozi bwa Koperative Rebakure Munyamurama_KOREMU, igizwe n’abanyamuryango 350 bahinga ibigori n’ibishyimbo mu murenge wa Murama, mu karere ka Ngoma, buratangaza ko mu mwaka wa 2016 gusa, (...)

Aborozi  b’i Nyagatare batewe impungenge n’indwara itazwi ituma inka zabo ziramburura
Aborozi b’i Nyagatare batewe impungenge n’indwara itazwi ituma inka zabo ziramburura

Bamwe mu borozi bo mu Kagali ka Ryeru mu Murenge wa Rwempasha mu karere ka Nyagatare, bahangayikishijwe n’igisa n’icyorezo cyateye mu nka zabo zihaka, zikaramburura zenda kubyara. Aba borozi (...)

Musanze:Basabye ko ubushakashatsi ku miyoborere bugera no mu bigo byigenga
Musanze:Basabye ko ubushakashatsi ku miyoborere bugera no mu bigo byigenga

Ubwo ikigo cy’igihugu gishinzwe imiyoborere, RGB, cyerekanaga igipimo cy’imiyoborere ibereye abaturage n’imitangire ya serivise, bamwe mu bayobozi b’inzego z’ibanze basabye ko ubu bushakashatsi bwajya (...)

Ngoma:Abadepite bashimye uko abaturage babyaza umusaruro ibikorwa by’iterambere begerejwe
Ngoma:Abadepite bashimye uko abaturage babyaza umusaruro ibikorwa by’iterambere begerejwe

Abagize Inteko Ishinga Amategeko umutwe w’abadepite bari mu gikorwa cyo gusura ibikorwa by’iterambere mu karere ka Ngoma, aho bagenzura akamaro byagiriye abaturage, bakanakira ibyifuzo (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.