Advertisement
 
 
 
 
 
 
 
 

Amakuru | Mu Ntara | Intara

Ngoma: Abataramenyekana bishe inka eshatu bazijombye ikintu mu nda y’amase   

  Yanditswe na Manishimwe Noël
 March 2016

 
 

Inka eshatu z’aborozi bo mu mudugudu wa Murambi, mu kagari ka Giseri, mu murenge wa Gashanda , akarere ka Ngoma zishwe n’abantu bataramenyekana kugeza ubu , mu ijoro ryo ku wa 22 Werurwe 2016.

Murekatete Judith, Umunyamabanga Nshingwabikorwa w”umurenge wa Gashanda , ahabereye ubu bugizi bwa nabi yabwiye Imvaho Nshya ko inka zishwe ari ibimasa bibiri n’imbyeyi imwe yendaga kubyara.

Ba nyir’izo nka zishwe bavuga ko babibonye ahagana saa kumi n’imwe za mugitondo bagiye kuzigaburira, basanze inka ziri mu biraro ariko zagiye zicwa zikuwemo amara .

JPEG - 63.4 kb
Abafite inka kure yabo basabwe kuziyegereza (Foto: Internet)

Murekatete ati “Umwe muri abo banyir’inka wabibonye bwa mbere mu gitondo , ni we wageze ku kiraro asanga inka ye uburyo bayishe , ni ikintu bagiye binjiza mu nda y’amase, bakajya bakurura, bagakuramo amara bakabita hasi iruhande rw’ikiraro , ibindi bice byo kuri ayo mara bagiye babinaga hejuru y’ibiraro.”

Abatuye mu mudugudu wa Murambi bagaragaza ko nta makimbirane yarangagwa hagati ya ba nyir’izo nka ndetse n’abaturanyi babo, ku buryo bigoye gukeka uwaba yihishe inyuma y’ubu bugizi bwa nabi, butari busanzwe.

Izo nka zishwe zabaga mu biraro byo ku masambu y’iyi miryango naho ba nyirazo bakaba ku midugudu. Hagati y’aho umudugudu batuyemo n’ibiraro izi nka zabagamo hari ibirometero bitari munsi ya bitatu.

Nyuma yo kumenya aya makuru inzego zishinzwe umutekano mu karere ka Ngoma n’ubuyobozi bw’umurenge bahise bukoresha inama abaturage babasaba kuba ijosho ry’abaturanyi babo no gutanga amakuru ku bakekwaho kwihisha inyuma y’ubwo buguzi bwa nabi kugira ngo bafatwe bahanwe.

Gitifu w’umurenge wa Gashanda, Murekatete Judith, yasabye abagifite amatungo kure yaho batuye kuyavanayo, bakayazana hafi yabo, aho abasha gucungirwa umutekano.

Ati “Bo bagaragaza ko bashyizeho ibyo biraro kugira ngo bajye babona ifumbire bitabagoye ariko aho kugira ngo bakomeze guhomba, bashyira amatungo ahantu atabasha gucungirwa umutekano, twabasabye ko izikiriyo bazizamura”

Abatuye mu ngo zigera ku 187 zigize umudugudu wa Murambi, akagari ka Giseri biyemeje kongera kuremera iyi miryango 3 yiciwe inka; buri rugo rwiyemeza gutanga ibihumbi 3 by’amafaranga y’u Rwanda .

Ku ikubitiro abaturage bahise batanga ibihumbi 121, bakazakomeza kuyakusanya ku buryo kuwa 26 Werurwe 2016, mu muganda wa Nyuma w’ukwezi azaba yamaze kwegerenywa.

 

Comments

 
 
Hamuritswe igishushanyombonera cy’umujyi wa Bugarama
Hamuritswe igishushanyombonera cy’umujyi wa Bugarama

Mu gihe kiri imbere igice kinini cy’umurenge wa Bugarama kigiye kuba umujyi wunganira umujyi wa Rusizi, igishushanyombonera cyawo kikaba cyaramurukiwe abatekinisiye b’akarere n’ubuyobozi bw’uyu (...)

Rusizi:Abaturage bafashe ingamba zo kwicungira umutekano
Rusizi:Abaturage bafashe ingamba zo kwicungira umutekano

Nyuma y’aho mu rukerera rwo ku wa 12 uku kwezi abantu bataramenyekana bateye mu kagari ka Ryankana mu murenge wa Bugarama bakaharasira abaturage 3 babiri bagahita bahasiga ubuzima, abaturage b’uyu (...)

Guverineri Mureshyankwano yasabye urubyiruko kwirinda ibiyobyabwenge
Guverineri Mureshyankwano yasabye urubyiruko kwirinda ibiyobyabwenge

Ubwo hizihizwaga umunsi ngarukamwaka witiriwe Mutagatifu Yozefu, Guverineri w’Intara y’Amajyepfo Mureshyankwano Marie Rose yasabye abanyeshuri biga mu rwunge rw’amashuri rwitiriwe Mutagatifu Yozefu (...)

Gakenke-Muyongwe: Kubona ‘rezo’ ya telefone biracyari ingorabahizi
Gakenke-Muyongwe: Kubona ‘rezo’ ya telefone biracyari ingorabahizi

Abaturage bo mu murenge wa Muyongwe mu karere ka Gakenke, bavuga ko bababajwe no kuba burira imisozi bajya gushaka ihuzanzira (rezo) rya telefone ngendanwa, bagasaba ubuyobozi kubafasha gukemura (...)

Ngoma:Batewe impungenge n’igiciro cy’amakara cyazamutse cyane
Ngoma:Batewe impungenge n’igiciro cy’amakara cyazamutse cyane

Bamwe mu batuye umujyi wa Ngoma, mu ntara y’Uburasirazuba, baravuga ko bakomerewe n’ikibazo cy’ibura ry’amakara yo gutekesha, n’aho bayabona bakayabona ku giciro bavuga ko gihanitse bagereranyije (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.