Advertisement
 
 
 
 
 
 
 
 

Amakuru | Mu Ntara | Intara

Ngoma: Abasenateri batunguwe no gusanga hari abakibyara abana barenga 7   

  Yanditswe na MANISHIMWE NOËL
 May 2016

 
 

Abasenateri batewe impungenge nuko hari imiryango myinshi yo mu mirenge ya Sake na Rukumberi itaringaniza urubyaro, aho usanga imiryango itandukanye irimo abana barenga 7, nyamara bigaragara ko nta bushobozi bwo kubarera buhari.

Mu ijambo yagejeje ku bitabiriye umuganda wabaye kuwa gatandatu tariki ya 28 Gicuransi, Visi Perezida w’Inteko ishinga amategeko umutwe wa Sena, Harerimana Fatou, yagarutse ku kibazo cy’ababyara abo badashoboye kurera, kigaragara muri aka gace.

Yagize ati:“Nahoze ndeba, buri mubyeyi hano afite umwana, udafite uwo yonsa afite uwo ahetse, bimpa ishusho yuko nta mubyeyi ufite abana bari munsi ya 3, ntawe muri Sake na Rukumberi, ufite bake ni nka 5.

JPEG - 251.5 kb
Senateri Harerimana yasabye abaturage kubyara abo bashoboye kurera (Foto Manishimwe N)

Abo twakoranye umuganda twahoze tuganira ariko hari n’uwambwiye ngo hano ni umunani ufunze, birababaje rero kubona dushaka kubyara abo tudashoboye kurera.”

Senateri Harerimana yakomeje yibutsa abaturage ko gahunda zo kuringaniza urubyaro zihari kandi zabegerejwe mu midugudu, asaba abagabo n’abagore kuzitabira.

Yagize ati:“Gahunda zo kuboneza urubyaro zirahari hose mu gihugu, uhereye ku bajyanama b’ubuzima, utegereza ko uzabyara uwo uzajugunya? uwo utazabasha kurera kandi ufite gahunda yo kuboneza urubyaro kubera iki? ntabwo mbwira abagore gusa, kuko ntabwo aribo babyara ni abagabo baba babateye izo nda.”

Bamwe bu batuye iyi mirenge baganiriye n’Imvaho Nshya bameje ko muri aka gace hari imiryango myishi itaringaniza urubyaro, ahanini bitewe n’ikibazo cy’imyumvire ya bamwe.

Umwe mu babyeyi wo mu murenge wa Rukumberi, yaganiriye n’Imvaho Nshya ahetse umwana wa 7, yagaragaje ko yagiye muri gahunda yo kuringaniza urubyaro mu mwaka wa 2008 bikamugora kuko yahoraga arwaragurika, akoresha agakingirizo, ariko yisanga umugabo yamuteye inda.

Yagize ati:“Nk’ubu nka njye kubyara uyu mwana ntibyari ku bushake bwanjye, naringanije urubyaro muri 2008 nkajya mpora ndwara, ndarwara cyane, nza kubwira umugabo nti birananiye, umugabo anyohereza mu banyabuzima bampa udukingirizo, turazikoresha igihe kiragera umugabo sinzi icyabimuteye ntiyayikoresha, mba ntwaye inda y’uyu mwana.”

Uwineza Clarisse wo mu murenge wa Sake, we yagize ati:“Hari abagabo batajya bishimira ko abagore baringaniza urubyaro, bavuga ko hashobora kuba harimo ubumuga, ushobora nko kwishyirishamo agapira kakagutera ubumuga, ukujya urwara ibibyimba mu nda, mu makuru tujya tubyumva gusa nubwo byaba bitera ubumuga ntabwo nakwemera kujya mbyaragura”

Abatuye Sake na Rukumberi batumye Sena y’u Rwanda yiha umukoro wo kugaruka kuganira nabo ku ngingo ivuga ku nshingano z’urugo no kuboneza urubyaro by’umwihariko, mu gihe cya vuba.

Ubuyobozi bw’akarere ka Ngoma bugaragaza ko mu mirenge 14 ikagize, mu wa Rukumberi na Sake ariho hakigaragara abana benshi bagaragarwaho n’indwara ziterwa n’imirire mibi nka bwaki.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Kayonza:Bakusanyije miliyoni 6 ngo begerezwe amazi barayategereza baraheba
Kayonza:Bakusanyije miliyoni 6 ngo begerezwe amazi barayategereza baraheba

Abaturage bo muri Nyamugari mu murenge wa Ndego mu karere ka Kayonza bavuga ko bakusanyije amafaranga arenga miliyoni 6 ngo babone amazi meza, ariko ngo barayategereza baraheba. Igitekerezo cyo (...)

Rwamagana: Barasabwa gukumira ingengabitekerezo ya Jenoside bahereye mu bana
Rwamagana: Barasabwa gukumira ingengabitekerezo ya Jenoside bahereye mu bana

Umuyobozi w’akarere ka Rwamagana Mbonyumuvunyi Radjab, arasaba abaturage batuye muri aka karere kwirinda gukongeza ingengabitekerezo ya Jenoside mu bana bato, ahubwo bakayikumira kugira ngo (...)

Abaturage b’i Rubavu bishimiye ukwegura kwa bamwe mu bayobozi b’inzego z’ibanze
Abaturage b’i Rubavu bishimiye ukwegura kwa bamwe mu bayobozi b’inzego z’ibanze

Nyuma y’uko mu minsi ishize abayobozi b’utugari n’abakozi babungirije, n’abanyamabanga nshingwabikorwa b’imirenge mu turere tugize intara y’Uburengerazuba bagiye basezera ku mirimo yabo, bamwe mu (...)

Nyamasheke:Meya Kamari aramagana abadukanye ubugome bwo gutema inka
Nyamasheke:Meya Kamari aramagana abadukanye ubugome bwo gutema inka

Ubuyobozi bw’akarere ka Nyamasheke buravuga ko buhangayikishijwe n’abantu badukanye ingeso mbi yo gutema inka z’abaturage. Ni nyuma y’aho mu murenge wa Bushenge, mu karere ka Nyamasheke, umuturage (...)

Rubavu : Abubatse umudugudu w’icyitegererezo bamaze amezi ane bishyuza
Rubavu : Abubatse umudugudu w’icyitegererezo bamaze amezi ane bishyuza

Bamwe mu baturage bubatse inzu z’icyitegererezo mu kagari ka Muhira mu murenge wa Rugerero mu karere ka Rubavu, baravuga ko bamaze amezi ane bategereje kwishyurwa amafaranga agera kuri miliyoni 3 (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.