Advertisement
 
 
 
 
 
 
 
 

Amakuru | Mu Ntara | Intara

Ngoma: Abarokotse Jenoside barasaba kwemererwa kubaka urwibutso   

  Yanditswe na MANISHIMWE NOËL
 April 2016

 
 

Abarokotse Jenoside yakorewe abatutsi bo mu murenge wa Rurenge, mu karere ka Ngoma, barasaba kwemererwa kubaka urwibutso rujyanye n’igihe no gushyingura mu buryo bwiza imibiri igera ku 1446, ishyinguwe mu mva bemeza ko idahesha agaciro ababo bishwe, iri mu kagari ka Rugese, muri uyu murenge.

Amateka yihariye n’ubugome bukabije bwakorewe abatutsi b’i Rurenge ahahoze hitwa muri Segiteri Kaberangwe, komine Kigarama, aho abenshi bishwe urw’agashinyaguro hakoreshejwe intwaro gakondo, niyo abaharokokeye bashingiraho basaba kwemererwa kuhubaka urwibutso ruhesha agaciro ababo bishwe urw’agashinyaguro, kugira ngo ayo mateka atazazima.

JPEG - 241.9 kb
Abarokotse Jenoside bifuza kubaka urundi rwibutso rwa Jenoside kuko uru rudatunganyijwe neza (Foto Manishimwe N)

Ubwo hasozwaga icyumweru cy’icyunamo, Celestin Mudaheranwa wavuze mu izina ry’abarokokeye i Rurenge, yagaragaje ko kuri ubu imva imibiri y’ababo bazize Jenoside yakorewe abatutsi bashyinguwemo iteje ikibazo, bakaba barimo kwishakamo ubushobozi bwo kwiyubakira urwibutso.

Yagize ati:“Iriya ni nk’imva, mu myaka runaka abantu bashobora kuhakorera ibikorwa kubera ko nta kintu kigaragara gikomeye, kandi natwe tukavuga tuti niba umuntu ku giti cye ashobora kubaka imva mujya mubona, kuki se abantu 1446 baba ahantu hameze kuriya? twumva icyifuzo ari uko hano mu cyahoze ari Kaberangwe twagira urwibutso imibiri y’abacu ikaruhukira aheza.”

Yakomeje agaragaza ko abaharokokoye bari mu bice bitandukanye mu Rwanda no mu mahanga bagerageje gukora iteganyabikorwa basanga bakubaka nibura urwibutso rwatwara amafaranga miliyoni 18, banatangira gukusanya inkunga.

Yagize ati:“Hashize nk’imyaka 5 tubitekerezaho ndetse hagiye hakorwa ibintu bigiye bitandukanye.Bitewe n’amateka y’aha hantu bikajyana n’icyifuzo cy’abaturage, twumvaga twifuza ko twagira urwibutso rubereye abantu bacu baruhukiye hariya.

Twakoze bije ya miliyoni nibura 18, ibiganiro n’inyigo byashyikirijwe akarere, kugeza ubu dufite miliyoni zisaga 10 zifatika n’abatwemereye ko bikunze bahita baduha umusanzu wabo zaba zigera hafi muri 17.”

Ubwo hibukwaga ku nshuro ya 21 Jenoside yakorewe Abatutsi, umuyobozi wa komisiyo y’igihugu yo kurwanya Jenoside (CNLG) Dr Bizimana Jean Damascene, yagaragaje ko gahunda ihari ari imibiri y’abazize Jenoside yakorewe abatutsi ishyinguwe mu nzibutso nto hirya no hino mu mirenge yimurirwa mu nzibutso leta ishobora kwitaho uko bikwiye.

Uru rwibutso rwa Jenoside rwo mu murenge wa Rurenge narwo ni rumwe bigaragara ko rutatunganyijwe neza kandi rushyinguwemo imibiri y’abazize Jenoside yakorewe abatutsi 1446.

 

Comments

 
 
Karongi:Arasaba ubufasha bwo kwivuza kanseri yo mu maraso amaranye umwaka
Karongi:Arasaba ubufasha bwo kwivuza kanseri yo mu maraso amaranye umwaka

Nyiranshuti Venantie, umubyeyi w’imyaka 60 utuye mu mudugudu wa Kananira, akagari ka Birambo, umurenge wa Gashali mu karere ka Karongi, arasaba ubufasha bwo kwivuza Kanseri yo mu maraso amaranye (...)

Ubwato Perezida Kagame  yahaye abaturage bo ku Nkombo buratanga umusaruro ushimishije
Ubwato Perezida Kagame yahaye abaturage bo ku Nkombo buratanga umusaruro ushimishije

Abaturage bo mu murenge wa Nkombo mu karere ka Rusizi, barashimira cyane Perezida Paul Kagame wabahaye ubwato bwabakuye mu bwigunge, ubu bakaba banishimira ko umusaruro w’amafaranga arenga (...)

Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo
Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo

Nyuma y’aho mu karere ka Rubavu hagiye havugwa ikibazo gikomeye cy’abana basigwa ku mupaka n’ababyeyi babo, babareresha abandi bana bagenzi babo, mu gihe bo baba bagiye gucururiza Kongo, ubu (...)

Abaturage b’i Musanze barasaba iminara izabahesha ’rezo’ ya telefoni
Abaturage b’i Musanze barasaba iminara izabahesha ’rezo’ ya telefoni

Abaturage batuye mu Murenge wa Muko mu karere ka Musanze barasaba ubuyobozi bubishinzwe kubashakira iminara yabafasha kubona ihuzanzira rya telefoni (Network), ngo kuko bakomeje gusigara inyuma (...)

Huye:  Abacikanwe n’amashuri barifuza kwiga indimi z’amahanga n’imyuga
Huye: Abacikanwe n’amashuri barifuza kwiga indimi z’amahanga n’imyuga

Abakuze bagana amasomero y’abakuze ngo bihugure mu gusoma no kwandika mu karere ka Huye, bagaragaje icyifuzo cy’uko bashakirwa uburyo bwihariye bwajya bubafasha gukomeza kwiga mu yandi mashuri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.