Advertisement
 
 
 
 
 
 
 
 

Amakuru | Mu Ntara | Intara

Ngoma:Abakirisitu gatulika begerejwe Paruwasi bari bamaze imyaka 35 basaba   

  Yanditswe na MANISHIMWE NOËL
 October 2016

 
 

Abakirisitu Gatulika bo mu mirenge ya Gashanda na Rurenge, akarere ka Ngoma barishimira ko baruhutse urugendo rwa kilometero zisaga 12 bakoraga bajya kuri Paruwasi ya Zaza, nyuma kwegerezwa Paruwasi gaturika ya Kansana, bari bamaze imyaka 35 basaba.

Nyuma yo gushyikirizwa ku mugaragaro iyi Paruwasim ku cyumweru tariki ya 2 Ukwakira 2016, babwiye Imvaho Nshya ko basazwe n’akanyamuneza kuko hari serivize nyinshi nko kwigira kubatizwa, guhabwa amasakaramento, gutura igitambo cy’ukarisitiya n’ibindi byabasabaga kujya kuri Paruwasi ya Zaza bakagorwa n’urugendo rurerure.

Mivumbi Ladislas, utuye Kansana yababatijwe mu mu mwaka 1941, avuga ko batangiye gusaba guhabwa Paruwasi 1981, ariko bakabwirwa ko bagomba kubanza kubona abapadiri.

JPEG - 227 kb
Abakirisitu bishimira ko begerejwe Paruwasi bari bamaze imyaka 53 basaba (Foto Manishimwe N)

Nyuma yo guhabwa iyi Paruswasi hafi y’aho atuye, Mivumbi avuga ko yishimiye ko imuruhuye urugendo rw’ibilometero bisaga 12 yakoraga, akavuga ko ubu agiye gushimangira urukundo rwa Kristu.

Yagize ati “Ni ibyishimo bikomeye cyane kuko ntari nkibasha kujya i Zaza guhabwa amasakaramento, byansabaga gukora rugendo rw’ibilometero 12, ubu ubwo twegerejwe Paruwasi, ngiye gukomeza umurimo wanjye wo gushimangira urukundo rwa Kristu, ntanga urugero rwiza.”

Mukeshimana Devotha na we yagize ati “Twaruhutse, kuko twajyaga nko kwigira batisimu tukajya i Zaza, mu gukoresha umunsi mukuru w’umwana nabwo akaba ari ho tujya, bigasaba gukoresha itike, n’amaguru ni amasaha atari munsi y’atatu, ariko ubu bigiye gutuma dukomera ku Mana.”

Nambaje Aphrodise, Umuyobozi w’akarere ka Ngoma, yavuze ko kwegereza abakirisitu Paruwasi bidatandukanye na gahunda ya Politiki y’u Rwanda yo kwegera abaturage, asaba abakirisitu begerejwe Paruwasi kurangwa n’ibikorwa byiza no kwirinda kujya mu buyobe.

Agira ati “Turasaba rero ko mutoza abana uburere kubera ko iyo umwana avutse akarerwa neza, akura neza, agatekereza neza.Abana bajye mu mashuri, kubera ko ubu isi yugarijwe n’ubuyobe hari n’imitwe y’iterabwoba itwara abana, abana rero mubarinde.”

Musenyeri Antoine Kambanda, umushumba wa Diyosezi Gatulika ya Kibungo yashimiye ubufatanye bw’abakirisitu bahuje imbaraga, abasaba kurangwa n’ibikorwa by’urukundo.

Yagize ati “Ubufatanye, ubwitange no kwemera gukomeye by’abakiristu niyo Kiliziya nzima, rubyiruko rero, babyeyi, abana mubashyire mu miryango nk’abasukuti, abajeki, abarejiyo… kugira ngo uru rubyiruko rushobore gufashwa.

Tutitaye ku rubyiruko ejo kiliziya yacu nta maboko yaba ifite, ejo nibo bazaba abasasaridoti, abayobozi, ba musenyeri, ni ngombwa rero kubategurira, aha nkaba mbasaba cyane gushyigikira imiryango remezo kuko ni yo kiliziya y’ibanze.”

Paruwasi nshya ka Kansana igizwe n’imiryango remezo 100, yabyawe na Paruwasi eshatu ari zo Zaza, Kibungo na Rukoma, yuzuye itwaye amafaranga y’u Rwanda asaga miliyoni 27, yavuze ku misanzu y’abakristu, inkunga zinyuranye, n’imiganda itandukanye.

 

Comments

 
 
Rusizi:Ikibazo cy’imbwa zizerera zikarya abaturage cyahagurukiwe
Rusizi:Ikibazo cy’imbwa zizerera zikarya abaturage cyahagurukiwe

Ikibazo cy’imbwa zizerera zirya abantu mu karere ka Rusizi ngo ntigihangayikishije abaturage gusa, ahubwo gihangayikishije n’ubuyobozi, bukaba busaba abaturage kuba bihanganye igihe cy’imvura (...)

Karongi:Depite Musabyimana yasabye abaturage gukomera kuri ‘Ndi Umunyarwanda
Karongi:Depite Musabyimana yasabye abaturage gukomera kuri ‘Ndi Umunyarwanda

Depite Samuel Musabyimana, yasabye abaturage bo mu karere ka Karongi gukomeza gushyigikira gahunda y’ubumwe n’ubwiyunge, kuko ari byo bizatuma igihugu gikomeza kwihuta mu iterambere, kikaba (...)

Rubavu:Abifuza kuva mu manegeka batuyemo bemerewe amabati
Rubavu:Abifuza kuva mu manegeka batuyemo bemerewe amabati

Ubuyobozi bw’akarere ka Rubavu bwemereye amabati abaturage batishoboye bagera ku 120, bashaka kuva mu manegeka, mu rwego rwo kubafasha gutura mu mudugudu. Ubuyobozi bw’aka karere buvuga ko (...)

Musanze: Umukobwa w’imyaka 20 yihangiye umurimo umwinjiriza 250,000 ku kwezi
Musanze: Umukobwa w’imyaka 20 yihangiye umurimo umwinjiriza 250,000 ku kwezi

Umuhire Catherine, ni umukobwa w’imyaka 20 utuye mu murenge wa Muhoza, mu karere ka Musanze, uvuga ko mu gihe cy’imyaka 2 amaze akora umwuga wo gucura ibyuma bikoreshwa muri feri z’imodoka, ubu (...)

Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.