Advertisement
 
 
 
 
 
 
 
 

Amakuru | Mu Ntara | Intara

Ngoma:Abajura b’amatungo bakamejeje   

  Yanditswe na MANISHIMWE NOËL
 3 months ago

 
 

Abaturage bo mu tugari twa Bugera na Ndekwe, mu murenge wa Remera mu karere ka Ngoma, baravuga ko batewe impungenge n’ubujura bwadutse muri aka gace, aho amatungo yiganjemo ihene n’ingurube yibwa nijoro.

Amwe muri aya matungo yibwa aburirwa irengero, hakabaho n’ayibwa akabagirwa hafi aho.

Iki kibazo abatuye muri uyu tugari bakigaragarije itangazamakuru nk’ikibakomereye, mu mpamvu zibitera bagaragazamo ko muri aka kace hagaragaramo abantu benshi b’imburamukoro, birirwa ku muhanda no mu tubari banywa inzoga, bwagoroba bamwe bakitwikira ijoro bagakora ubwo bujura.

Abaganiye n’Imvaho Nshya barimo Hakizimana Evariste, utuye mu kagari Ndekwe, bagaragaje ko ubujura bw’amatungo bubahangayikishije.

Yagize ati“Ni ikibazo cy’ubujura bw’amatungo, hari abantu b’insoresore baba bafite bagenzi babo batuye muri za Kayonza, zikibwa zikajyanwayo, baraza bagacunga neza ko usinziriye bakayitwara cyangwa se bakayikata, hari izicirwa aho ngaho zikajyanwa ari intumbi, ahari n’izo bafatanwa mu ijoro n’irondo.”

JPEG - 92.1 kb
Ndahinyuka Jean Pièrre umwe mu batuye i Remera usaba ko ubuyobozi kubafasha guca ubujura bw’amatungo

Ndahinyuka Jean Pièrre we atunga agatoki abantu bamwe bo muri aka gace, ngo babaswe n’ibiyobabyenge badashaka gukora, ahubwo bumva batungwa n’iby’abandi barushye bakorera.

Yagize ati“Twumva umuntu yagiye kwiba, araramukira ku muhanda yicaye bwakira agatekereza aho ya ngurube iri, akagenda akayiba, akayica, bakayirya.

Leta icyo ndi kuyisaba cyane, ku muhanda usanga abasore bicaye, basinze, icyo nasaba nka Polisi ni ugufunga izo nzererezi n’abajura kuko ikibazo nk’ubujura bw’ingurube butuma umuturage adatera imbere, kuko uyorora ngo izagufashe mu gihe kizaza, haba kuriha iyo mituweli n’izindi nyungu rusange.”

Mugabushaka Cyprien, na we yagize ati “Hari insoresore ziba zarananiye iwabo bakanga kwiga, ubwo bagatangirana n’ibiyobyabwenge, ugasanga mu rugo inkoko yagurishije, ari n’aho wumva bibye n’izo ngurube, cyane cyane icyo kibazo cyo kwiba amatungo kiri mu nsoresore.”

Kibinda Aimable, Umunyamabanga Nshingwabikorwa w’umurenge wa Remera, ubarizwamo utugari twa Bugera na Ndekwe, we avuga ko ikibazo cy’ubujura abaturage bagaragaza kidakaije cyane.

Agira ati “Ntabwo byari byaba ku mwihariko, hashobora kuba hari umuntu waraye wibwe ingurube ariko ntabwo biraba rusange, kubera ko umutekano wari ukimeze neza, kuba umuntu yibwe ingurube mu rugo iwe, ntitubimenye ntabwo ari ikibazo gikomeye, gusa hari amarondo akorwa akurikirana, abungabunga umutekano w’abantu n’ibyabo.

Kandi n’akarere ka Kayonza turakorana, dufite Polisi n’iyo duhuye n’icyo kibazo turahamagarana tukabungabunga umutekano kuko twese dusenyera ku mugozi umwe, wo kubunganga umutekano w’umuturage.”

Nubwo ubuyobozi bw’umurenge wa Remera bugaragaza ko ubujura bw’amatungo buhavugwa budakabije, abaturage baganiriye n’Imvaho Nshya bo bagaragaje ko bitewe n’ubwoba bw’uko amatungo yabo ashobora kwibwa, ngo ubu bararana n’amatungo kandi nta we ugiseka undi.

Ngo abafite inzu zagutse bahitamo gufata icyumba kimwe mu nzu bararamo, bagashyiramo amatungo yabo yaba intama, ihene cyangwa ingurube, bazihungisha abajura, mu gitondo bakabyuka bazisohora hanze.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Huye:Abahabwaga ingoboka barasaba gusubizwa imisanzu batanze ngo bubake igorofa
Huye:Abahabwaga ingoboka barasaba gusubizwa imisanzu batanze ngo bubake igorofa

Abahabwaga inkunga y’ingoboka mu murenge wa Mbazi mu karere ka Huye, barasaba ko amafaranga bagiye bizigamira ngo hazubakwe inzu y’igorofa n’amacumbi yo gukodeshwa bayasubizwa bakayikenuza, kuko ngo (...)

Rubavu: Inzu y’umuryango wa Rubangura yibasiwe n’inkongi y’umuriro
Rubavu: Inzu y’umuryango wa Rubangura yibasiwe n’inkongi y’umuriro

Inzu y’umuryango w’umushoramari nyakwigendera Rubangura iherereye mu kagari k’amahoro, umurenge wa Gisenyi mu karere ka Rubavu yibasiwe n’inkongi y’umuriro yangirikiramo ibintu byinshi mu ijoro (...)

Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Huye:Abakoreye ibyahoze ari amakomine barishyuza Akarere ka Huye asaga miliyoni 11
Huye:Abakoreye ibyahoze ari amakomine barishyuza Akarere ka Huye asaga miliyoni 11

Abahoze ari abakozi b’ibyahoze ari amakomine yahurijwe mu karere ka Huye, barishyuza aka karere amafaranga asaga miliyoni cumi n’imwe bakoreye mbere yo guhagarikwa ku mirimo bakoraga. Hashize (...)

Rusizi: Bamwe mu bakirisito binubira kubatirizwa mu mazi mabi
Rusizi: Bamwe mu bakirisito binubira kubatirizwa mu mazi mabi

Bamwe mu bayoboke b’amatorero ya gikirisitu akorera mu karere ka Rusizi mu binubira kubatirizwa mu mazi mabi y’ibishanga. Abaganiriye n’Imvaho Nshya bagaragaza ko iyo hateguwe umubatizo, bisaba ko (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.