Advertisement
 
 
 
 
 
 
 
 

Amakuru | Mu Ntara | Intara

Ngoma: Abagore bafunze bashima Leta yabemereye gutunga umusatsi   

  Yanditswe na MANISHIMWE NOËL
 1 April

 
 

Abagore bafungiye muri Gereza y’abagore ya Ngoma, bavuga ko bishimira kuba baremerewe kugira umusatsi, bakagaragaza ko byaberetse ko Leta ibatekerezaho kandi ikabifuriza ibyiza.

Mbere y’umwaka wa 2014, bimwe mu byabarangaga imfungwa n’abagororwa bo mu Rwanda, harimo no kuba nta musatsi bagiraga, hatitawe ku kuba ufunzwe ari umugore cyangwa umugabo.

Kwemerera abagore bafunzwe kugira umusatsi, byatangiye mu mwaka wa 2014, mu gihe hanashyirwagaho gereza yihariye y’abagore n’ibigo ngororamuco by’abana.
Ni icyemezo imfungwa n’abagororwa b’abagore bavuga ko bishimira cyane nk’uko bigarukwaho na Mukamuhizi Marie Grace, ufungiwe muri iyi Gereza ya Ngoma.

Yagize ati:“Icya mbere ni ugushimira leta y’ubumwe yabashije kutugorora neza.Ubundi umugororwa yarangwaga nuko yabaga yogoshe umusatsi, ariko ubu dufite umusatsi, ni icyemezo cyadushimishije kuko ubwiza bw’umugore ubundi ni umusatsi.”

JPEG - 194.5 kb
Mukamuhizi Marie Grace ufungiwe muri iyi Gereza ya Ngoma avuga ko kwemererwa kugira umusatsi byabashimishije

Mukagakwandi Peteronila na we avuga ko mbere bagifunganwe n’abagabo batemererwaga kugira umusatsi, ariko ngo kuba barashyiriweho Gereza yihariye byatumye bakomorerwa kugira umusatsi.

Yagize ati:“Tukiba muri gereza ya Nsinda ntabwo twagiraga umusatsi, ariko tukigera hano batwemereye umusatsi nkatwe ababyeyi biradushimisha, hano twumva twisanzuye kuko turi abagore gusa.”

Senior Insepector of Prison Ndwanyi Grace, umuyobozi wa Gereza ya Ngoma, avuga ko kwemerera abagore kugumana umusatsi wabo byemejwe hanashingiwe ku kuba umugore afite ubuzima bwihariye ugereranyije n’abagabo.

Avuga ko iyo gereza ifungirwamo abagore gusa bifasha abayifungiwemo kwisanzura ndetse no gukurikirana ubuzima bwabo bwa buri munsi bikoroha.”

Yagize ati:“Umugore hari iby’ibanze akenera bitandukanye n’ibyo abagabo bakenera, buri kwezi hari ibikoresho akenera yifashisha mu isuku, ibyo arabihabwa, agenerwa amazi menshi...umugororwa w’umugore ababwa byose yemererwa n’amategeko kandi afite umwihariko nk’umugore.”

AC Bosco Kabanda, ushinzwe kugorora, uburenganzira n’imibereho myiza y’abagororwa mu rwego rw’igihugu rushinzwe imfungwa n’abagororwa mu Rwanda (RCS), yatangarije Imvaho Nshya ko gukomorera abagore bafunzwe kugira umusatsi byakozwe mu rwego kugira ngo uburenganzira bwabo bwubahirizwe.

Yagize ati:“Dukora ibishoboka byose kugira ngo ubuzima bwabo bube bwiza, ibiteganwa byose kugira ngo hubahirizwe uburenganzira bwa muntu byubahirizwe ariko barangize n’ibihano baba barakatiwe n’inkiko.”

Gereza y’Abagore ya Ngoma iherereye mu murenge wa Kibungo, mu karere ka Ngoma, ikaba ifungiwemo imfungwa n’abagororwa bagera kuri 699.

 

Comments

Who are you?
Your post
  • To create paragraphs, just leave blank lines.

 
 
Muhanga : Umushoferi afunzwe akurikiranweho guha umupolisi ruswa
Muhanga : Umushoferi afunzwe akurikiranweho guha umupolisi ruswa

Polisi ikorera mu karere ka Muhanga yafashe umushoferi ukurikiranyweho kugerageza guha ruswa y’amafaranga 5000, umupolisi wari mu kazi mu muhanda kubera amakosa yari akoze ku ya 7 Ukuboza 2016. (...)

Huye:Abahabwaga ingoboka barasaba gusubizwa imisanzu batanze ngo bubake igorofa
Huye:Abahabwaga ingoboka barasaba gusubizwa imisanzu batanze ngo bubake igorofa

Abahabwaga inkunga y’ingoboka mu murenge wa Mbazi mu karere ka Huye, barasaba ko amafaranga bagiye bizigamira ngo hazubakwe inzu y’igorofa n’amacumbi yo gukodeshwa bayasubizwa bakayikenuza, kuko ngo (...)

Rubavu: Inzu y’umuryango wa Rubangura yibasiwe n’inkongi y’umuriro
Rubavu: Inzu y’umuryango wa Rubangura yibasiwe n’inkongi y’umuriro

Inzu y’umuryango w’umushoramari nyakwigendera Rubangura iherereye mu kagari k’amahoro, umurenge wa Gisenyi mu karere ka Rubavu yibasiwe n’inkongi y’umuriro yangirikiramo ibintu byinshi mu ijoro (...)

Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Huye:Abakoreye ibyahoze ari amakomine barishyuza Akarere ka Huye asaga miliyoni 11
Huye:Abakoreye ibyahoze ari amakomine barishyuza Akarere ka Huye asaga miliyoni 11

Abahoze ari abakozi b’ibyahoze ari amakomine yahurijwe mu karere ka Huye, barishyuza aka karere amafaranga asaga miliyoni cumi n’imwe bakoreye mbere yo guhagarikwa ku mirimo bakoraga. Hashize (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.