Advertisement
 
 
 
 
 
 
 
 

Amakuru | Mu Ntara | Intara

Musenyeri w’Umwongereza yashimye imiyoborere myiza mu Rwanda   

  Yanditswe na BAHUWIYONGERA SYLVESTRE
 August 2016

 
 

Musenyeri Keneth Barham, umwongereza wageze muri Diyoseze ya cyangugu mu itorero ry’Abangilikani mu 1992, akahubaka ibikorwa remezo byinshi biri mu byazamuye bigaragara imibereho y’abaturage b’uturere twa Rusizi na Nyamasheke, arashimira umwihariko w’abanyarwanda mu kurinda ibyagezweho, akemeza ko byose ari imbuto z’imiyoborere myiza mu Rwanda.

Mu kiganiro Musenyeri Keneth Barham yagiranye n’Imvaho Nshya, yagaragaje ko yishimiye bikomeye uburyo ibikorwa remezo yubatse mu Rwanda byabungabunzwe, mu gihe ibimeze nkabyo yubatse ahandi muri Afurika byamaze gusenyuka, agasanga byose bishingiye ku miyoborere myiza y’u Rwanda.

Ibi yabitangaje ubwo yifatanyaga n’abakirisitu b’itorero ry’Abangilikani Diyoseze ya Cyangugu, mu guha amashuri meza abana 572 bo ku kirwa cya Nkombo, bari bamaze igihe bigira mu mashitingi no munsi y’igiti.

JPEG - 367.7 kb
Musenyeri Keneth Barham yashimwe imiyoborere myiza mu Rwanda (Foto Bahuwiyongera S)

Yashimye ubwiza bw’aya mashuri na we yagize uruhare mu kubaka, yishimira ko n’ibindi byose yubatse muri iyi Diyoseze n’ahandi mu gihugu bifashwe neza, avuga ko iyo igihugu kiyobowe neza nta cyiza cy’iterambere kitagerwaho.

Yagize ati “Nageze muri iyi Diyoseze mu 1992 mpasanga uwari Musenyeri Nduhura Daniel, nta kintu na kimwe cy’inyubako y’itorero gihari, ndamwungiriza ntangira gushaka uko twazamura imibereho y’abaturage, tubanza kubaka insengero.

Nyuma ya Jenoside yakorewe abatutsi ngirwa Musenyeri, nubaka ibikorwa byinshi birimo Peace Guest house, ishuri ryisumbuye Jill Barham n’ibindi, iyo mbirebye nkaba nishima cyane ngashima n’agaciro u Rwanda ruha ibikorwa remezo nk’ibi ugereranije n’ahandi ngenda mbishyira muri Afurika.”

Mu byo yubatse nk’uko yabitangarije Imvaho Nshya, harimo Peace Guest house iri mu mujyi wa Rusizi ifite agaciro ka miliyari zirenga ebyiri n’igice, harimo n’irindi cumbi riyishamikiyeho ryuzuye ubu ribarirwa mu gaciro ka miliyoni 800, amashuri 16 abanza, ayisumbuye n’ay’imyuga mu turere twa Rusizi na Nyamasheke.

Mu bikorwa remezo yubatse kandi harimo ikigo nderabuzima cya Mont Cyangugu mu karere ka Rusizi, n’ibindi, akaba ateganya no kubaka ibitaro mu murenge wa Nyakabuye mu karere ka Rusizi, ku bufatanye na Leta y’u Rwanda.

Uretse mu Rwanda, uyu Musenyeri ngo yanubatse kaminuza ikomeye mu gihugu cya Uganda, n’ibindi bikorwa bikomeye i Ngozi mu Burundi, n’ibindi mu gihugu cye cy’u Bwongereza, bikaba byaratumye muri 2011 umwamikazi w’u Bwongereza Elizabeth II yaramushimiye ibi bikorwa byose, haba mu Bwongereza n’ahandi muri Afurika, cyane cyane mu Rwanda, amwambika ikamba ry’icyubahiro.

Yagize ati “Murabizi ko nkunda u Rwanda cyane, ndashaje kuko ngeze ku myaka 87, ariko sinzahwema kuruzamo no kurushakira ibyiza igihe cyose nkiriho nubwo ndi mu kiruhuko cy’izabukuru, kubera uburyo ibyo mpakora byitabwaho.”

 

Comments

 
 
Karongi:Arasaba ubufasha bwo kwivuza kanseri yo mu maraso amaranye umwaka
Karongi:Arasaba ubufasha bwo kwivuza kanseri yo mu maraso amaranye umwaka

Nyiranshuti Venantie, umubyeyi w’imyaka 60 utuye mu mudugudu wa Kananira, akagari ka Birambo, umurenge wa Gashali mu karere ka Karongi, arasaba ubufasha bwo kwivuza Kanseri yo mu maraso amaranye (...)

Ubwato Perezida Kagame  yahaye abaturage bo ku Nkombo buratanga umusaruro ushimishije
Ubwato Perezida Kagame yahaye abaturage bo ku Nkombo buratanga umusaruro ushimishije

Abaturage bo mu murenge wa Nkombo mu karere ka Rusizi, barashimira cyane Perezida Paul Kagame wabahaye ubwato bwabakuye mu bwigunge, ubu bakaba banishimira ko umusaruro w’amafaranga arenga (...)

Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo
Hagiye gushingwa ikigo kizarererwamo abana ababyeyi basigaga ku mupaka w’u Rwanda na Congo

Nyuma y’aho mu karere ka Rubavu hagiye havugwa ikibazo gikomeye cy’abana basigwa ku mupaka n’ababyeyi babo, babareresha abandi bana bagenzi babo, mu gihe bo baba bagiye gucururiza Kongo, ubu (...)

Abaturage b’i Musanze barasaba iminara izabahesha ’rezo’ ya telefoni
Abaturage b’i Musanze barasaba iminara izabahesha ’rezo’ ya telefoni

Abaturage batuye mu Murenge wa Muko mu karere ka Musanze barasaba ubuyobozi bubishinzwe kubashakira iminara yabafasha kubona ihuzanzira rya telefoni (Network), ngo kuko bakomeje gusigara inyuma (...)

Huye:  Abacikanwe n’amashuri barifuza kwiga indimi z’amahanga n’imyuga
Huye: Abacikanwe n’amashuri barifuza kwiga indimi z’amahanga n’imyuga

Abakuze bagana amasomero y’abakuze ngo bihugure mu gusoma no kwandika mu karere ka Huye, bagaragaje icyifuzo cy’uko bashakirwa uburyo bwihariye bwajya bubafasha gukomeza kwiga mu yandi mashuri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.