Advertisement
 
 
 
 
 
 
 
 

Amakuru | Mu Ntara | Intara

Musanze: Yahizwe n’abo se yagabiye, arokorwa n’imbwa y’umuturanyi   

  Yanditswe na NGABOYABAHIZI PROTAIS
 30 May

 
 

Ndayisaba Daniel, umugabo ukomoka mu karere ka Karongi, ariko kuri ubu akaba atuye mu karere ka Musanze, avuga ko kugira ngo arokoke Jenoside yakorewe abatutsi, hari imbwa yagendaga iwabo yabigizemo uruhare, nyamara abo se yagiriye neza bamuhiga ngo bamwice.

Ubu buhamya uyu mugabo yabutangiye mu muhango wo kwibuka abatutsi biciwe ahitwa kuri Court d’Appel i Musanze, muri Jenoside yakorewe abatutsi, uyu muhango ukaba wari wateguwe n’abana bibumbiye mu muryango Urumuri rw’ikizere Family.

Mu buhamya bwa Ndayisaba, yagaragaje inzira yita iy’umusaraba yanyuzemo ajya kwihisha mu bigo by’abihaye Imana, ibya gisirikare, n’ahandi hose yanyuze yihisha abashakaga kumwica.

Yagize ati:“Nageze ubwo nzibukira ikitwa kwihisha mu ngo no mu mazu y’abaturanyi, kuko aho nageraga hose baranyirukanaga, barimo abo data yahaye amasambu yo guturamo, yarihiriye amashuri n’abandi, kugeza ubwo nihisha mu bihuru bakampigisha imbwa, ariko imwe mu zagendaga mu rugo rwacu yari inzi ikaba ariyo ituma abanzi batambona”.

JPEG - 102.3 kb
Ndayisaba (wicaye imbere) yatunguwe no kubona imbwa zararushije abantu kumenya umuturanyi (Foto Ngaboyabahizi P)

Avuga ko imbwa zamuhigaga zari kumwe na ba shebuja, iyaje kumugeraho mbere ngo kubera kumumenya (kuko yari iy’umuturanyi) yanze kumuva iruhande.

Ati: “Natangajwe no kubona iyo mbwa yarangezeho ikagaragaza ibyishimo izunguza umurizo, izindi ntizindye, ariko abaturanyi, abantu nkanjye bakampiga, ibintu byari byakomeye aho imbwa zarushaga abantu umutimanama no kumenya umuturanyi, iri ni isomo rikomeye kuri njye, twageze ubwo bagenzi bacu batwanga, baratwibagirwa imbwa ziradutabara”.

Umuyobozi w’Intara y’Amajyaruguru Bosenibamwe Aime wari witabiriye uyu muhango wo kwibuka, yahumurije abarokotse Jenoside, abizeza ko Jenoside itazongera kubaho ukundi, ndetse isaba uruhare rwa buri wese kugira ngo bigerweho.

Yagize ati:“Bana b’u Rwanda nimuhumure ibyabaye ntibizongera na rimwe, ubu isi yose imaze kwemera ko habayeho Jenoside yakorewe abatutsi, rubyiruko nimuharanire ko Jenoside itazongera kuba, mwirinda ibihuhu, muyikumira aho muyumva hose n’inzira ishobora kunyuramo.

Ndakomeza kandi gushimira abarokotse Jenoside ukwihangana bagize bakemera kubana mu mahoro n’ababiciye, nimukomere kandi muharanire kubaho mwigira, kandi ibyo musaba ubuyobozi bw’igihugu cyacu cyose bwiteguye kukibaha”.

Urumuri rw’ikizere Family rugizwe n’abana bari bato mu gihe Jenoside yakorewe abatutsi muri Mata 1994, ndetse n’abakomoka ku bayirokotse.

Uyu muhango wo kwibuka ukaba wararanzwe n’urugendo rwo kwibuka, gushyira indabo ku mva zishyinguwemo imibiri y’abazize Jenoside yakorewe abatutsi, ndetse no gucana urumuri rutazima.

 

Comments

  • Peace Club 30 May

    Mbega weee!
    Abantu babure ubwenge bagere ubwo bajya hanyuma y’imbwa mu gutekereza koko? Ariko ni byo, ntabwo Jenoside yokerewe abatutsi mu Rwanda "yaguye nk’imvura" ahubwo YARATEGUWE NEZA, IRIGISHWA, IRAGERAGEZWA KUGEZA UBWO ABATOJWE KUYISHYIRA MU BIKORWA BASIGAYE BATAGIRA UBUMUNTU.
    Ni yo mpamvu twiyemeje kurwanya uwo ari we wese wahirahira ashaka gupfobya no guhakana Jenoside yakorewe abatutsi mu Rwanda; cyangwa gukwirakwiza ingengabitekerezo ya Jenoside.
    Uyu muvandimwe Daniel yihangane kandi akomere. .


pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Muhanga : Umushoferi afunzwe akurikiranweho guha umupolisi ruswa
Muhanga : Umushoferi afunzwe akurikiranweho guha umupolisi ruswa

Polisi ikorera mu karere ka Muhanga yafashe umushoferi ukurikiranyweho kugerageza guha ruswa y’amafaranga 5000, umupolisi wari mu kazi mu muhanda kubera amakosa yari akoze ku ya 7 Ukuboza 2016. (...)

Huye:Abahabwaga ingoboka barasaba gusubizwa imisanzu batanze ngo bubake igorofa
Huye:Abahabwaga ingoboka barasaba gusubizwa imisanzu batanze ngo bubake igorofa

Abahabwaga inkunga y’ingoboka mu murenge wa Mbazi mu karere ka Huye, barasaba ko amafaranga bagiye bizigamira ngo hazubakwe inzu y’igorofa n’amacumbi yo gukodeshwa bayasubizwa bakayikenuza, kuko ngo (...)

Rubavu: Inzu y’umuryango wa Rubangura yibasiwe n’inkongi y’umuriro
Rubavu: Inzu y’umuryango wa Rubangura yibasiwe n’inkongi y’umuriro

Inzu y’umuryango w’umushoramari nyakwigendera Rubangura iherereye mu kagari k’amahoro, umurenge wa Gisenyi mu karere ka Rubavu yibasiwe n’inkongi y’umuriro yangirikiramo ibintu byinshi mu ijoro (...)

Rusizi:Laboratwari yagombaga gufasha abanyeshuri imaze imyaka 10 yubakwa
Rusizi:Laboratwari yagombaga gufasha abanyeshuri imaze imyaka 10 yubakwa

Ababyeyi barerera mu ishuri ryisumbuye rya Gishoma riri mu murenge wa Rwimbogo, mu karere ka Rusizi, baravuga ko batewe impungenge na Laboratwari abana babo bagombye kuba bakoresha, imaze imyaka (...)

Huye:Abakoreye ibyahoze ari amakomine barishyuza Akarere ka Huye asaga miliyoni 11
Huye:Abakoreye ibyahoze ari amakomine barishyuza Akarere ka Huye asaga miliyoni 11

Abahoze ari abakozi b’ibyahoze ari amakomine yahurijwe mu karere ka Huye, barishyuza aka karere amafaranga asaga miliyoni cumi n’imwe bakoreye mbere yo guhagarikwa ku mirimo bakoraga. Hashize (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.