Advertisement
 
 
 
 
 
 
 
 

Amakuru | Mu Ntara | Intara

Musanze: Yabyaye abana batatu ku mbyaro ya gatandatu   

  Yanditswe na NGABOYABAHIZI PROTAIS.
 May 2016

 
 

Mukaruhama Christine, wo mu murenge wa Cyuve ,akagari ka Buruba, umurenge wa Cyuve mu karere ka Musanze, yibarutse abana batatu mu bitaro bikuru bya Ruhengeri, ku ya 2 Gicurasi.

Uyu mugore ubwo yari akimara kubyara yavuze ko abyaye inshuro ya gatandatu nona ubu akaba agejeje ku bana barindwi, asaba inka yo kubakamirwa.

Ati: “Natunguwe no kubyara abana batatu, kuko n’ubwo nipimishije ntabwo nari nzi ko mbatwite, gusa Imana yakoze. Nshingiye rero ko ndi umuntu na bwo urya nciye inshuro; ndasaba umugiraneza wese ndetse n’ubuyobozi kumfasha kubarera, ubu nta mashereka mfite ahagije yo kubonsa, hiyongeyeho no kubabonera imyambaro urumva ko ari ibintu bikomeye”.

JPEG - 71.6 kb
Mukaruhama n’umufasha gucigatira abana

Ntaneza Immaculee umuforomokazi wita kuri Mukaruhama yabwiye Imvaho Nshya ko uwo mubyeyi yabyaye neza ariko ko abana bavutse batujuje ibiro.”

Ati: “Uyu mubyeyi yabyaye atabazwe, ariko abana be ntabwo bujuje ibiro bya ngombwa, kuko abana 2 bavukanye 1,5 kg ni abahungu naho umukobwa avukana 1,4 kg ubu rero turi kumwitaho cyane aho abafatira mu gituza mu buryo mu kiganga bita Kanguru.”

Akomeza agira inama abagore kujya bipimisha inshuro zagenwe, kugira ngo abaganga babashe kubakurikirana ngo kuko iyo bitaba ibyo aba yarabyariye mu rugo bikamuviramo gupfa.

Ntirenganya Martin,umukozi ushinzwe iterambere n’imibereho myiza mu karere ka Musanze, avuga ko ubuyobozi bwiteguye kumuha ubufasha bw’ibanze, ndetse no mu buryo burambye akazahabwa inka izamufasha kubungabunga ubuzima bw’abo bana.

JPEG - 65.7 kb
Mukaruhama akeneye ubufasha kugira ngo abana 3 yibarutse bakure (foto Ngaboyabahizi Protais)

Ntabwo ari inshuro ya mbere umubyeyi abyariye abana batatu mu bitaro bya Ruhengeri kuko no mu myaka ibiri ishize hari uwo mu murenge wa Rwaza wababyaye kandi kuri ubu bakaba bameze neza.

 

Comments

 
 
Rusizi:Ikibazo cy’imbwa zizerera zikarya abaturage cyahagurukiwe
Rusizi:Ikibazo cy’imbwa zizerera zikarya abaturage cyahagurukiwe

Ikibazo cy’imbwa zizerera zirya abantu mu karere ka Rusizi ngo ntigihangayikishije abaturage gusa, ahubwo gihangayikishije n’ubuyobozi, bukaba busaba abaturage kuba bihanganye igihe cy’imvura (...)

Karongi:Depite Musabyimana yasabye abaturage gukomera kuri ‘Ndi Umunyarwanda
Karongi:Depite Musabyimana yasabye abaturage gukomera kuri ‘Ndi Umunyarwanda

Depite Samuel Musabyimana, yasabye abaturage bo mu karere ka Karongi gukomeza gushyigikira gahunda y’ubumwe n’ubwiyunge, kuko ari byo bizatuma igihugu gikomeza kwihuta mu iterambere, kikaba (...)

Rubavu:Abifuza kuva mu manegeka batuyemo bemerewe amabati
Rubavu:Abifuza kuva mu manegeka batuyemo bemerewe amabati

Ubuyobozi bw’akarere ka Rubavu bwemereye amabati abaturage batishoboye bagera ku 120, bashaka kuva mu manegeka, mu rwego rwo kubafasha gutura mu mudugudu. Ubuyobozi bw’aka karere buvuga ko (...)

Musanze: Umukobwa w’imyaka 20 yihangiye umurimo umwinjiriza 250,000 ku kwezi
Musanze: Umukobwa w’imyaka 20 yihangiye umurimo umwinjiriza 250,000 ku kwezi

Umuhire Catherine, ni umukobwa w’imyaka 20 utuye mu murenge wa Muhoza, mu karere ka Musanze, uvuga ko mu gihe cy’imyaka 2 amaze akora umwuga wo gucura ibyuma bikoreshwa muri feri z’imodoka, ubu (...)

Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.