Advertisement
 
 
 
 
 
 
 
 

Amakuru | Mu Ntara | Intara

Musanze:Umusaza umaranye ubumuga imyaka 32 aba mu nzu yenda kugwa   

  Yanditswe na NGABOYABAHIZI PROTAIS
 4 months ago

 
 

Ngirabanzi Paul, ni umusaza w’imyaka 64, utuye mu murenge wa Rwaza mu kagari ka Nyarubuye, akarere ka Musanze, ufite ikibazo cy’ubumuga amaranye imyaka 32, yatewe n’impanuka y’imodoka yakoze mu mwaka wa 1984.

Kuri ubu aba mu nzu ishaje cyane yubatse mu 1980, ariko akaba afite impungenge ko izamugwaho,akaba asaba ubuyobozi kumufasha cyangwa bukamukorera ubuvugizi akubakirwa.

Iyo ugeze mu nzu Ngirabanzi, usanga ari ikirangarizwa kuko amategura agenda ava mu myanya yayo, ibikuta na byo byagiye bitandukana, sima hasi na yo igenda iriduka k’uburyo ubona ko ubutaka bwatandukanye.Iyi nzu ayibanamo n’umugore we ndetse n’umwuzukuru wabo w’imyaka 5.

Mu kiganiro yagiranye n’Imvaho Nshya, Ngirabanzi Paul yagize ati:“Ndi umuntu ufite ubumuga, nta kazi ngira nta mwana mbana nawe ushobora kundwanaho, ubu banashyize mu cyiciro cy’ubudehe cya 3, kandi nawe urareba nta kintu na kimwe cyo kunyamba.

Gusa wenda ibyo ntacyo byari bintwaye nakomeza nkabaho nabi uko nari nsanzwe, ariko noneho ikibazo mfite ubu ni iyi nzu igiye kungwaho, naratabaje hose uhereye mu mudugudu kugera ku murenge ariko ntawe unyumva, mbese ubu ndi aho ntegereje urupfu kuko imvura yo muri Nzeri izadusanga hano idukomezanye mu gishanga.

None ko ntikura aho ndi nabigira nte? ko nanditse amabaruwa ntihagire n’ungeraho nagira nte, n’ukwipfira ubwo nta kundi”.

Akomeza avuga ko na bamwe mu bayobozi batamwumva, bakirengagiza ko igihe kirekire akimara mu bitaro kubera uburwayi.

Yagize ati:“Aho bigeze ubuyobozi ntacyo bumfasha ahubwo abagiraneza n’undi ufite umutima utabara yandwanaho wenda, urabona ko nshaje umurambo wanjye bakazawukura mu nzu aho kunkura ku gasi n’aho kandi mu byondo”.

Umwe mu baturanyi ba Ngirabanzi, Nkiranuye yagize ati: “Natwe uyu musaza kuba ariho gutya ni ibintu bitubangamiye, kuko n’iyo imvura itagwa umuyaga uzayihirika dusange yaguyemo n’umukecuru we.

Twatekereje no kumuha umuganda ngo tumubumbire amatafari, abagiraneza batwikira hano amatafari bamurwaneho, ubuyobozi bw’akagari n’umurenge abandikiye bamutera utwatsi, ubu twarayobewe.

Ahubwo njye ntangazwa n’uko badatabara umuturage mbere, maze ibiza byamuhitana bagatabarira icya rimwe nta n’iyonka isigaye.Yemwe kugeza ubu nta muyobozi wo mu z’ibanze uramugeraho twabonye”.

Umuyobozi w’akarere wungirije ushinzwe iterambere n’ubukungu mu karere ka Musanze, Habyarima Jean Damascene, kuri iki kibazo yavuze ko atari akizi ariko ko ngo agiye kubiganiraho n’ubuyobozi bw’umurenge wa Rwaza, kugira ngo uyu muturage yubakirwe.

 

Comments

pre-moderation

This forum is moderated before publication: your contribution will only appear after being validated by an administrator.

Who are you?
Your post
  • To create paragraphs, just leave blank lines.

 
 
Karongi:Abatuye i Mutuntu bategereje bisi bijejwe amaso ahera mu kirere
Karongi:Abatuye i Mutuntu bategereje bisi bijejwe amaso ahera mu kirere

Bamwe mu baturage bo mu murenge wa Mutuntu mu karere ka Karongi, barasaba ubuyobozi bwabo kubafasha kubona imodoka ziborohereza mu ngendo, by’umwihariko bisi bemerewe na n’ubu bagitegereje. Aba (...)

Bafungiye kunyereza miliyoni 58 za koperative y’abajyanama b’ubuzima
Bafungiye kunyereza miliyoni 58 za koperative y’abajyanama b’ubuzima

Abantu batandatu bafungiye kunyereza amafaranga arenga miliyoni 58 ya koperative y’abajyanama b’ubuzima bo mu murenge wa Bweyeye mu karere ka Rusizi. Abafunze barimo umuyobozi n’umucungamutungo (...)

Rusizi: Yatemberejwe umujyi wose ahetse ihene yibye
Rusizi: Yatemberejwe umujyi wose ahetse ihene yibye

Bamwe mu baturage b’umurenge wa Bugarama, mu karere ka Rusizi, baravuga ko bakomeje kubabazwa no kubyuka bagasanga amatungo yabo cyane cyane ihene n’ingurube zibwe, ndetse zimwe zigateshwa abajura (...)

Ngoma:Ntibiyumvisha uburyo bahendwa n’amashanyarazi ‘utanacomekaho radiyo ngo ivuge’
Ngoma:Ntibiyumvisha uburyo bahendwa n’amashanyarazi ‘utanacomekaho radiyo ngo ivuge’

Abaturage bo mu kagari ka Karenge, umurenge Jarama bavuga ko umuriro w’amashanyarazi bahawe ntacyo ubamariye uretse kubahombya, kuko ngo bawutangaho ikiguzi cy’amafaranga menshi kandi nta musaruro (...)

Rubavu: Abaturage bashinja abunzi bita ’abanyenzara’ kwaka ruswa
Rubavu: Abaturage bashinja abunzi bita ’abanyenzara’ kwaka ruswa

Bamwe mu baturage bo mu mirenge itandukanye mu karere ka Rubavu, baratunga urutoki abunzi kurangwa na ruswa mu mikirize y’imanza, bakifuza iki kibazo cyashakirwa umuti. Aba baturage banuganuga (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.