Advertisement
 
 
 
 
 
 
 
 

Amakuru | Mu Ntara | Intara

Musanze:Ubujura bw’abasore biyita ‘Abajama’ buteye impungenge   

  Yanditswe na NGABOYABAHIZI PROTAIS
 March 2016

 
 

Abaturage bo mu mirenge ya Gataraga na Busogo yo mu karere ka Musanze, baravuga ko babangamiwe cyane n’ubujura bukorwa n’abasore biyita ‘Abajama’.

Aba basore biyongeye ku bandi bajura basanzwe biba mu buryo butandukanye, kuko hari abajya kwiba mu mirima, abiba mu maduka, abamburira abantu mu nzira, n’abakora mu mifuka.

Umwe mu baturage witwa Uwamahoro Mediatrice waganiriye n’Imvaho Nshya, yagaragaje ko ubu bujura buteye impungenge cyane abarema isoko ry’ahitwa mu Byangabo.

Yagize ati:“Iri soko ririmo abasore ubona bagenda bazenguruka hose, iyo uturutse imbere y’isoko muhurira hagati, bivuze ngo agenda agucunga aho ugiye hose kuko ubwo aba yamaze kubona ko ufite agafaranga.

JPEG - 93.3 kb
Abarema isoko rya Byangabo bahora bikanga kwibwa n’abajama (Foto Ngaboyabahizi P)

Badukora mu mifuka, ubundi bakagukurikirana bagera mu giturage rwose ntibatinya no kugufata mu ijosi, njye nzi umusaza bamburiye mu misozi yo muri Rwinzovu amafaranga agera ku kubihumbi 20, yari avuye mu isoko kugurisha ihene”.

Nduwayo Evariste, undi muturage urema iri soko, yagize ati:“Hari abasore kugeza ubu biyise amazina atandukanye ngo ni abajama, ubu baraturembeje, ni ukugenda wikandagira ukibwiriza gutaha kare kugira ngo utaza guhura nabo bakakuzonga.
Iki kibazo twarakivuze hose nta we utakizi kuva mu kagari, yemwe ndumva n’umuyobozi w’Intara yacu ubu amakuru ndakeka yaramugezeho”.

Guverineri w’Intara y’amajyaruguru Bosenibamwe Aime, yasabye abaturage gutanga amakuru y’ahari umuntu wese wahungabanya umutekano w’abaturage, kugira ngo ikibazo gikemuke hakiri kare.

Yagize ati:“Ndabasaba kudashyigikira amabandi, aha navuga nk’insoresore ubu zivugwa mu mirenge ya Busogo na Gataraga, nimutange amakuru kandi mwirinde gukorana na Sekibi.

Aba rero na bo badashaka gukora ngo bazatungwa no kwambura ibya rubanda, bamenye ko ingamba zafashwe, twiyemeje kubarwanya, kandi ndizera ko bazatsindwa”.

 

Comments

Izina Ryanyu
IGITEKEREZO

 
 
Ngoma: Koperative yagaruje toni 80 z’umusaruro wari waguzwe n’abamamyi
Ngoma: Koperative yagaruje toni 80 z’umusaruro wari waguzwe n’abamamyi

Ubuyobozi bwa Koperative Rebakure Munyamurama_KOREMU, igizwe n’abanyamuryango 350 bahinga ibigori n’ibishyimbo mu murenge wa Murama, mu karere ka Ngoma, buratangaza ko mu mwaka wa 2016 gusa, (...)

Aborozi  b’i Nyagatare batewe impungenge n’indwara itazwi ituma inka zabo ziramburura
Aborozi b’i Nyagatare batewe impungenge n’indwara itazwi ituma inka zabo ziramburura

Bamwe mu borozi bo mu Kagali ka Ryeru mu Murenge wa Rwempasha mu karere ka Nyagatare, bahangayikishijwe n’igisa n’icyorezo cyateye mu nka zabo zihaka, zikaramburura zenda kubyara. Aba borozi (...)

Musanze:Basabye ko ubushakashatsi ku miyoborere bugera no mu bigo byigenga
Musanze:Basabye ko ubushakashatsi ku miyoborere bugera no mu bigo byigenga

Ubwo ikigo cy’igihugu gishinzwe imiyoborere, RGB, cyerekanaga igipimo cy’imiyoborere ibereye abaturage n’imitangire ya serivise, bamwe mu bayobozi b’inzego z’ibanze basabye ko ubu bushakashatsi bwajya (...)

Ngoma:Abadepite bashimye uko abaturage babyaza umusaruro ibikorwa by’iterambere begerejwe
Ngoma:Abadepite bashimye uko abaturage babyaza umusaruro ibikorwa by’iterambere begerejwe

Abagize Inteko Ishinga Amategeko umutwe w’abadepite bari mu gikorwa cyo gusura ibikorwa by’iterambere mu karere ka Ngoma, aho bagenzura akamaro byagiriye abaturage, bakanakira ibyifuzo (...)

Rusizi: Inyubako zangijwe n’umutingito zikorerwamo zitarasanwa ziteye impungenge
Rusizi: Inyubako zangijwe n’umutingito zikorerwamo zitarasanwa ziteye impungenge

Ubuyobozi bw’Akarere ka Rusizi bwasabwe gukurikiranira hafi ikibazo cya zimwe mu nyubako zihurirwamo n’abantu benshi zashegeshwe n’umutingitito, nyamara magingo aya zikaba zigikorerwamo kandi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.