Advertisement
 
 
 
 
 
 
 
 

Amakuru | Mu Ntara | Intara

Musanze: Mu mudugudu w’ubumwe n’ubwiyunge barashimira Perezida Kagame   

  Yanditswe na NGABOYABAHIZI PROTAIS
 April 2016

 
 

Abaturage batujwe mu mudugudu wa Susa witiriwe ubumwe n’ubwiyunge, uhereye mu kagari ka Ruhengeri, umurenge wa Muhoza, mu karere ka Musanze, barashimira Perezida wa Pepubulika Paul Kagame wabatoje ubumwe n’ubwiyunge, ubu bakaba babanye neza kandi mbere barabonaga bidashoboka.

Umudugudu w’ubumwe n’ubwiyunge utuwemo n’abarokotse Jenoside yakorerwe abatutsi, abakoze Jenoside bireze bakemera icyaha, bamwe mu bahoze ari abacengezi, ndetse n’abasigajwe inyuma n’amateka.

Iyo ugeze muri uyu mudugudu ntibaguhisha ko Perezida wa Repubulika Paul Kagame yabakoreye ibyo bo batabonaga ko bishoboka, kuko ngo bashingiye ku mpanuro ze, badashobora kubana basabana amazi n’umuriro, bagasabana kandi bagafashanya muri byose, ubusanzwe bo batiyumvishaga ko banaturana.

JPEG - 58.5 kb
Imwe mu nzu zo mu mudugudu w’ubumwe n’ubwiyunge (Foto Ngaboyabahizi P)

Inzu zo muri uyu mudugudu zubatse k’uburyo zifatanye, abazituyemo batandukanywa n’urukuta kandi na rwo ari icyumba bombi bahuriyeho.

Kabaraza Speciose warokotse Jenoside, ni umwe mu bantu 20 bageze muri uyu mudugu bwa mbere,uhamya ko baza kuhatura bumvaga bidashoboka.

Yagize ati:“Njye nageze hano numva ko birangiye, mbese numvaga ari inzozi, kongera kubana n’umuntu wampigaga, n’umucengezi? kubyakira byarangoye, ariko kubera ko nari nizeye ko Nyakubahwa Perezida wa Repubulika Paul Kagame yo kabaho yankuye mu rwobo kandi akaba yarigishije abanyarwanda kubana, narabyemeye.

Ubu rwose uko iminsi igenda ishira tubanye neza, dusabana umuriro, dusangira amata turatabarana, ibi byose biterwa n’imiyoborere myiza, ikindi nishimira ni uko n’abana bacu ubu babanye mu rukundo”.

Akomeza avuga ko kuba ari incike akemera kubana neza n’uwamwiciye ari uko Perezida Kagame ari umuyobozi mwiza, wasabye abanyarwanda gukomeza kubana neza batishishanya, kandi bakabwizanya ukuri ngo kuko ibyo abantu bibikamo bibi bigera aho bikabatandukanya.

Umuyobozi wa IBUKA mu murenge wa Muhoza, Iddi Hamza, avuga ko n’ubwo bamaze gutera intambwe mu bumwe n’ubwiyunge kimwe no kwiteza imbere, ngo ubu bafite ikibazo cy’amacumbi ashaje, no kuba abana barangiza amashuri nka kaminuza babura akazi, ibi ngo bikaba byabashora mu ngeso mbi.

Umuyobozi w’akarere ka Musanze Musabyimana Jean Claude, yagize ati:“Gutuza mu midugudu abarokotse Jenoside n’abayigizemo uruhare byatangiye ari umuti usharira, ariko kubera ubuyobozi bw’u Rwanda bureba kure byarashobotse, kandi bitanga igisubizo cyiza, aho usanga abari bafitanye inzigo aribo batabarana, ku byerekeye amacumbi dufite umuhigo ko nibura mu gihe cy’umwaka umwe kiraba kirangiye”.

Musanze ni kamwe mu turere dufite imidugudu yatujwemo abarokotse Jenoside, abasigajwe inyuma n’amateka, abagize uruhare muri Jenoside bireze bakemera icyaha, abitandukanyije n’abacengezi ndetse n’abasezerewe mu ngabo z’u Rwanda (RDF),kandi babanye neza.

 

Comments

 
 
Karongi:Abatuye i Kabuga batewe impungenge n’abajura bahayogoje
Karongi:Abatuye i Kabuga batewe impungenge n’abajura bahayogoje

Abaturage bo mu kagari ka Kabuga mu murenge wa Rugabano mu karere ka Karongi, batewe impungenge n’ubujura bwibasiye ibyuma bitanga ingufu z’amashanyarazi aturuka ku mirasire y’izuba, ibiribwa biri (...)

Abasore 2 b’abanyekongo bakurikiranweho kwinjiza urumogi mu Rwanda
Abasore 2 b’abanyekongo bakurikiranweho kwinjiza urumogi mu Rwanda

Abasore 2 b’abanyekongo bafungiye kuri sitasiyo ya Polisi ya Muganza mu murenge wa Muganza mu karere ka Rusizi, bakurikiranweho kwinjiza urumogi mu gihugu, bakaba bararufatanywe mu ma saa saba (...)

Rusizi: Abataramenyekana bishe umusaza bamujugunya mu Kivu
Rusizi: Abataramenyekana bishe umusaza bamujugunya mu Kivu

Kanyamahanga Evariste w’imyaka 63, wari utuye mu mudugudu wa Isha,akagari ka Kamashangi, mu murenge wa Giheke, mu karere ka Rusizi yishwe n’abagizi ba nabi n’ubu bagishakishwa bikekwa ko bamukubise (...)

Ngoma: Abarokotse Jenoside bifuza ko urwibutso rwa Zaza rwatwikiirwa
Ngoma: Abarokotse Jenoside bifuza ko urwibutso rwa Zaza rwatwikiirwa

Abacitse ku icumu rya Jenoside bafite ababo bashyinguwe mu rwibutso rwa Jenoside rwa Zaza, mu murenge wa Zaza, akarere ka Ngoma, baravuga ko bababazwa nuko uru rwibutso rudasakaye, bakifuza ko (...)

Rubavu:Abahoze ari abayobozi barokoye abatutsi muri Jenoside bashimiwe
Rubavu:Abahoze ari abayobozi barokoye abatutsi muri Jenoside bashimiwe

Ndabarinze Faustin wahoze ari Burugumesitiri w’icyahoze ari komini ya Mutura na Baributsa Juvenal wahoze ari Resiponsabure wa selile Hehu muri Segiteri ya Mutovu, akaba yari n’umuvugabutumwa, (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.